来源：广西民族报
发布时间：2021-12-29
Sinhvazse Baekging ndwen 12 ngoenz 25 dienh Youq mwh Cungguek Guekgya Vagiyen cingqsik laebbaenz 20 hopbi, Cunghgung Cunghyangh cungjsuhgi、guekgya cujsiz、Cunghyangh Ginhveij cujsiz Siz Ginbingz ndwen 12 ngoenz 25 hoiz saenq hawj yisuzgyah aen vagiyen neix, cukhoh caeuq camnai gyoengq bouxyienj Guekgya Vagiyen.
Siz Ginbingz youq ndaw saenq naeuz, gyoengqsou itcig gvancez vwnzyi fuengcim cwngcwz dangj, swnjcienz gij goeknduj Yenzanh laebyienh, swnjcienz gij meglwed saekhoengz Yenzanh, gaenxmaenx hengzguh gij sawjmingh coengzsang yisuz vih beksingq, vih vwnzyi hwngfat hoenghvuengh fatok cozyung youqgaenj. Gyoengq yisuzgyah haenqrengz gaenxguh, cauhguh le haujlai cozbinj ndei miz ndoknyinz、 miz daudwz、miz dohraeuj, guh daengz binjdwz caeuq yisuz cungj miz mingzdaeuz ndei.
Siz Ginbingz giengzdiuh, maqmuengh caezgya laebdaeb roengzrengz, dawzmaenh diuzmeg seizdaih、soujmaenh beksingq lizcangz、dingjmaenh souj cingq cauhmoq, yungh cingz yungh rengz gangj ndei gojgaeq Cungguek, cauh’ok engq lai cozbinj maenhndei doiq ndaej hwnj seizdaih、doiq ndaej hwnj beksingq, vih vwnzyi saehnieb seizdaih moq hwngfat hoenghvuengh、vih fungfouq cingsaenz seiqgyaiq beksingq ok goengrengz engq lai.
Ndanggonq Guekgya Vagiyen dwg Yenzanh Cinghnenz Yisuz Giyen bi 1941 laebbaenz, doeklaeng ginggvaq gaij mingz geij baez, youq bi 2001 ndwen 12 ngoenz 25 cingqsik gyoeblaeb baenz Guekgya Vagiyen. Mboengqneix, 16 boux yisuzgyah Guekgya Vagiyen raiz saenq hawj Siz Ginbingz cungjsuhgi, bauqlwnh gij dijvei hag gangjvah youqgaenj Siz Ginbingz cungjsuhgi youq aen gaihmusiz Cungguek Vwnzlenz Cib’it Daih、Cungguek Cozhez Cib Daih haenx, caeuq gij cingzgvang hwngfat giyen cauhlaeb 80 bi doxdaeuj, gangjok le gij gietsim giendingh cauhguh cozbinj maenhndei vih vwnzva giengz guek ok rengz.
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com