来源：广西民族报
发布时间：2020-09-25
9 nyied 14 hauh daengz 18 hauh, Gvangjsih Minzcuz Yijvwnz Yenzgiu Cunghsinh youq Namzningz banh bansonlienh Cuengh Gun doxhoiz bi 2020. Gungh miz 44 bouxhag doxcomz daeuj aen bansonlienh neix hag fanhoiz, gyoengqde daj Swcigih Minzcunghveij Minzcuz Yijvwnz Cu、Gvangjsih Minzcuz Yijvwnz Yenzgiu Cunghsinh、Aensiz Vahcuengh Sawcuengh Cunghgoz Minzcuz Yijvwnz Fanhyizgiz、Gvangjsih Minzcuz Bause、Gvangjsih Sam Nyied Sam Cazcise、Gvangjsih Minzcuz Cuzbanjse daengj danhvei doxgven daeuj.
Aen bansonlienh neix cingj doenghboux lauxcangh Vahcuengh Sawcuengh daeuj hwnjdangz, gyoengqde daj Aensiz Vahcuengh Sawcuengh Cunghgoz Minzcuz Yijvwnz Fanhyizgiz、Gvangjsih Minzcuz Dayoz daengj danhvei daeuj. Gyoengq lauxcangh neix hwnj doenghgij dangz gangj《Gij Yiengh Coenz Vahcuengh Sawcuengh Miz Maz Doxdoengz Caeuq Doxca》《Gij Fap Faencek Vahcoenz》《Gijyungh Ginghci Vahgangj Caeuq Vahgangj Banggungz》《Gij Lijlun Cuengh Gun Doxhoiz Caeuq Yungh De Guhhong》《Faencek Caeuq Fanhoiz Coenz Hojnanz》 《Baenzlawz Fanhoiz Vah Lai Vah Lw》《Gij Sing Doxhabngamj Fwen Cuengh Fwen Gun Caeuq Baenzlawz Fanhoiz》《Gij Banhfap Fanhoiz Coenz Raez Coenz Hoj》《Baenzlawz Yungh Gij Yonjgen Fanhoiz Sawcuengh Guhhong》daengj; doenghgij sonlienh neix habngamj bouxhag caeuq doiq gyoengqde mizyungh lailai.
（Veiz Cauh）
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com