来源：广西民族报
发布时间：2020-09-04
Bineix gvaqdaeuj, Lingzyinz Yen Yinzsegiz yaeng ndei guh daengz, caensaed guh ndei hong cizyez ginaengz sonlienh. Gyoengqde ciuq “diuzcingj baijbouh、daezsang mbaek- gaep、 doedok daegsaek、fugsaeh ndaejhong” fuengcim dazyinx, aeu “seiq yawjnaek” bae guh ndei “dinghdan、dinghgangj、dinghyiengq” cinjcingq sonlienh, aeundaej yaugoj ndei.
It dwg yawjnaek modaej baizcaz. Gyoengqde mbouj lau dwgrengz haeuj mbanj haeuj ranz, guh ndei boux yaek sonlienh modaej baizcaz, sijsaeq geiq ndei, guh daengz cinjcingq sonlienh.
Ngeih dwg yawjnaek saenqsik guenjleix. Gyoengqde ciuq fap ciuq gvi guh ndei doeksaed, sijsaeq haeddoiq ndei doengh aen guh sonlienh saenq- sik, hawj doengh aen guh sonlienh ndaej mizyauq sonlienh.
Sam dwg yawjnaek senhconz hemqheuh. Gyoengqde aeu cungj senhconz fuengsik naj doiq naj senh- conz、naenghdamz、haeuq ranz senh- conz daengj, gya hwnj doenggvaq densi、gvangjbo、veizsin daengj senhconz, hawj vunzlai roxyiuj sonlienh fuengsik cix gaenxmaenx bauqmingz camgya.
Seiq dwg yawjnaek naengzlig daezswng. Gyoengqde ciuq dangdieg saedcaeq, it fuengmienh guh ndei “aeu guhhong lawh sonlienh”, gikleih giyez sou vunzhong ranz gungzhoj onjdingh guhhong, seizneix daengx yienh miz 14 aen fuzbinz cehgenh sou vunz guhhong 202 vunz hengzguh “aeu guhhong lawh sonlienh”; lingh fuengmienh gibseiz guh lajsienq sonlienh, dangqnaj gaenq gonqlaeng guh cizyez ginaengz sonlienh 65 geiz, sonlienh 3134 vunz, ndawde laebdangj guhgaj vunzhong ranz gungzhoj 1943 vunz, rengzrwd mizyauq coengh nyoengx le daengx yienh hong vutgungz gunggeng.
（Lij Sunvaz Vangz Cingzhungz/李顺华 黄呈宏)
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com