来源：广西民族报
发布时间：2020-08-19
8 nyied 8 hauh daengz 9 hauh, aenban Yinznanz Vwnzsanh sonlienh Sawcuengh bi 2020 geiz daih’it youq Yinznanz Swngj Vwnzsanh Yozyen gawjbanh, aen ban neix youz Yinz- nanz Swngj Vwnzsanh Bouxcuengh Myauzcuz Swcicouh Cuenghhag Hwngfat Yenzgiuvei guhgyaeuj banh. Miz 300 bak boux doxcomz daeuj ndaw ban neix hag Sawcuengh——gyoengqde dwg beixnuengx Boux- cuengh, daj ndaw aen yozvei neix、 ndaw cou neix、cou si wnq ndaw Yinznanz Swngj caeuq Guengjsae daengj dieg daeuj; neix dwg baez sonlienh Sawcuengh vunz doxcomz daeuj hag Sawcuengh ceiq lai ndeu.
Baez sonlienh neix guh song ngoenz, gangj gij cihsiz giekdaej Vahcuengh Vahdung caeuq gij singmeh、yinhmeh、singdiuh Vah- cuengh daengj. Boux lauxsae hwnjdangz haeujlaeg gangj youh hawj vunz ngaih rox Sawcuengh caeuq son baenzlawz hag Sawcuengh, neix hawj bouxhag lai maij hag Saw- cuengh, lai rox ciepcienz vwnzva maenhndei Bouxcuengh dwg hong- saeh youqgaenj. Gyoengq bouxhag ndaw ban neix bouxboux cungj yawj baez sonlienh neix dijcienz lailai, laemxsim daj seizneix dauqlaeng haenqrengz dawzhwnj diuzrap ciep- cienz vwnzva maenhndei Boux- cuengh.
（Luz Swnghyungz Luz Hinghbinh）
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com