来源：广西民族报
发布时间：2020-08-19
Daj bi 2010 doxdaeuj, Yungzsuij Myauzcuz Swciyen aeu seiq aen banhfap hung netsaed guh ndei hong henhoh caeuq hwngfat aenmbanj miz gij daegsaek siujsoq minzcuz. Aen banhfap daih’it dwg gya rengz guh gij sezsih giekdaej. Aen yienh neix ok rengz hung cang ndei yienghsiengq aenmbanj, hawj aenmbanj minzcuz ndeiyawj youh youq ndaej soengsup. Aen banhfap daihngeih dwg gya rengz senhconz caeuq son’gyauq vunzlai. Comz vunz guh 32 ciengz（baez）hozdung senhconz faplwd, diep 60 lai diuz byauhyij、fukvang, guh 110 gaiq benjhwzbanj、benj baijok, yaenqfat 1000 lai faenh swhliu、cekveh gvendaengz henhoh vwnzva minzcuz hawj vunz gak mbanj. Aen banhfap daihsam dwg ciuq faplwd henhoh swnghdai vanzging. Aen banhfap daihseiq dwg baengh ngoenzciet minzcuz dazyinx hekyouz. Lumj youq Beizsiu Myauzcai, bibi cungj banh hozdung angqhoh ciet gwnmoq“loeg nyied loeg”, yienj gij go foux ciuhgeq miz haenx hawj vunzlai yawj, moix bi dazyinx 8000 lai vunz daeuj yawj. Suenq daengz bi neix 7 nyied, aen yienh neix miz 18 aen mbanj ndaej Guekgya Minzveij anmingz guh“Cungguek aenmbanj miz gij daegsaek siujsoq minzcuz”, miz 2 aen mbanj ndaej Swcigih Minzcunghveij anmingz guh Guengj- sae daih’it buek“aenmbanj miz gij daegsaek siujsoq minzcuz”.
（Cinz Cunghdwz）
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com