来源：广西民族报
发布时间：2020-07-31
Bonjbauq siusik（gicej Dangz Lungz）7 nyied 24 hauh banhaet, Aensiz Vahcuengh Sawcuengh Cunghgoz Minzcuz Yijvwnz Fanhyiz Giz（baihlaeng gangj dinj baenz Aensiz Vahcuengh Sawcuengh） boux cujyin Lanz Ligoz daiq 4 boux vunz ndaw aensiz neix guhdoih daengz bause dou soengq saw, caemhcaiq caeuq Veiz Sang’yungz secangj daengj vunz ndaw danhvei dou guhdoih naengh roengzdaeuj gangjgoj doxyaeng.
Baez neix, Aensiz Vahcuengh Sawcuengh gungh soengq 9 yiengh 192 bonj Sawcuengh（gungh dij 5160 maenz）hawj bause dou, gij saw neix baudaengz《Sawloih Gun Cuengh Ciuhneix》《Buekrengz Dwkhingz Cienzmienh Hwnqbaenz Aen Biengz Siujgangh Duedaeu Yiengh Sevei Cujyi Miz Gij Daegsaek Cungguek Seizdaih Moq Ndaej Hingz Hung- mbwk——Aen baugau youq gwnz hoih Cunghgoz Gungcanjdangj Daih Cibgouj Baez Daengx Guek Daibyauj Daihhoih guh》《Cunghvaz Yinzminz Gunghozgoz Yenfaz》 daengj.
Soengq sawq liuxle, song baih naengh roengzdaeuj guhdoih gangjgoj, doxlwnh doxyaeng seizneix dauqlaeng baenzlawz hwngzfat hongsaeh Saw- cuengh、baenzlawz gungganq vunzcaiz Sawcuengh、baenzlawz fanhoiz Saw- cuengh lai ndei、baenzlawz hwnqguh bingzdaiz hawj boux guh hong Sawcuengh doxgyau doxyaeng dox- doinyoengx vanzlij baenzlawz hawj Sawcuengh lai ndei fugsaeh aenbiengz daengj; bouxboux haeujsim haeujlaeg naemjngeix、doxyaeng、ok geiqmaeuz, vanzlij gyonj baenz haujlai yawjfap doxdoengz.
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com