来源：广西民族报
发布时间：2020-07-24
Bineix doxdaeuj, Cungzcoj Si Gyanghcouh Gih gyonjrengz guh hong gunggeng duetgungz, yungh ndei 629 fanh gij cienzngaenz hwngfat siujsoq minzcuz youz baihgwnz bued hawj aen gih neix, hwnqguh aen gunghcwngz gwnraemx ancienz ndeu、6 diuz gungh 13.53 goengleix roensuijniz doeng mbanj, nangqdaengz lai aen cunh mbanj ndaw Cojcouh、Dozluz、Nazlungz daengj yanghcin aen gih neix, 12000 vunz ndaej ikleih. Suenq daengz 7 nyied ndawcib, Gyanghcouh Gih guh gij hanghmoeg cienzngaenz hwngfat siujsoq minzcuz bineix liuxcaez gvaq.
Ciuq cam rox, aen gih neix haenqrengz guh ndei hong nduj hanghmoeg、doxgap doinyoengx doeksaed hanghmoeg、gyaak guenj ndei cienzngaenz hanghmoeg, cawz gijneix ok mbouj suenq, vanzlij gyaak gamguenj hanghmoeg dem. Bineix guh 7 aen hanghmoeg, cungj nda ndei bouxlawz guenj aen hanghmoeg lawz, nda 2 roxnaeuz 3 boux ganbu ndaw cunh mbanj dangdieg guhdoih guenjleix hangh- moeg, lij okcienz cingj vunz gamleix gij hanghmoeg vunz gwnraemx, aen- aen hanghmoeg cungj miz vunz gamjguenj, mbaekmbaek hong cungj miz boux gamguenj, baez raen miz vwndiz couh gibseiz cawqleix, heuh vunz gaijndei.
（Mungz Yaujcingh）
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com