来源：广西民族报
发布时间：2020-07-17
Geij ngoenz gonq, Gvangjsih Sam Nyied Sam Cazcise ok《Sam Nyied Sam》（Banj Sawcuengh）daihsam geiz; geiz neix cienmonz fat doenghgij faenzcieng gyoengq canghhoiz canghraiz youz《Faenzhag Minzcuz》sonlienh de hoiz baenz roxnaeuz raiz baenz.
Geiz cienmonz neix fat doenghgij faenzcieng youz《Faenzhag Minzcuz》doihawj roxnaeuz genjok、youz lauxhangz hoiz baenz Sawcuengh. Doenghgij faenz- cieng doihawj de dwg faenzcieng ndei youz 18 boux canghraiz、canghsei raiz baenz, baudaengz Moz Yenz、Liuz Ging- bangh、Siz Yizningz、Ye Yenzbinh、Cin Yaginh daengj. Doenghgij faenzcieng genjok de dwg faenzcieng ndei youz 9 boux canghraiz、canghsei Guengjsae raeuz raiz baenz, baudaengz Siz Caizfuh、Yaz Hanzcangh、Fungz Yi、Vangz Beivaz、Vangz Bungz daengj. Cawzok doenghgij faenzcieng neix mbouj suenq, lij miz mbangjdi faenzcieng youz canghraiz Sawcuengh gag raiz baenz. Geiz cienmonz neix ok mbaw boeb guh 16 lai hung di, gungh 176 yieb, gungh fat 30 bien faenzcieng, ndawde miz 4 bien sawcuenh、13 bien sanjvwnz、13 bien sei.
Geiz cienmonz neix bouxhoiz caeuq bouxraiz Sawcuengh dingzlai dwg boux- hag caeuq bouxson’gyauq ndaw song aen ban neix：“Bi 2018 Lujsin Vwnz- yozyen《Faenzhag Minzcuz》aenban sonlienh canghhoiz canghraiz” caeuq “bi 2019《Faenzhag Minzcuz》aenban son- lienh canghhoiz canghraiz.
Ok geiz cienmonz neix, dwg Gvangjsih Sam Nyied Sam Cazcise daih’it baez caeuq geizgan wnq doxgap okbanj. Ciuq cam rox, aeu Sawcuengh ok geiz geizgan cienmonz ndeu, langhbaij gij hongbaenz faenzhag ciuhneix Cung- guek, youq gizdieg faenzhag Sawcuengh, neix dwg mbat daih’it.（Veiz Yinyiz）
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com