来源：广西民族报
发布时间：2020-07-03
6 nyied 23 hauh, Liujcwngz Yen youq Majsanh Cin Hwngzsanh Cunh guh haujlai hozdung, cingznaek coux duenngux, “Vahcuengh Vahgun doxhoiz”okrengz coengh duetgungz gunggeng. Mbeguh hozdung baenzrangh miz sonlienh song vah、senhconz cwngcwz、doxdax suek faengx daengj, aenq miz 50 boux ganbu ndaw yienh dungjcan minzcungh hidungj vanzlij vunz Hwngzsanh Cunh camgya hoz- dung.
Youq mwh hai aenhoih sonlienh song vah, gyoengq ganbu bangrex caeuq vunz ndaw mbanj daenj hwnj ndang- daenj minzcuz, youh gaenj youh singj, haeujsim hag gij vah youqgaenj Siz Ginbingz cungjsuhgi gangj hong minz- cuz cunghgyau caeuq hong banggungz, hag cwngcwz gvendaengz banggungz, vanzlij lai roengzrengz hag 1000 coenz (aen) vah(sawloih) gingciengz yungh“Vahcuengh Vahgun doxhoiz”.
Mwh suek faengx, gyoengq ganbu bangrex caeuq vunz ndaw mbanj doxgangj doxhoiz Vahcuengh Vah- gun. “Cungswj, Vahcuengh baenzlawz gangj?” “Vahcuengh heuh cungswj guh faengx”; coenz cam coenz han, mwngz gangj gou angq, huzndei lailai.
Mwh guh gij hozdung neix, aen yienh neix Minzcunghgiz senhconz minzcuz cwngcwz aendangj coh vunzlai dangdieg, fat 300 lai faenh doengh- yiengh senhconz, baudaengz《1000 Coenz(aen) Vah(sawloih) Gingciengz Yungh“Vahcuengh Vahgun Doxhoiz”》《Aen Diuzlaeh Hong Vahsaw Siujsoq Minzcuz Gvangjsih Bouxcuengh Swcigih》 《Riengz Gou Hag Vah Siujsoq Minzcuz》、 daehsenhconz、 fag- beiz daengj.
（Veiz Gyaujsiengh）
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com