来源：广西民族报
发布时间：2020-07-01
6 nyied 17 daengz 18 hauh, aen hozdung 2020 nienz hag fwen Vahcuengh Vahgun youq Ningzmingz Yen Cwngzcungh Cin Gveizdangz Cunh gawjbanh, de youz Swcigih Minzcunghveij haeujcoengh vixyinx、Gveizdangz Cunh okrengz banh. Gungh miz 50 boux ginzcung ndaw cunh daeuj dang bouxhag. Swcigih Minzcungjveij Minzcuz Yijvwnz Cu baij vunz daengz dangciengz vixyinx.
Baez hozdung neix cingj ndaw swcigih ndaw yienh doenghboux canghfwen okmingz、lauxsae Vah- cuengh Vahgun daeuj, hwnjdangz hawj gyoengq bouxhag dingq, son gyoengqde hag gij cihsiz giekdaej Vahcuengh Sawcuengh、gij cihsiz giekbonj fwen Bouxcuengh, vanzlij baenzlawz cauh- ok caeuq yienjciengq fwen Vahcuengh Vahgun.
Mwh guh hozdung, doenghboux canghfwen mizmingz ndaw swcigih aeu Bujdunghva daj gyaeuj daengz rieng lwnh caez, gangj gij diuh caeuq ciengqfap fwen Bouxcuengh, caemh- caiq dangciengz yienjciengq. Ciep- laeng, youz canghfwen ndaw yienh aeu Vahcuengh daeuj son bouxhag aeu gak dieg ciengqfap hag ciengq《Fwen Coux Hek》《Gwndaenj Vuenyungz Fanh Bi Nanz》 《Fwen Soengq Hek》 daengj.
（Moz Liujgvei Yauz Wnhmingz）
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com