来源：广西民族报
发布时间：2020-06-22
Bi 2020 ndwen 5 ngoenz 21 daengz ngoenz 28 Daengx Guek Song Hoih youq Baekging ciuhai. Gvangjsih Minzcuz Bause daih’it baez yungh Cuengh、 Gun song saw vah sibinz、 yinhbinz baijok hingzsik caeuq cienzmeizdij vunqsik, mbouj lau vunz noix caeuq cienz giepnoix, conhfangj bonj gih 6 boux saujsu minzcuz Daengx Guek Yinzda daibyauj caeuq 2 boux Daengx Guek Cwnghez veijyenz. Yunghsim maeuzveh song hoih cien- daez baudauj, mbebaij gij cingzcik hungloet Mbanjcuengh raeuz youq “Cauhlaeb Aen Guengjsae Gyaeundei、Saedyienh Aen Loqsiengj Fukhwng” aeundaej haenx, baijok le gih raeuz minzcuz doxgiet、 sevei huzndei, bau- dauj fanjyiengj haenqfofo, cwngzgoj lairaeuh.
Gij baenzroix baudauj bonjbauq youq mwh song hoih cienzmeizdij doiok haenx, youq 《Gvangjsih Minzcuz Bau》 banj Sawgun daengh ok 10 aen conhbanj 21 bien, aen meizdij bingzdaiz moq lumjbaenz vangjcan、 veihboz、 veihsin daengj doisoengq 126 bien， guh haijbau 15 mbaw、 “minzcuz fangjdanz” sibinz 5 aen. Baenzroix baudauj hopheux “minzcuz”， yungh Cuengh Gun song saw vah yinhbinz、 sauq wveizmaj dingq haijbau miz sing Cuengh Gun song saw vah daengj hingzsik guh baudauj, ndaej haujlai cawjlouz meizdij gvansim yawjnaek, Yinzminzvangj、Cunghsinh- vangj、 《Cungguek Minzcuz Bau》 daengj cienjdaengh 60 bien, ndawde 《Cungguek Minzcuz Bau》lienzdaemh doiok 《Buekhingz Cienzmienh Siuj- gangh Hoenxhingz Duetgungz Gung- geng》 《Cauhlaeb Aen Guengjsae Gyaeundei Saedyienh Aen Loqsiengj Fukhwng —— Youq Gvei Daengx Guek Yinzda Daibyauj Gangj Hwngfat》 song aen daengx banj gungh 7 bien daegdaengq iuiek baudauj, Gvangjsih Densidaiz youq 《Vahcuengh Sinhvwnz》 lanzmoeg boqok bonjbau 5 geiz “minzcuz fangjdanz” sibinz.
（Veiz Sangyungz）
编辑：
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com