来源：广西民族报
发布时间：2020-06-22
Ndwen 6 ngoenz 11 banringzgvaq, Nanzningz Si Sinhhingh Minzcuz Yozyau banh aen hozdung “ngoenz vwnzva caeuq swyenz yizcanj”, Gvangjsih Sam Nyied Sam Cazcise cungjbien Cinz Siengzcouh caeuq Gvangjsih Fwen Yozvei genhsw Veiz Suzyingh daeuj guh 《Youq Laj Hingzseiq Moq Cienzciep Caeuq Hwngfat Gij Fwen Gvangjsih》 gyangjco.
Cinz Siengzcouh gyausou daengz hagdangz le dangciengz guh fwen: “Sinhhingh hagdangz caen mbouj loek, roeg ciuz va rang vunz angqyangz. Docih yaucangj iucingj gou, daeuj daengz gizneix eu go fwen”. De daj gij yisuz daegsaek fwen “yungh fwen cienz cingz、 yungh fwen cimh youx、 yungh fwen gangjvah、 yungh fwen baij ceiq”haenx, caiq daengz guh fwen “sam heiq、 sam bienq、 sam fap” daengj, faenyiengj gij gingniemh swhgeij lai bi daeuj cienzciep caeuq fazyangz fwen、 hawj eu fwen byaij ok douguek、 byaij coh seiqgyaiq haenx. De haengjdingh le yozyau youq minzcuz gyauyuz aeu ndaej gij cwngzyau de, hawj gyoengq lauxsae ndiepgyaez Gvangjsih minzcuz vwnzva, itheij fatyiengz caeuq cienzciep fwen Gvangjsih.
Gyoengq lauxsae caeuq hagseng dangciengz hag dangciengz yungh， itheij eu fwen， sing fwen goksasa buenxriengz sing bekfwngz， cienz doh ndaw hagdangz.
（Dwng Linaz）
编辑：
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com