来源：广西民族报
发布时间：2020-06-12
6 nyied 3 hauh banhaet, Youq Nanzningz Si Hinghningz Gih Swdangz Segih Sinhhih Meijyangzyangz Youwzyenz, gou dingqnyi gij sing doegsaw mbouj lumj bingzciengz, caiq dingq couh rox dwg gyoengq lwgnyez cingq caez sing doeg Sawcuengh.
Riengz gij sing doegsaw neix bae ra, gou byaij haeuj ndaw youqwzyenz bae, raen bouxlauxsae sai ndeu cingq haeujsim son gyoengq lwgnyez doeg Sawcuengh; de doq youq gwnz hwzbanj son singdiuh Vahcuengh, doq youq denswj bingzmu diemj doeg《Angq Hag Sawcuengh》, gyoengq lwgnyez maij doeg lailai, mbouj yaep nanz sim’angq lai couh riu hwnjdaeuj.
Ciuq cam rox, Nanzningz Si Hinghningz Gih Swdangz Segih ndawde vunz Bouxcuengh dangdieg ciemq 90% doxhwnj, aen youwzyenz neix yozcenzban miz 20 boux vunz Hinghningz Gih, ndawde miz 16 boux gangj Vahcuengh sugseg roxnaeuz dingq rox Vahcuengh. Gyoengqde haujlai vunz rox Vah- cuengh, caiq son coenz vah“Gou roengz mbanj cawx gaeqmeh”——coenz neix miz 6 aen sawloih、daj gyaeuj daengz rieng dwg gij sawloih guhyiengh mai singdiuh daih’it daengz daihroek; doeg bae doeg dauq, hag doeg 3 faen cung, gyoengq nyez couh hag rox 6 aen singdiuh Vahcuengh lo.
Boux yenzcangj aen youwzyenz neix heuhguh Luz Yifeih, de naeuz aen youwzyenz neix caen hengz caen guh, youq dieg Bouxcuengh son’gyauq Vahcuengh Vahgun, yienghneix guh couh caen ciuqhengz《Aen Diuzlaeh Hong Vahsaw Siujsoq Minzcuz Gvangjsih Bouxcuengh Swcigih》
（Luz Haijdwz陆海德）
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com