来源：广西民族报
发布时间：2020-06-11
Gvangjsih minzcuz vunznoix vwnzva swhyenz fungfouq, vwnzva hozdung vunzlai gak miz minzcuz deihfueng daegsaek haenx yingjyangj gvangqlangh. Gvangjsih haeujlaeg gvancez lozsiz cungh- yangh minzcuz gunghcoz veiyi、 daengx guek minzcuz doxgiet cinbu byaujcangh daihhoih cingsaenz, daihlig hungzyangz gij conzdungj vwnzva maenhndei Cunghvaz Minz- cuz, gyagiengz baujhoh cienzciep conzdungj vwnzva swhyenz ndei minzcuz vunznoix, cingzyauq yienhda.
Laeb caezcienz gij fapgvi dijhi baujhoh feihvuzciz vwnzva yizcanj, cuknet gij giekdaej guhhong ciep- swnj caeuq baujhoh. Fatbouh okdaiz le baenzroix bouhmonz gvicieng caeuq cwngcwz vwnzgen. Caezcienz aen daiqbiujsingq mingzloeg feih- vuzciz vwnzva yizcanj, gyarengz hengzguh cungdenj vwnzvuz bauj- hoh gunghcwngz hanghmoeg. Gyagiengz hwnqguh gij vwnzva binjbaiz minzcuz vunznoix, doi- caenh vwnzva ik beksingq. Dajcauh le haujlai beksingq vwnzva binj- baiz hozdung. Haiguh vwnzyi ik minz、 vwnzyi ceiqnyienh binjbaiz fugsaeh hozdung, cauxbaenz le “sam nyied sam Bouxcuengh”、 Liujcouh Si “Hawfwen Byayiz- fung”、 Gveilinz Si “aen daizheiq hung beksingq”、 Vuzcouh Si Heiqgun daengj daihbuek deih- fueng minzcuz vwnzva hozdung binjbaiz.
Cungdenj bangfuz caeuq doi- caenh minzcuz conzdungj vwnzva caeuq minzgenh gunghyibinj, gya- giengz hwnqguh minzcuz vunznoix vwnzva gunghgung fugsaeh dijhi. Swcigih vwnzva bouhmonz cung- denj doicaenh caeuq bangfuz Namzningz gozci minzgoh yisuzcez、 《Yinsieng Liuz Sanhcej》、 《Golaux Betgveiq》、 《Golaux Dungcuz》、 Loegvet vwnzva、 Vehdat Byaraiz Ningzmingz daengj minzcuz conz- dungj vwnzva caeuq gunghyi binj- baiz ndawbiengz, daezswng gij ceh- sim cengciengj naengzlig Gvangjsih minzcuz vwnzva canjnieb hangh- moeg.
(Vuz Yungz)
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com