来源：广西民族报
发布时间：2020-05-18
Yungzsuij Myauzcuz Swciyen Minzcuz Cunghyoz aeu ndaej Gozvuyen daihcaet baez daengx guek minzcuz doxgiet cinbu mozfan cizdij. Doengh bi neix daeuj, aen hagdangz neix yawjnaek yaubwnj yenzgiu gyauyuz caeuq hagdangz vwnzva gensez, gaenxmaenx haifat yinzvwnz hozdung, hong minzcuz vwnzva haeuj hagdangz guh ndaej hoenghhwd cingzcik yienhda.
Yawjnaek yaubwnj yenzgiu gyauyuz. Hailaeb gij gocwngz minzcuz daegsaek vwnzva, cauhbien caemhcaiq yaenqguh 《Yungzsuij Minzcuz》 《Yungzsuij Minzcuz Vwnzva Genjyi Duzbwnj》daengj yaubwnj gyaucaiz, dawz gyong Myauzcuz caeuq goengfou、venz vwnzva yungzhab hwnjdaeuj, moix singhgiz banh doeg saw ginghdenj hozdung, hawj hagseng lai rox minzcuz vwnzva.
Yawjnaek hagdangz vwnzva gensez. Cauhguh aen hagdangz miz minzsug vwnzva, hungzyangz gij conzdungj vwnzva maenhndei Cung- guek, daegbied cingj boux cienzciep feihyiz haenx haeuj hagdangz, vih hagseng gangjlwnh gij vwnzva feihyiz minzcuz, guh gij hozdung minzsug vwnzva lauxsae caeuq hagseng gapdoiq.
Yawjnaek haifat yinzvwnz hoz- dung. Dajcauh aen dijhi ganq vunz “rox laex miz daek”, doihengz cizdij gvaq ndei Cunghvaz conzdungj ngoenzciet, gawjbanh conzdungj vwnzva gyauyuz hozdung caeuq daudwz daejniemh hozdung, hawj hagseng nyinhrox conzdungj、 hungz- yangz conzdungj, demlai gij cingzgamj gyaez guekcoj、 gyaez mbanjranz、 gyaez bouxwnq, baenzneix bae beizyangj hagseng laebhwnj gij yinzswnghgvanh、 gyacizgvanh cingq- deng.
(Cinz Cunghdwz/陈忠德)
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com