来源：广西民族报
发布时间：2020-04-30
Ndwen 4 ngoenz 12 daengz ngoenz 21, Gvangjsih Minzcuz Yijvwnz Yenzgiu Cungsim bae Laizbinh Si Hinghbinh Gih son mizgven vunz guh hong diucaz soucomz sawloih Vahcuengh.
Vih baujmaenh bineix hong gak hangh yezvu ndaej ciuq mbaek gonqlaeng guh, aen cungsim neix aeu hong diucaz soucomz sawloih Vah- cuengh bineix guh haenx yungh gij hingzsik goqdaez yenzgiu hawj mizgven vunz fucwz, baij vunz yezvu bae mizgven aen yienh(gih) dang- ciengz son fuengfap diucaz sawloih、cingjleix yaemhaeh daengj cihsiz, caemhcaiq diucaz sawloih yaemhaeh Vahcuengh, bang mizgven vunz cingjleix ok yaemhaeh Vahcuengh dangdieg, guh’ok aenbiuj diucaz sawloih doengz yaem Vahcuengh, vih yamqlaeng guh ciengzsaeq diucaz roengz giek ndei.
Hong diucaz soucomz sawloih Vahcuengh vih coglaeng bienraiz ceksaw hongdawz Sawcuengh Vah- cuengh ndaej miz gij caizliuh vahgangj lai, vih yaemvah Vah- cuengh、sawloih gveihfan daezhawj gaengawq. Daengz bi 2019, gaenq diucaz soucomz sawloih Vahcuengh Vujmingz、 Duh’anh、 Liujgyangh daengj 17 dieg. Aen Cungsim neix lij yaek baij vunz bae Bahmaj Yauzcuz Swciyen caeuq Yungzsuij Myauzcuz Swciyen son vunz diucaz soucomz sawloih Vahcuengh dangdieg.
(Vangz Beihingh Ouh Caijfangh)
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com