来源：广西民族报
发布时间：2020-04-30
Geij bi neix daeuj, Swhyenz Yen gaemdawz minzcuz fungcingz naekgywd、vwnzva giekdaej naekna miz daegsaek, gaenxmaenx damqra ok diuz roen cauhmoq ndeu, yungh ciet go daengdah、 gij vwnzva minzcuz vunznoix daengj guh caidij coicaenh daengx yienh minzcuz fungcingz lijyouz hwngfat.
Lai doigvangq “daengdah dah- mbwn” yienjok. Youq liggaeuq “ndwencaet cibngux” banh ciet go swnjcienz hwngfat aen minzsuz vwnzva conzdungj neix, caemhcaiq aeu “cuengq daengdah” hozdung ndeindei dox giethab hwnjdaeuj, yinx ndaej haujlai bouxhek ndaw guek rog guek daeuj, guh ndei minzcuz fungcingz lijyouz binjbaiz, bangdoi gizdieg ginghci onjyamq hwngfat.
Swnjcienz “fungsug minzcuz” daegsaek binjbaiz. Aen yienh neix youzcaz Vujbaiz caeuq Nizneine Myauzcuz ndaej liedhaeuj Gvangjsih feihvuzciz vwnzva yizcanj mingzloeg, laebbaenz aen nduj dieggoek swnj- cienz gijsiuq Mbanjyauz, caemhcaiq cauhlaeb le Aen Gunghswh Mizhanh Swnjcienz Gijsiuq Mbanjyauz Swhyenz Yen. Yungh gij binjbaiz youzcaz Vujbaiz caeuq Nizneine Myauzcuz, caeuq dangdieg makyungz、makdauz、makit、nohvaiz daengj doxgaiq dox giethab hwnjdaeuj, hawj bouxhek ndaej daejniemh “yawjngonz、cimz gwn”.
Dajcauh “saekhoengz lijyouz” cingbinj lohsienq. Cungfaen fatok Liengzsuij Myauzcuz Yangh Dangz- dung Cunh、Hozgouj Yauzcuz Yangh Cunghbingz Cunh daengj dieggoek gwzming laujgih cozyung, haenqrengz cauhmoq “saekhoengz lijyouz+” hwngfat vunqsik. Yungh Gvangjdungh Gvangjsih doxgap banggungz guh seizgei, bued cienz 950 fanh maenz dajcauh aen hanghmoeg banggungz haifat lijyouz Dangzdung Cunh(dwg aen mbanjgungzhoj), vih gwzming laujgih ginghci ndawbiengz hwngfat ok rengz hoengh.
(Huz Fanghfangh)
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com