来源：广西民族报
发布时间：2020-03-12
Bi 2019 doxdaeuj Bingzloz Yen nyinhcaen gvancez doeksaed 《Aen Diuzlaeh Hong Saw Vah Minzcuz Vunznoix Gvangjsih Bouxcuengh Swcigih》(baihlaj genjdanh heuh《Diuzlaeh》), netsaed doicaenh guh ndei hong saw vah minzcuz vunznoix.
Daezsang roxyiuj, doicaenh 《Diuzlaeh》 doeksaed, aen yienh neix iugouz gak danhvei aeu caenh’itbouh gyagiengz cujciz lingjdauj hong saw vah minzcuz vunznoix, aeu hagsib senhconz gvancez 《Diuzlaeh》 guh hangh yinvu youqgaenj ndeu, lied haeuj gak danhvei hong ngoenznaengz bae, cauh’ok gij heiqfaenh noengznwd hag 《Diuzlaeh》、 yungh 《Diuzlaeh》； doengzseiz, iugouz daengx yienh gak gihgvanh swyez danhvei、yinzminz donzdij daengj danhvei yungh seiz gihgou gaijgwz, ciuq seiz ciuq biucinj iugouz guhsat hong fanhoiz、gaekguh caeuq venjbaiz, gak aen danhvei guh aenyaenq baiz miz Cuengh Gun song cungj saw.
Gyalai senhconz, cauh’ok hagsib heiqfaenh. Aen yienh neix cungfaen yungh “sam nyied sam Bouxcuengh”“ndwen senhconz minzcuz doxgiet cinbu” daengj gij hozdung ngoenzciet youqgaenj, haenqrengz guh senhconz. Doenggvaq Bingzloz sinhvwnz、Bingzloz bingzdaiz caeuq swmeizdij daengj bingzdaiz gyalai senhconz, senhconz fuengsik lai yiengh, cingzyauq yienhda.
Yawjnaek baujhoh, haenqrengz swnjcienz vahgangj. Lienzhab yienh gyauyuz bouhmonz youq Dafaz Yauzcuz Yangh Cungsim Hagdangz cauhlaeb aen hagdangz guhyiengh son’gyauq minzcuz vwnzva, hailaeb dangzgoq Vahyauz, aeu hag Vahyauz liedhaeuj sonhag neiyungz bae; yienh minzcungh bouhmonz cawjdoengh hengz cizcwz, gaenxmaenx haiguh hong soucomz vah minzcuz vunznoix, hwnjlaeb aen cang vah minzcuz vunznoix, vih swnjcienz baujhoh saw vah minzcuz vunznoix roengz giek.
(Cwz Veijyez)
编辑：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com