来源：广西民族报
发布时间：2020-03-06
Aenvih yawhfuengz gaemhanh binghraq aeuyungh, haujlai aen bouqdaeqgyaeuj cungj mbouj ndaej hai, daeq gyaeuj gij saeh bingzciengz neix seizneix baenz gij nanzdaez caezgya, vunz guhhong giensouj youq itsienq hoenx binghraq engqgya mbouj ndaejhoengq bae daeq gyaeuj. Vihneix, Liujcwngz Yen haiguh aen hozdung gagnyienh fugsaeh saedhengz vwnzmingz seizdaih moq minzcuz doxgiet, heuhcomz bouxgagnyienh ganbu minzcuz vunznoix, bae doengh aen bouhmonz itsienq hoenx binghraq caeuq dieg minzcuz daeq gyaeuj hawj vunz guhhong youq itsienq hoenx binghraq haenx mbouj aeu cienz.
Donzyenveij heuhcomz bouxgagnyienh bouxcoz haiguh aen hozdung goeng’ik daeq gyaeuj mbouj aeu cienz“hauxseng hoenx ‘raq’”. Gonqlaeng bae yen sicangz genhgvanjgiz、yen gungh’anhgiz、yen yinzminz yihyen、yen cunghyih yihyen daengj danhvei, bae daeq gaeuj hawj vunz guhhong youq itsienq hoenx binghraq haenx. Youq Gujcai Mulaujcuz Yangh, yanghcangj caeuq geij boux cunhgan Mulaujcuz gapbaenz aendoih gagnyienh fugsaeh, bae daeq gyaeuj hawj vunz guhhong youq itsienq fuengz binghraq haenx. Fag geuz ndeu、 fag roi ndeu、 aen eij ndeu、 mbaw bangjndang ndeu, bwn’gyaeuj nyungqnyat hawj gyoengqde daeq gvaq le, baenz ndaej caezcingj dangqmaz.
Daengz seizneix, aendoih gagnyienh fugsaeh gyoepsuenq daeq gyaeuj hawj gyoengq canghyw、gingjcaz、ganbu cizgungh、vunzmbanj 500 lai vunzbaez, yungh gij hengzdoengh saedsaeh vih gyoengq vunz guhhong youq itsienq hoenx binghraq haenx gaijgez hojnanz, vih dwkhingz ciengzciengq laengzhoenx yawhfuengz gaemhanh binghraq okrengz.
(Veiz Gyaujsiengh/韦巧霜)
编辑：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com