来源：广西民族报网
发布时间：2019-11-13
Vih fungfouq gij ndwenngoenz ndawhag aen hagdangz Cuengh Gun song sawvah, cauh’ok gij heiqfaenh ndei song sawvah gyauyuz, hawj hagseng aen hagdangz Cuengh Gun song sawvah gaenx hag yungh Sawcuengh Vahcuengh, caenh’itbouh daezsang gij caetliengh sonhag Cuengh Gun song sawvah gyauyuz, ndwen 11 ngoenz 6, Gveigangj Si Cinzdangz Gih bi 2019 hagseng dangciengz raiz faenzcieng Sawcuengh doxdax youq Mungzgungh Cin Minzcuz Cunghyoz banh. Baez doxdax neix dwg Cinzdangz Gih Gyauyuzgiz cawjbanh, Mungzgungh Cin Cungsim Siujyoz、Mungzgungh Cin Minzcuz Codaengj Cunghyoz ciepbanh, doxdax faen A cuj(sam、seiq nienzgaep) caeuq B cuj(haj、roek nienzgaep) guh. 64 boux hagseng 7 aen hagdangz Cuengh Gun song sawvah camgya baez doxdax neix.
Mwh doxdax, gyoengq hagseng bouxboux cingsaenz gvaekgvaek, nyinhcaen yawj daez、riengjret raiz gij cingz caensaed bonjfaenh. Baez doxdax neix okyienh haujlai boux ak raiz faenz- cieng. Gyoengqde raiz Sawcuengh ndeiyawj dangqmaz, faenzcieng neiyungz caen, raiz ndaej ciengzsaeq, raiz ndaej miz cingz miz eiq.
Haujlai faenzcieng gig miz daegsaek, gyoengq hagseng yungh lwgda bonjfaenh yawjraen gij gyaeundei ndwenngoenz, yungh Sawcuengh raiz ok gij ngeixnaemj bonjfaenh, gangjok gij danqhaenh caeuq maqmuengh doiq ndwenngoenz, ndaw faenzcieng daejyienh le gij yinxdaeuz vahgangj minz- cuz bonjfaenh. Ginggvaq bingzveij nyinhcaen、goengbingz、goengcingq bingzbuenq faenzcieng, bingz ok le it、ngeih、sam daengjciengj.
Cinzdangz Gih Gyauyuzgiz yaek daj A、B cuj gak senjbaij 3 boux hagseng daibyauj Gveigangj Si camgya gaiq daihngeih daengx gih siujhagseng dangciengz raiz faenzcieng Sawcuengh doxdax Swcigih Gyauyuzdingh banh haenx.
(Cinz Souhwngz)
编辑：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com