Dieg Raeuz Feih Cieng Caeux Gizgiz Coux Cieng Daengz

来源：广西民族报网

发布时间：2026-07-09

▲2 nyied 7 hauh, Yungzsuij Myauzcuz Swciyen Gunjbei Dungcuz Yangh guh hozdung “gap lauxdoengz”, Myauz、Dung daengj gak minzcuz ginzcung angqcomz giz ndeu, boq aenvenz、caij din venz、 yienjheiq daengj, angqcoux bimoq. (Lungz Linzci/龙林智)

▲Gaenh ngoenz neix, Majsanh Yen Vwnzlenz guh hozdung fuzvu vwnzyi gagnyienh aen loqsiengj Cungguek raeuz —— Vwnzva haeuj fanh ranz “bitmaeg hom coux ndwencieng”, supyinx 200 lai boux segih ginzcung、boux gyaez vwnzyi caeuq hekyouz camgya. Boux gyaez sijfap yienhciengz sij doiq caeuq cih “fuk” daengj soengq hawj ginzcung.(Dou Dacenz/窦大全)

▲Gaenh ngoenz neix, Lungzswng Gak Cuz Swciyen Bingzdwngj Cin Mbanjgvangjnanz guh hozdung “nauh vaizcin”. Gyoengq vunzmbanj ndang daenj buhvaq ngoenzciet, caemh guh “nauh vaizcin”、vaizcin cunzyouz mbaenjgouz daengj conzdungj minzsug hozdung, gouz bimoq haeuxgwn rim cang, rumz doeng fwn swnh, angqcoux seizcin daeuj daengz. （Banh Cisiengz/潘志祥 Dwng Youjyen/邓晓燕）

▲2 nyied 8 hauh, Vuzcouh Si youq Singz Laeuzdiuqgiek guh hozdung bimoq comz fuk, fuk “fukgienj” 135 mij raezrangh ndeu langh gwnz gai ciuhgeq, cien lai ginzcung foenfoen youq gwnz “fukgienj” louz cih “fuk” swhgeij roengzdaeuj, gamjsouh gij yinxdaeuz conzdungj vwnzva, angqcoux cieng ciet ndei. (Hoz Vazvwnz/何华文)

▲2 nyied 7 hauh, Ningzmingz Yen youq Byaraiz Mbanjmeijsiz Caujbingz Gvangjcangz guh hozdung cietangq coux cieng. Doenggvaq yienjheiq、doxdax miz yinx、gijgwn ndei feihyiz、minzsug daejniemh daengj lai cungj hingzsik, ciuz ginzcung caeuq hekyouz daeuj camgya ciengz miz vwnzva、 miz yinxdaeuz hoihhoengh coux cieng neix. (Lij Ginh/李金)

Vah bouxbien：Cieng yaek daengz, Gvangjsih gak cuz beixnuengx angq comz giz ndeu, sij doiq nem fuk、suek faengx daem ceiz、roq laz roq gyong、eu fwen diuq foux, caez guh’angq, caemh coux cieng, gizgiz cungj dwg heiqfaenh angqyangz gvaq cieng.

编辑：实习生何英付复审：黄慧华终审：蒙树起