来源：广西民族报网
发布时间：2026-07-09
Gyoengq lwgnyez youq gwnz daiz diuq foux. Fangh Lijyi ingj
1 nyied 30 hauh, Nanzningz Si Gyanghnanz Gih Dungjcanbu lienzhab mizgven danhvei youq Meijgyanghvei Dungzsinh Gvangjcangz guh cawjdaez hozdung “ngoenzciet raeuz · cieng” bi 2026, supyinx 1200 lai gak cuz ginzcung camgya, caemh coux cieng daeuj daengz. Yienhciengz, laeb dieg senhconz cwngcwz、 dieg bienhminz fuzvu、 “gex simsing vunz dangdieg” daengj, gunghcoz yinzyenz senhconz gangjgej cwngcwz hawj ginzcung, bang ginzcung yawj bingh raed byoem mbouj sou cienz, caemhcaiq miz gunghcoz yinzyenz nyinhcaen dingq caemhcaiq geiqloeg gij yigen genyi ginzcung ceihleix segih、goenggungh fuzvu daengj fuengmienh, cietsaed gaijgez gij vwndiz “gaenj nanz you muengh” ginzcung. Vwnzyi vanjvei cezmuz gig ndeiyawj, sengdoengh yienh’ok gij vwnzva gak minzcuz doxyungz doxhag. Mbat hozdung neix gyoebsuenq soengq doiq、cih fuk caeuq gij doxgaiq venj gvaq cieng 300 lai gienh, doenghgij doxgaiq saekhoengz youq ndaw fwngz vunzlai cienzsoengq, lumj diuzsai raeujrub ndeu, cienz angqyangz caeuq doxgiet daengz ndawsim gak cuz ginzcung bae.
(Yiz Swhyij/余思宇 Fangh Lijyi/方礼裕)
编辑：实习生 何英付 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com