危重症护理中患者安全管理与护理风险控制Hohleix Bouxbinghnaek Aeu Ancienz Guenjleix Caeuq Gaemhanh Fungyiemj

来源：广西民族报网

作者：□ 作者/bouxraiz:黄春春/Vangz Cunhcunh 译者/bouxhoiz:石鹏程/Siz Bungzcwngz

发布时间：2026-08-18

ICU是救治急危重症患者的核心阵地，患者病情复杂多变、诊疗操作密集，护理风险贯穿诊疗全程，是医院护理安全管控的重点与难点。相较于普通病房，危重症患者普遍存在侵入性操作多、意识状态不稳定、自主活动能力缺失等特点，护理工作容错率极低，任何细节疏漏都可能引发不良事件，危及患者生命。本人是东兴市人民医院ICU护理人员，本文结合一线临床经验，聚焦危重症护理专属风险隐患，从专项防控、制度建设、流程规范等维度，探析科学的风险管控策略，助力全面提升重症护理安全质量。

危重症护理安全管理的核心，是构建全流程闭环风控体系，遵循事前预防为主、事中管控为辅、事后复盘兜底的原则，全方位排查化解各类安全隐患。ICU护理风险具备突发性、高危性、多样性特征，除常规躯体护理风险问题外，更多集中在操作风险、用药风险、设备使用风险及人为疏漏风险，常见管路滑脱、坠床跌倒、用药失误、误吸窒息等不良事件。这就要求护理人员摒弃传统护理思维，树立常态化、精细化风控意识，将标准化操作规范落实到每一项护理环节，筑牢患者生命安全防线。

管路安全专项管控是降低重症护理风险的核心举措。各类生命支持管路是ICU患者诊疗的重要载体，也是主要风险源头，管路移位、堵塞、感染等问题，极易诱发窒息、大出血、重症感染等严重后果。科室建立管路分级管控模式，依据风险等级差异化落实护理标准，统一管路标识，清晰标注留置信息与护理要点，严格执行交接班逐项核查制度。针对躁动、谵妄等高风险患者，科学合规使用保护性约束措施，精准把控约束范围与时长，规避管路滑脱及皮肤损伤双重风险。同时坚持动态评估管路留置指征，及时撤除无诊疗价值的管路，从源头压缩风险隐患。

意外风险防控是ICU基础安全护理的重中之重。长期卧床、意识障碍、躯体水肿等因素，让ICU患者坠床、压力性损伤风险大幅升高。科室建立患者风险分级评估机制，对高危患者全程落实防护举措，规范使用病床防护设施与约束工具，杜绝意外损伤。同时强化医患协同防控，常态化开展家属安全宣教，明确卧床护理禁忌与风险危害，引导家属主动配合护理工作，构建双向防护模式，全方位规避躯体意外风险。

用药安全管控是规避人为护理差错的关键。ICU患者用药方案复杂、联合用药种类多、给药方式特殊，多为静脉高危给药，用药精准度直接决定诊疗安全。科室严格落实给药“三查八对”全流程核查制度，三重核对患者信息与药物信息，杜绝错药、药量偏差等问题。针对血管活性药、镇静药等特殊高危药品，实行专用通路、限速输注，全程动态监测患者用药反应，第一时间处置药物不良反应。同时规范药品分区分类存放、专人管理，标准化标识，从流程上杜绝用药安全隐患。

气道精细化管护可有效降低院内感染风险。针对机械通气、吞咽功能障碍患者，科室实行个性化气道护理，动态调整气道湿化与吸痰频次，持续保持气道通畅，规避窒息风险。定期更换通气设备管路，落实精细化口腔护理，抑制致病菌滋生，有效防控呼吸机相关性肺炎。同时优化进食体位与喂食方式，严控喂食速度，进食后及时清洁口腔，杜绝误吸引发的吸入性肺炎。

完善的制度体系与团队建设是护理安全的根本保障。科室成立专项风控小组，常态化排查护理薄弱环节，复盘不良事件诱因，针对性优化护理流程。通过常态化专业培训与应急演练，提升护理人员风险预判、应急处置能力，强化全员安全责任意识。同时严格落实不良事件主动上报、复盘优化制度，形成“排查-整改-优化-提升”的闭环管理模式，从根源规避同类风险重复发生。

重症护理安全无小事，精细化风控是保障患者诊疗安全的核心。长期规范化的风险管控举措，有效降低了我院ICU各类护理不良事件发生率，显著提升了护理服务质量与患者满意度。未来，科室将持续优化安全管理制度、细化风控流程，锤炼专业护理能力，以严谨、负责的工作态度严控护理风险，全方位守护危重症患者生命健康，助力患者顺利康复。

ICU dwg giz youqgaenj gouqyw boux binghgip binghnaek haenx, bouxbingh binghcingz fukcab lai bienq、yaek guh duenqbingh gouqmingh gij saeh neix lailai, hohleix fungyiemj ronz gvaq daengx aen gocwngz ywbingh, dwg gij cungdenj caeuq nanzdenj yihyen hohleix ancienz guenjleix. Caeuq itbuen binghfuengz doxbeij, boux binghnaek miz gij daegdiemj deng doenghhaeuj ndaw ndang lai、mbouj cinjdingh roxnyinh、mbouj rox gag doengh gag cak daengj, hohleix mbouj ndaej loengloek saek di, lawq di he cungj aiq rox ok saehhux, haih daengz sengmingh bouxbingh. Dangguh boux husw Dunghhingh Si Yinzminz Yihyen,bien faenzcieng neix giethab gij gingniemh ngoenznaengz guh hong rom ndaej de, hopheux gij huxndumj fungyiemj hungnaek hohleix bouxbinghnaek, daj cienhangh fuengzre gaemhanh、cidu gensez、liuzcwngz gveihfan daengj fuengmienh,damqra gij banhfap gohyoz guenjhaed fungyiemj, bangcoengh cienzmienh daezswng gij caetliengh ancienz hohleix bouxbinghnaek.

Gij ceiq youqgaenj ancienz guenjleix hohleix yiengh binghnaek,dwg laebhwnj aen dijhi seizseiz gaemhanh fungyiemj, aeu saehgonq yawhfuengz guhcawj、saehgyang guenjhaed guh bangbouj、gvaqlaeng fukdauq dakdaej, cienz fuengvih baizcaz vaqgej gak loih huxndumj ancienz. ICU hohleix fungyiemj miz gij daegdiemj sawqmwh fatseng、gig yungyiemj、lai cungj lai yiengh, cawz gij fungyiemj ngoenznaengz hohleix ndangdaej miz haenx, engq lai comzgyonj youq cauhcoz fungyiemj、yungh yw fungyiemj、sezbei sawjyungh fungyiemj caeuq vunz caxlaeuh fungyiemj, gij saehhux ciengzraen haenx miz guenjloh lot、doek congz laemxroengz、yungh yw loeng、sup loek mbaetcaw daengj. Neix couh iugouz bouxhohleix mbouj ciuq banhfap gaeuq guh hohleix, ciengzseiz、cingsaeq gaemhaed ndei fungyiemj, ciuq biucinj gveihfan bae guh hohleix liux, bauj diuzmingh bouxbingh ancienz.

Cienhangh guenjhaed guenjloh ancienz dwg gij banhfap ceiq youqgaenj gyangqdaemq hohleix fungyiemj yiengh binghnaek. Gak loih daemxcengj sengmingh guenjloh dwg gaiq ceiq youqgaenj ICU gouqyw bouxbingh, hix dwg gij goek hux fungyiemj, guenjloh senj dieg、saek red、lahdawz daengj vwndiz, gig yungzheih yinxfat mbaetcaw、lwed baengq、lahdawz haenq daengj hougoj youqgaenj. Gohsiz laebhwnj aen vunqsik faengaep guenjleix gaemhanh guenjloh, gaengawq fungyiemj daengjgaep cabied bae lozsiz aen biucinj hohleix, doengjit gij geiqhauh guenjloh, raiz cingcuj gij saenqsik louzce caeuq hohleix yaudenj,yiemzgek caephengz gyauciep ban cug hangh haedcaz cidu. Cimdoiq cukcak akrem、uk luenh bagngag daengj doengh boux fungyiemj sang de, gohyoz habgvi sawjyungh gij banhfap hanhhaed, cinjdeng dawz gaemhanh hanhhaed fanveiz caeuq seizgan dinj raez, mbouj hawj diuz guenjloh lot、 naengnoh deng sieng. Doengzseiz genhciz gaengawq cingzgvang bienqvaq bae bingzguj louz mbouj louz guenjloh, gibseiz yut gij guenjloh mbouj caiq yungh bae, daj goek gemjnoix fungyiemj huxndumj.

Fuengzre gaemhanh gij fung- yiemj liuh mbouj daengz de dwg ICU giekdaej ancienz hohleix ndawde hangh ceiq youqgaenj haenx. Ciengzgeiz ninz mbonq、uk mbouj roxyiuj、ndangdaej foegraemx daengj yinhsu, hawj bouxbingh ICU deng doek mbonq、at sieng fungyiemj daezsang. Gohsiz laebhwnj aen gihci faen gaep bingzguj gij fungyiemj bouxbingh, doiq boux binghnaek cienzbouh guh ndei fuengzhen, gveihfan sawjyungh gij sezsih caeuq hongdawz hanhhaed gwnz congzbingh, mbouj hawj mizok saehhux loengloek deng sienghaih. Doengzseiz gyagiengz canghyw caeuq vunzranz bouxbingh gapdoengz fuengzhaed, ciengzseiz son’gyauq vunzranz bouxbingh ancienz cihsiz, gangj cingcuj hohleix bouxbingh mbouj rox hwnq mbonq yiengh lawz mbouj naengz guh, son hawj vunzranz bouxbingh gag boiqhab guh hong hohleix, song mbiengj caez fuengzhoh, mbouj hawj ndangdaej bouxbingh deng sienghaih saek di.

Gaemguenj yungh yw ancienz dwg yamq ceiq youqgaenj baexmienx hohleix loengloek. ICU bouxbingh yungh yw fueng’anq fukcab、lienzhab yungh yw cungjloih lai、hawj yw fuengsik daegbied, dingzlai dwg daj cingmwz dwkyw, yungh yw cinjdeng cigciep gietdingh yawjbingh ywbingh ancienz. Ndaw gohsiz yiemzgek doeksaed aen cidu haedcaz gij liuzcwngz “sam caz bet doiq”, haeddoiq saenqsik bouxbingh caeuq saenqsik yungh yw sam baez, mbouj hawj mizok yungh yw loek、yungh yw yungh liengh bienca daengj vwndiz. Cimdoiq gij yw haenqrem、yw caemding daengj dwk haeuj sailwed daegbied yungyiemj de, aeu dwk haeuj diuz guenjloh cienyungh bae、hanh vaiqmenh, daengx gocwngz gamcaek bouxbingh yungh yw fanjying, daih’it seizgan cawqceq yungh yw le mizok mbouj ndei fanjying. Doengzseiz gij yw aeu faen gih faen loih cuengq、cienvunz guenjleix, doengjit biugeiq ndei, daj liuzcwngz fuengmienh gimqhaed mizok ancienz huxndumj.

Cingsaeq guenjhoh ndei diuz doengheiq ndaej mizyauq gyangq- daemq gij fungyiemj lahdawz. Doiq boux gihgai doengheiq、ndwnj gwn gazngaih haenx, ndaw gohsiz yawj cingzgvang mbouj doengz bae hohleix, gibseiz diuzcingj diuz doengheiq dem mbaeq caeuq sup myaizniu baezsoq, hawj diuz doengheiq doenglad, baexmienx deng mbaetheiq. Dinghgeiz vuenh gij guenj doengheiq haenx, hohleix ndei conghbak, naenxhaed gij nengzbingh sengfat, mizyauq bae fuengzre gaemhanh gij bingh yungh huhcizgih deng bwtgawh. Doengzseiz hawj bouxbingh ndaej naengh gwn haeux, gueng hix aeu guh ndei, gueng seiz menh di, gueng sat le aeu riengx bak seuq, mbouj hawj gwn ndoet loeng hoz roengz bwt le baenz bwtgawh.

Laebndei gij cidu dijhi、guh ndei donzdui gensez dwg gij gaenbonj baujcang hohleix ancienz. Gohsiz laebbaenz cienhangh funghgung siujcuj, ciengzseiz baizcaz gij hothoh buegnyieg hohleix, fukdauq buenzcaz saehgienh mbouj ndei de dwg aenvih gijmaz, youh gig miz cimdoiq bae guh ndei hohleix liuzcwngz. Doenggvaq bingzciengz ciennieb beizyin caeuq wngqgip yienjlienh, daezswng gij naengzlig bouxhohleix fungyiemj yawhbauq、wngqgip cawqceq haenx, giengzvaq daengx gyoengq vunz ancienz cwzyin yisiz. Doengzseiz yiemzgek doeksaed aen cidu gag bauq、fukdauq guhndei gij saehgienh mbouj ndei haenx, cauxbaenz aen vunqsik guenjleix hopheux“baizcaz—cingjgaij—gaijndei—daezswng”, daj goekgaen bae ndojbaex doengz loih fungyiemj cungzfuk fatseng.

Binghnaek hohleix ancienz mbouj miz saeh iq, cingsaeq hanhhaed fungyiemj dwg aen haedsim baujcang bouxbingh yw bingh ancienz. Gij banhfap guenjleix gaemhanh fung- yiemj ciengzgeiz gveihfanva haenx, mizyauq dwk gyangqdaemq le aen yen dou ICU mizok gij saehgienh gak loih hohleix mbouj ndei haenx, hawj hohleix engq ndei、bouxbingh engq muenxeiq. Daengzcog, gohsiz yaek laebdaeb gaij ndei ancienz guenjleix cidu、dawz hong hanhhaed fungyiemj guh saeq bae, muzlienh ciennieb hohleix naengzlig, aeu gij gunghcoz daidu yiemzmaed、fucwz bae yiemzgek gaemhanh hohleix fungyiemj, cienz fuengvih henhoh gij sengmingh ndangcangq boux binghnaek, bangcoengh bouxbingh ndangdaej ndei dauq.

(作者单位：广西东兴市人民医院)

编辑：实习生石喜丹复审：黄慧华终审：蒙树起