远离胃癌：须知，必行Gaej Baenz Binghveiaiz：Deng Rox，Deng Guh

来源：广西民族报网

作者：□ 作者/bouxraiz:卢芬芬/Luz Fwnhfwnh 译者/bouxhoiz:唐龙/Dangz Lungz

发布时间：2026-07-09

“有点胀气，吃个健胃消食片”“又打嗝了”“胃有点疼”……胃部有些不适，很多人会觉得没什么大不了，自己吃点药，忍忍就过去了。然而，这些看似常见又轻微的症状，可能让你离胃癌只有一步之遥。

网络上，“胃癌几乎都是‘吃’出来的”这一话题引发全网热议。很多人疑惑：胃癌真的是“吃”出来的吗？打嗝真的和胃癌有关？胃癌还有哪些被忽略的早期信号？

这些“信号”不可忽略

顽固性打嗝不是“饱嗝”。普通饱嗝（嗳气）是胃里的气体排出，声音低沉，但顽固性打嗝可能是胃癌的预警。曾有新闻报道，某女士打嗝一年未重视，最终查出中晚期印戒细胞癌。其打嗝的真正原因是胃癌病灶刺激膈肌或迷走神经，导致膈肌痉挛，出现停不下来的“短促打嗝”。

饭后“异常饱胀”。吃少量食物就觉得上腹胀满，这并不是消化不良，有可能是早期胃癌导致胃动力下降。这种饱胀与进食过量饱胀的区别是，胃癌引起的饱胀不会随时间缓解，甚至伴随隐痛。

无规律、抗药性且夜间加重的上腹痛。胃溃疡的痛一般在饭后1小时左右，空腹则会缓解，而胃癌的痛毫无规律，可能饭后发作，也可能夜间疼醒，吃胃药无效。

除以上情况外，如果反酸、嗳气带臭味、黑便或吐血，短期内无刻意减肥但暴瘦，也需要注意。

这些常见胃病离胃癌很近

胃溃疡：长期不愈的胃溃疡边缘黏膜在修复过程中可能发生异型增生，进而癌变。

萎缩性胃炎：被称作胃癌的“高危土壤”，会沿着慢性胃炎→萎缩→肠化生→异型增生→胃癌的路径逐步发展。

胃息肉：大部分息肉癌变率极低，但腺瘤性息肉是明确的癌前病变。

胃食管反流：胃酸反流会持续刺激食管，长期如此不仅会损伤食管黏膜，还可能间接提高胃部癌变的概率。

胃上皮内瘤变：低级别上皮内瘤癌变风险较低，高级别上皮内瘤变癌变风险较高，被视为早期胃癌或即将癌变。

幽门螺杆菌感染：胃癌的Ⅰ类致癌原，是导致上述大多数癌前状态和病变的最主要元凶。建议40岁以上人群或有胃病史者进行碳13/14呼气试验检测，阳性者需在医生的指导下接受“四联疗法”规范治疗，并全家共同防治，提倡分餐制、使用公筷。

胃癌是“吃”出来的

胃癌的病因有很多，但胃黏膜长期受到损伤是重要基础。当这些受损的胃黏膜遇到幽门螺杆菌感染、长期不健康饮食或恶劣环境刺激时，就像在伤口上撒盐，会加速病变向胃癌发展。

人们常说“胃癌几乎都是吃出来的”，也并非夸张，胃癌的发生确实与饮食习惯密切相关。相关研究数据表明，在胃癌的诱因中，饮食因素是仅次于幽门螺杆菌感染的最主要可变风险因素之一，约30%—50%的胃癌归因于不良饮食和生活习惯。

这些食物要少吃

高盐及盐渍食品。咸菜、腌肉、腊肉等腌制食品含大量亚硝酸盐，进入胃部后转化为致癌物质亚硝胺。同时，长期高盐饮食会直接破坏胃黏膜保护屏障，削弱胃部抵抗力。

过烫食物。火锅、热粥、热茶等热食，一旦温度超过65℃，就会灼伤胃黏膜。黏膜反复受损、反复修复，极易诱发细胞病变，增加癌变风险。

烧烤、熏制、油炸食品。这类食品在高温烹饪过程中，会产生杂环胺、多环芳烃等致癌物质，长期食用会破坏胃黏膜屏障。

长期抽烟饮酒。烟酒同吃，对胃部是双重伤害。酒精会直接刺激胃黏膜，过量饮酒还会导致胃糜烂、出血。烟草中含的尼古丁会减少胃黏膜血流量，阻碍黏膜修复，还会增加幽门螺杆菌感染风险。

发霉花生。发霉花生含黄曲霉毒素，毒性是砒霜68倍，1毫克就可能致癌，常规蒸煮烹饪无法将其破坏，只要出现发霉，切勿食用。

此外，饮食不规律同样伤胃。长期熬夜、吃夜宵、不吃早餐、暴饮暴食等不良习惯，会打乱胃的生物钟，导致胃酸分泌紊乱，损伤胃黏膜。

遵行这些“护胃法则”

胃癌是可防可控的癌症，早期发现治愈率很高。当然，日常预防也很关键。

饮食上：建议多吃新鲜蔬果和小米、燕麦等全谷物，以及鱼、蛋、奶等优质蛋白。尽量少吃咸菜、腌肉、油炸、烧烤、过烫、辛辣刺激的食物。

生活上：规律生活，三餐定时定量，睡前3小时不进食，避免胃酸反流。

“Dungx mizdi raeng, gwn naed yw cangq dungx siu dungx ndeu”“youh wij lo”“dungx mizdi in”……Dungx mizdi youq mbouj baenz, haujlai vunz rox laihnaeuz mbouj miz maz saeh, bonjfaenh gag gwn di yw、nyaenxnyaenx couh gvaqbae lo. Danhseih, doenghgij yienghbingh ciengzseiz raen youh iqet neix, aiq hawj mwngz yaek baenz binghveiaiz lo.

Youq gwnz vangjloz, miz vunz naeuz “binghveiaiz cengdi cungj dwg ok laeng ‘gwn’ daeuj”cix yinxfat le vunzlai daengx vangj lwnhyaengyaeng. Haujlai vunz ndaw sim cix ngeiz：Binghveiaiz caen dwg ok laeng“gwn”daeuj? Wij caen nangqdaengz bingh- veiaiz? Binghveiaiz vanzlij miz doenghgij saenqhauh lawz youq geizcaeux deng raeuz lumzlawq?

Gaejlaeg Lumzlawq Doenghgij“Saenqhauh”Neix

Wij nanz mbouj dingz mbouj dwg“wij imq”. Wij imq itbuen（wij heiq） dwg heiq ndaw aendungx baiz okdaeuj, sing caem sing daemq, hoeng wij nanz mbouj dingz aiq dwg de daezgonq daezsingj raeuz yaek baenz binghveiaiz lo. Gaxgonq miz sinhvwnz baudauj gvaq, boux mehmbwk ndeu wij baenz bi nanz hix mbouj dawz haeuj sim, doeksat cazok de gaenq baenz bingh sibauh’aiz yingai duenhgyang duenhlaeng. Gij yienzaen caencingq vihmaz wij ne couhdwg gizbingh aendungx gikfat gwzgih roxnaeuz mizcouj sinzgingh, caux- baenz gwzgih hwnjgeuq, couh miz“wij gaenj”mbouj dingz mbouj duenh.

Gwnngaiz liux“dungxraeng mbouj cingqciengz”. Gwn di gaiqgwn couh raen mbiengjgwnz aendungx raeng haenq, neix cix mbouj dwg siuvaq mbouj ndei, aiq dwg binghveiaiz geizcaeux cauxbaenz rengz dungx bienq nyomq. Cungj dungxraeng neix caeuq gwn imq lai cix dungxraeng mbouj doxdoengz youq neix, cungj dungxraeng binghveiaiz yinxhwnj haenx mbouj dwg gvaq nanz cix hoizsoeng, engqlij buenxmiz inndumj.

Mbiengjgwnz aendungx in mbouj rox seiz、gwn yw mbouj miz yungh vanzlij youq gyanghwnz gyahaenq. Gij in binghveigveiyangz itbuen baenz youq gwnngaiz liux aen cung ndeu baedauq, dungx hoengq cix hoiz- soeng, neix gij in binghveiaiz mbouj rox seiz saekdi, aiq dwg gwnngaiz liux cix baenz, hix aiq youq gyanghwnz in hawj vunz ndiu bae, gwn ywveiyoz mbouj miz yungh.

Mbouj suenq gij cingzgvang gwnz neix, langhnaeuz aek hwnj meiq、wij miz heiq haeu、haex ndaem roxnaeuz rueg lwed, duenh dinj ndeu mbouj daegdaengq gemjbiz danhseih fwt byom, hix deng roxre.

Gij Binghveibing Ciengzseiz Miz Neix Bienqbaenz Binghveiaiz Ngaihngoed

Bingh veigveiyangz: Caengzbiux henz giz baenz binghveigveiyangz nanznanz yw mbouj ndei haenx youq duenh fukdauq aiq majgawh bienq- yiengh, caiqlij bienqbaenz bingh- aizcwng.

Bingh veijsuzsingveiyenz：Deng vunz nyinhguh“diegnamh yungyiemj”baenz binghveiaiz, couh riengz diuzloh baenz bingh menhsingq veiyenz→suksou → cangzvaswngh → majgawh bienqyiengh→binghveiaiz cix baenz- neix cug yamq baenz roengzbae.

Bingh veisizyuz: Bingh sizyuz bienqbaenz bingh’aizcwng gig noix, hoeng bingh senliuzsing sizyuz dwg cungj binghbienq doekdingh yaek baenz bingh’aizcwng.

Bingh gaiqgwn doenq dauq siz- gvanj: Raemx dungxsoemj doenq dauq couh laebdaeb gik deng sizgvanj, baenzneix nanznanz mboujdan sieng- vaih caengzbiux sizgvanj, vanzlij rox hawj aendungx baenz bingh’aizcwng lailai.

Bingh veisangbiznei liuzben: Cungj bingh sangbiznei liuzben gaep- daemq ne bienqbaenz bingh’aizcwng haemq noix, cungj bingh sangbiznei liuzben gaepsang ne bienqbaenz bingh’aizcwng haemq lai, deng vunz nyinhguh binghveiaiz geizcaeux rox- naeuz yaek bienqbaenz bingh’aizcwng.

Bingh youhmwnzlozganjgin lah- dawz: Dwg doxgaiq loih Ⅰ yinxfat bingh’aizcwng, dwg gij doxgaiq ceiq youqgaenj yinxfat daihbouhfaenh yienghbingh caeuq binghbienq yaek baenz bingh’aizcwng baihgwnz neix gangj daengz haenx. Gyoengqvunz nienzgeij ndaej 40 bi doxhwnj roxnaeuz gaxgonq miz binghveibing gvaq haenx ceiqndei cazyawj ndaw heiqcuengq hamzmiz geijlai danq 13 roxnaeuz danq 14, bouxyangz- sing(boux deng youhmwnzlozganjgin lahdawz) deng hawj canghyw vixyinx aeu“seiq cungj yw doxgap ywbingh”hab gveihfan bae ywbingh, caemhcaiq daengx ranz guhdoih fuengzyw, ceiq- ndei dangq boux dangq vanjdawh gwnngaiz、lingh aeu dawh gag nip byaek.

Binghveiaiz Baenz Ok“Gwn”Daeuj

Gij yienzaen baenz binghveiaiz miz haujlai, hoeng caengzbiux aendungx deng siengvaih nanznanz cix dwg cungj yienzaen dajgiek youq- gaenj. Langhnaeuz caengzbiux aen- dungx deng youhmwnzlozganjgin lah- dawz、gwnndoet mbouj hab gengangh nanznanz roxnaeuz deng diegyouq yakrwix gikfat, couh lumj vanq gyu coq baksieng, couh hawj binghbienq gyavaiq fat baenz bingh’aizcwng.

Vunzraeuz ciengzseiz naeuz “binghveiaiz cengdi cungj dwg baenz ok ‘gwn’ daeuj”, caen mbouj dwg gangj gvaqmauh, baenz binghveiaiz caen dwg caeuq baenzlawz gwnndoet guhgvenq doxgven lailai. Gij soq yenzgiu gvendaengz gijneix haenx hawj vunz rox cingcuj, youq doenghgij yienzaen yinxfat binghveiaiz ndawde, gwnndoet dwg doenghgij yienzaen ceiq cawjdaeuz yinxfat binghbienq ndawde aen ndeu——Baiz youq baihlaeng aen yienzaen deng youhmwnzlozganjgin lahdawz, binghveiaiz ndawde daihgaiq miz 30%— 50% dwg aenvih gij sibgvenq gwnndoet caeuq swnghhoz mbouj ndei cix baenz.

Yaek Noix Gwn Doenghgij Gaiqgwn Neix

Gijgwn hamz lai caeuq gyu iep. Gijgwn gyu iep baudaengz byaekhamz、noh’iep、nohlab daengj hamzmiz haujlai yasiuhsonhyenz, haeuj daengz ndaw dungx liux cienjvaq baenz doxgaiq “yasiuh’anh” yinxbaenz bingh’aizcwng, caiqlij hamz lai cix soh siengvaih caengzbiux aendungx guh gaiq cwdangj, hawj aendungx dingj mbouj ndaej bingh.

Gijgwn ndat lai. Gij vwnhdu gaiqgwn ndat baudaengz hojgoh、souh ndat、caz ndat daengj, baez mauhgvaq 65℃ ne, couh log sieng caengzbiux aendungx, siengvaih bae siengvaih dauq、mbouj cingqciengz coihdauq cix bienqbaenz bingh’aizcwng ngaih- ngoed.

Gijgwn gangq、hoenz oenq、youz caq. Doenghgij gaiqgwn neix, duenh guh de cix mizok doxgaiq yinxbaenz bingh’aizcwng baudaengz cazvanzanh caeuq dohvanzfanghdingh daengj, gwn gijneix nanz le couh buqvaih caengz- biux aendungx guh gaiq cwdangj.

Ngoenzngoenz gwn ien gwn laeuj. Gwnz ien gwn laeuj, cix gyaboix siengvaih aendungx. Ciujcingh cix soh gikfat caengzbiux aendungx, gwn laeuj gvaqsoq vanzlij yinxbaenz dungx naeuhnwd、oklwed. Cungj nizgujdingh ndaw iensei hamzmiz haenx ndaej gemjnoix gij lwed lae gvaq caengzbiux aendungx, gaemhhaed caengzbiux hoizndei, gyalai yungyiemj hawj aendungx deng youhmwnzlozganjgin lahdawz.

Duhnamh hwnjmwt. Duhnamh hwnjmwt hamzmiz doenghyiengh doeg vangzgizmeizduzsu, gij doeg de haenq gvaq saenqsig 68 boix, hauzgwz ndeu couh cauxbaenz bingh’aizcwng, itbuen dajcawj gaj de mbouj dai, cijaeu duhnamh hwnjmwt couh gaej gwn.

Mbouj suenq gijneix, gwnndoet mbouj rox dingh seiz hix yingjyangj aendungx gengangh, doenghgij sib- gvenq mbouj ndei baudaengz haujlai nanz cungj ngaizhwnz、gwn siuhye、mbouj gwn ngaizhaet、daih gwn daih ndoet daengj cix guhluenh swngh- vuzcungh aendungx, yinxbaenz raemx dungxsaemj mizok luenhlab, siengvaih caengzbiux aendungx.

Haeujyiemz Ciuq Gij“Fap Ganq Dungx”Bae Guh

Binghveiaiz dwg bingh’aizcwng fuengz ndaej haed ndaej, youq geizcaeux raen miz couh yw ne haujlai cungj yw ndaej ndei. Dangyienz, ciengzseiz yawhfuengz hix dwg saeh youqgaenj raixcaix.

Gwnndoet fuengmienh： Ciengz- seiz gwnndoet cix lai gwn byaekheu lwgmak moq caeuq doenghgij haeux- baenznaed baudaengz haeuxfiengj、yenmwz daengj, vanzlij doenghgij gaiqgwn hamzmiz danbwz ndeindet baudaengz bya、gyaeq、cij daengj. Ceiqndei noix gwn gijgwn byaekhamz、noh’iep、youz caq、gangq saz、ndat lai、manh lai set lai.

Gwnninz fuengmienh: Rox seiz rox dingh gvaq swnghhoz, ngoenz sam donq dingh seiz dingh soq, haeujninz gaxgonq 3 aen cungdaeuz mbouj gwn doxgaiq, mienx deng veisonh doenq doxdauq.

（作者单位：广西医科大学第二附属医院）

编辑：实习生潘建星复审：黄慧华终审：蒙树起