危重症护理科普：以专业守护，提升患者生存质量Gohbuj Yienghbinghnaek Hohleix: Aeu Bonjsaeh Ak Hohleix, Hawj Bouxbingh Lix Ndaej Ndei

来源：广西民族报网

作者：□ 作者/bouxraiz:黄春春/Vangz Cunhcunh 译者/bouxhoiz:石鹏程/Siz Bungzcwngz

发布时间：2026-07-09

(接上期/ciep geiq gonq)

我们坚持“人文护理”理念，主动关注患者的心理状态，对于意识清醒的患者，耐心倾听其诉求，用通俗的语言解释治疗方案和康复进程，缓解其因未知产生的恐惧；对于无法正常沟通的患者，通过轻拍肢体、轻声呼唤、眼神交流等方式，传递关爱与安全感。同时，我们建立家属沟通机制，每日安排固定探视时间，让家属与患者进行简短交流，给予患者情感慰藉，帮助患者树立战胜疾病的信心，增强生存信念。

强化医护协同，提升生存护理整体水平。危重症患者的生存护理，离不开医护团队的协同配合。我们建立了完善的医护沟通机制，护士及时将患者的病情变化、护理情况反馈给医生，医生根据患者病情调整治疗方案，护士严格落实治疗医嘱，形成“医生主导、护士执行、协同配合”的工作模式。同时，科室定期开展专业培训，提升护士的应急处置能力、护理操作水平和病情观察能力，确保每一项护理操作都规范、精准，每一次病情变化都能及时捕捉、快速处置，全方位提升生存护理质量。

作为危重症专科护士，我们深知，每一位危重症患者的背后，都是一个家庭的期盼。提升危重症患者生存护理水平，不仅是专业能力的体现，更是责任与担当的彰显。经过不懈努力，我院ICU患者并发症发生率持续下降，患者生存质量显著提升，越来越多的危重症患者在我们的守护下，顺利转出ICU、康复出院。

危重症护理没有捷径，每一份生存希望的背后，都是无数次的监测、护理与坚守。未来，我们将继续秉持“以患者为中心”的理念，不断优化护理流程、提升专业能力，用精准的护理、真诚的关爱，守护每一位危重症患者的生命安全，助力他们早日战胜疾病、回归家庭。

Raeuz cungj aeueiq hawjnaj、unqswnh hozraez bae guh hohleix, gagrox gvansim caeuq yawjnaek gij simleix bouxbingh, doiq bouxbingh roxsingj de, naihsim dingq gij iugouz de, yungh gij vah doengsug cekgangj fueng’anq ywbingh caeuq hoizfuk daengz yiengh lawz, hawj de rox binghcingz mbouj dwglau; doiq bouxbingh mbouj miz banhfap cingq- ciengz gaeudoeng de, menhmenh bek gen ga de、singdaemq heuh de、lwgda caeuq de doxcim doxciuq cienz saenqsik hawj de, hawj de roxnyinh swhgeij ndaej daengz gvansim gyaez- hoh、 roxnyinh ancienz. Doengzseiz, raeuz laebhwnj aen gihci caeuq vunz- ranz bouxbingh dox gaeudoeng, moix ngoenz dingh duenh seizgan ndeu hawj vunzranz daeuj yawj bouxbingh, hawj di seizgan dinj hawj gyoengqde gyaulouz, nai bouxbingh, bangcoh bouxbingh laebhwnj gij saenqsim hoenxhingz binghnanh, demgiengz gij saenqniemh lixyouq.

Canghyw caeuq husw doxbang doxcoengh, daezswng aen cingjdaej suijbingz hohleix bouxbingh. Hohleix ndang boux baenz binghnaek, liz mbouj ndaej yih hu donzdui dox boiqhab. Dou laebhwnj le aen gihci yih hu doxbang, husw gibseiz dawz gij binghcingz bienqvaq、hohleix cingzgvang bouxbingh naeuz hawj canghyw, canghyw gaengawq bingh- cingz diuzcingj aen fueng’anq yw- bingh, husw yiemzgek doeksaed gij vahdaengq canghyw, guhbaenz aen gunghcoz vunqsik“canghyw guhcawj、husw caephengz、doengzcaez boiqhab ”haenx. Doengzseiz, gohsiz dinghgeiz guh ciennieb sonlienh, hawj gij naengzlig cawqceq saehgaenj、hohleix suijbingz caeuq gij naengzlig cazyawj binghcingz husw ndaej lai sang, saedbauj moix hangh hong fugsaeh cungj ndaej gveihfan、dawzcinj, moix baez binghcingz bienqvaq cungj ndaej gibseiz fatyienh、riengjvaiq cawqceq, cienz fuengvih daezswng gij caetliengh hohleix bouxbingh.

Guh boux husw aen gohsiz yienghbinghnaek, dou gig rox, baih- laeng moix boux binghnaek, cungj dwg gij maqmuengh aen gyadingz ndeu. Daezswng gij suijbingz hohleix boux binghnaek, mboujdan daejyienh cien- nieb naengzlig, engq daejyienh ok yiengh gamj rapdawz. Ginggvaq mboujduenh roengzrengz, aen yihyen dou boux binghnaek youq ICU haenx, binghgyoebfat lienzdaemh doekdaemq, bouxbingh lixyouq caetliengh ndaej daezswng lai lai, yied daeuj yied lai boux binghnaek yungyiemj youq- gaenj haenx, ndaej dou henhoh le, swnhleih cienj ok ICU、 ndaej bingh ndei ok yen.

Hohleix yienghbinghnaek mbouj miz roen gyawj roen vaiq, moix faenh miz muengh lixyouq, cungj baengh fouzsoq baez gamcaek、hohleix caeuq soujmaenh. Daengzcog, raeuz yaek laebdaeb gaemdawz aen leixniemh “aeu bouxbingh guh cungsim”, mboujduenh gaijndei ganqhoh liuz- cwngz、daezswng ciennieb naengzlig, yungh cingcinj ciuqgoq、caensim gyaezhoh, henhoh moix boux bingh- naek sengmingh ancienz, bangcoh gyoengqde caeux di hoenxhingz binghnanh、dauqma ranz de.

(作者单位为东兴市人民医院）

编辑：实习生潘建星复审：黄慧华终审：蒙树起