危重症护理科普：以专业守护，提升患者生存质量Gohbuj Yienghbinghnaek Hohleix: Aeu Bonjsaeh Ak Hohleix, Hawj Bouxbingh Lix Ndaej Ndei

来源：广西民族报网

作者：□ 作者/bouxraiz:黄春春/Vangz Cunhcunh 译者/bouxhoiz:石鹏程/Siz Bungzcwngz

发布时间：2026-07-09

作为东兴市人民医院危重症医学科（ICU）的一名护士，我每天都在与时间赛跑、与死神博弈。危重症患者病情危重、生命体征极不稳定，时刻处于生命危险之中，而科学、精准、全面的生存护理，是守护患者生命、提升生存质量、助力患者康复的关键。很多人对危重症护理的认知，仅停留在“监测生命体征”的层面，却不知每一项护理操作、每一个细节把控，都直接关系到患者的生存希望。结合我院临床护理实践，我将为大家科普，医院危重症护理中，如何通过科学举措提升患者生存护理水平，让更多人了解这份守护生命的专业与坚守。危重症患者的生存护理，核心是“守住生命底线、预防并发症、助力功能恢复”，不同于普通护理，它更强调“精准化、全程化、个性化”，既要应对突发的病情变化，也要做好长期的基础护理，兼顾患者的生理需求与心理状态，全方位为患者的生存保驾护航。结合ICU临床工作实际，我们主要从以下几个方面发力，提升患者生存护理质量。

精准监测生命体征，筑牢生命第一道防线。生命体征是反映患者病情变化的“晴雨表”，也是危重症生存护理的核心环节。我们依托先进的监测设备，24小时不间断监测患者的心率、血压、呼吸、血氧饱和度、体温等核心指标，每30分钟至1小时记录一次，若患者病情不稳定，则缩短监测频次，做到“实时监测、及时发现、快速处置”。例如，当患者出现心率骤升、血压下降、血氧饱和度降低等异常情况时，我们会第一时间通知医生，同时快速采取吸氧、调整体位、建立静脉通路等应急措施，为抢救患者争取宝贵时间。此外，我们还会密切观察患者的意识状态、瞳孔变化、尿量等，全面掌握患者病情，避免因遗漏细节导致病情恶化。

规范基础护理操作，预防并发症发生。危重症患者多长期卧床、活动受限，且常伴随侵入性操作，极易引发压疮、肺部感染、导管相关感染、深静脉血栓等并发症，而并发症是影响患者生存质量、甚至导致病情恶化的重要因素。因此，规范基础护理操作、积极预防并发症，是提升危重症患者生存护理质量的关键举措。

在压疮预防方面，我们严格落实翻身拍背制度，每2小时为患者翻身一次，根据患者病情调整体位，使用气垫床、海绵垫等防护用品，减轻局部皮肤压力；同时加强皮肤护理，保持皮肤清洁干燥，及时更换衣物和床单，避免皮肤受摩擦、潮湿刺激，从源头降低压疮发生率。

在肺部感染预防方面，对于机械通气、卧床不起的患者，我们定期为患者拍背、吸痰，保持气道通畅，加强气道湿化，避免痰液堵塞引发窒息；严格执行无菌操作，定期更换呼吸机管路，做好口腔护理，减少感染隐患。

在导管护理方面，危重症患者常需留置气管插管、中心静脉导管、导尿管等多种导管，这些是患者治疗和生命支持的重要通道。我们为每一根导管做好清晰标识，明确留置时间和护理要求，每班严格交接导管固定情况、通畅度及周围皮肤状况；对于躁动患者，合理使用约束工具，避免导管脱出、移位，同时做好约束部位的皮肤护理；定期评估导管留置的必要性，及时拔除无需留置的导管，减少感染风险。此外，我们还会指导患者进行适当的肢体活动，对于无法自主活动的患者，我们对其进行肢体按摩，让其被动活动，促进血液循环，预防深静脉血栓。

个性化营养支持，为患者生存提供能量保障。危重症患者机体消耗大、免疫力低下，充足的营养支持是维持患者生命、促进康复的基础，也是提升生存护理质量的重要环节。我们结合患者的病情、体重、营养状况，联合营养师制定个性化营养方案，优先采用肠内营养，无法经口进食的患者，通过鼻胃管输注营养制剂，确保营养均衡摄入；对于肠内营养无法满足需求的患者，配合肠外营养补充，避免患者出现营养不良、免疫力下降等问题。同时，我们密切观察患者的进食情况、消化吸收状况，及时调整营养方案，确保营养支持精准有效，为患者战胜疾病、维持生命提供充足能量。

重视心理干预，守护患者生存信念。危重症患者长期处于封闭的ICU环境，承受着生理痛苦与心理压力，极易产生焦虑、恐惧、孤独、绝望等负面情绪，而负面情绪会影响患者的治疗依从性和身体恢复，甚至降低患者的生存意愿。因此，心理干预也是生存护理不可或缺的一部分。

Gou dwg boux husw Dunghhingh Si Yinzminz Yihyen Yienghbinghnaek Yihyozgoh（ICU）, gou moix ngoenz cungj caeuq seizgan doxdax buet、caeuq fangzdai doxbuek. Doengh boux binghnaek haenx gig yungyiemj、diuzmingh de gig honz, seizseiz rox vutmingh, hoeng gohyoz、cingcinj、cienzmienh bae guh hohleix, dwg gij ceiq youqgaenj henhoh diuzmingh bouxbingh、daezswng caetliengh senglix、bang bouxbingh fukcangq. Haujlai vunz laihnaeuz hohleix yienghbinghnaek, dan dwg“gamcaek gij yiengh sengmingh”, cix mbouj rox moix hangh ganqguh、moix di bungqdoengh, cungj cigsoh gvanhaeh daengz bouxbingh miz mbouj miz muengh senglix. Giethab gij hong linzcangz hohleix aen yen dou guh gvaq haenx, gou yaek gohbuj hawj daihgya, yihyen mwh hohleix yienghbinghnaek, baenzlawz doeng- gvaq banhfap gohyoz bae daezswng gij suijbingz hohleix ndang bouxbingh, hawj engq lai vunz rox faenh hong ciennieb caeuq soujmaenh sengmingh neix.

Hohleix ndang boux binghnaek, ceiq youqgaenj dwg “soujmaenh diuz daejsienq mingh vunz、yawhfuengz binghgyoebfat、bangcoengh goeng- naengz dauqfuk”, caeuq bingzciengz hohleix mbouj doengz, de engqgya giengzdiuh “guh cingcinj、daengx gocwngz、dangq boux dangq”, gawq aeu wngqdoiq gij binghcingz bienqvaq sawqmwh fatseng, hix aeu guh ndei aen giekdaej ciengzgeiz hohleix, giemgoq ndang bouxbingh aeuyungh caeuq yiengh simleix de, baenzbaenz cungj henhoh ndei diuzmingh boux- bingh. Giethab gij hongsaeh ngoenz- naengz ICU, raeuz cujyau daj geij fuengmienh lajneix okrengz, daezsang gij caetliengh hohleix bouxbingh.

Cingcinj gamcaek sengmingh bouxbingh, cukmaenh diuz fuengz- sienq daih’it sengmingh. Ndangdaej gyoet raeuj、sim diuq meg diuq、diemheiq、hezyaz doengh gij yiengh biujyienh neix ceiq ndaej fanjyingj gij binghcingz bienqvaq bouxbingh, hix dwg giz ceiq youqgaenj hohleix boux binghnaek. Raeuz baengh gij sezbei gamcaek senhcin haenx, 24 diemj cung mbouj dingzduenh bae gamcaek bouxbingh simlwd、hezyaz、diemheiq、hezyangj baujhozdu、dijvwnh daengj doengh gij cijbyauh ceiq youqgaenj haenx, moix 30 faen cung daengz 1 diemj cung geiqloeg baez ndeu, danghnaeuz bouxbingh bingh mbouj onjdingh, couh sukdinj gamcaek baezsoq, guh daengz“riengz bienqvaq gamcaek、gibseiz fatyienh、gig vaiq cawqceq”. Lumjbaenz, youq mwh bouxbingh okyienh simdiuq vaiq、hezyaz doekdaemq、hezyangj bauj- hozdu gyangqdaemq daengj cingz- gvang mbouj doengz bingzciengz seiz, raeuz yaek sikhaek heuh canghyw, doengzseiz riengjvaiq yungh banhfap wngqgaep, lumjbaenz supyangj、diuz- cingj yiengh ninz、sailwed dwk bakcim ce daengj, vih ciengjgouq bouxbingh ceng’aeu seizgan dijbauj. Linghvaih, raeuz lij yaek maedcaed cazyawj bouxbingh rox mbouj roxnyinh、lwgbaed bienqvaq、nyouh lai noix daengj, cienzmienh rox cingzgvang bouxbingh, mienx bae aenvih laeuh sicez cauhbaenz bingh bienq rwix.

Gveihfan guh gihcuj hohleix, yawhfuengz binghgyoebfat fatseng. Boux baenz binghnaek ciengzgeiz ninz mbonq、hozdung deng hanh, caemh- caiq seiz mbouj seiz deng dwkcim、cap guenj daengj doengh daengz ndaw ndang, gig yungzheih yinxfat baenz bingh lumjbaenz baihlaeng naeuhnad、bwt gawh、daujgvanj yinxhwnj gawh- foeg、meglwed deng saek daengj binghgyoebfat, binghgyoebfat ceiq youqgaenj dwg yingjyangj bouxbingh senglix caetliengh、caiqlij hawj bingh bienq naek lai dem. Ndigah, gveihfan guh gihcuj hohleix、roengzsim yawhfuengz binghgyoebfat, dwg gij banhfap youqgaenj hohleix ndei boux- binghnaek.

Youq yawhfuengz baihlaeng naeuhnad fuengmienh, raeuz yiemzgek doeksaed gij cidu fan ndang bongx laeng, moix 2 aen cungdaeuz bang bouxbingh fanndang baez ndeu, gaengawq binghcingz diuzcingj ndang ninz bouxbingh, sawjyungh mbonq- heiqdemh、demhhaijmenz daengj doxgaiq fuengzre, gemjmbaeu saek giz naengnoh deng at nanz lai; doengzseiz gyagiengz hohleix naengnoh, hawj naengnoh seizseiz cinghseuq hawq- sauj, gibseiz vuenh buhvaq caeuq baengzdemh, mienx ndaej naengnoh deng cucat、dumzndaek, daj goek gyangqdaemq gij beijlwd baenz naeuhnad. Youq yawhfuengz bwt gawh fuengmienh, doiq bouxbingh baengh gihgai doeng heiq、ninz mbonq mbouj hwnq de, raeuz dinghgeiz vih bouxbingh bongx laeng、cup myaiz, hawj conghheiq doengswnh, lai hawj conghheiq cumx, mbouj hawj myaizniu saek hoz cauhbaenz mbaet- heiq; guh maz cungj mbouj hawj miz sigin, dinghgeiz vuenh diuzguenj aen gihgi diemheiq, hohleix ndei congh- bak, gemjnoix gij huxndumj deng uqlah.

Youq daujgvanj hohleix fueng- mienh, boux binghnaek ciengzseiz aeu caplouz heiqguenj、cungsim cingmwz daujgvanj、guenjyinxnyouh daengj lai cungj daujgvanj, doengh gij neix dwg diuz roenloh youqgaenj yw bouxbingh caeuq daemxcengj sengmingh. Raeuz moix diuz guenj cungj biugeiq cingcing cujcuj, dinghcinj louzce seizgan caeuq hohleix iugouz, vuenh ban seiz yiemzgek gyauciep yawj daujgvanj maenh mbouj maenh、doeng mbouj doeng caeuq naengnoh seiq- henz de baenzlawz yiengh; doiq bouxbingh cukcak ak de, hableix sawjyungh gij hongdawz cughaed, baexmienx daujgvanj lot ok、senj dieg, doengzseiz hohleix ndei gij naengnoh giz cughaed de; dinghgeiz bingzguj daujgvanj louzce miz mbouj miz bizyau, gibseiz ciemzok gij guenj mbouj yungh louzce haenx, gemjnoix fungyiemj lahdawz. Linghvaih, dou lij rox sonheuh bouxbingh habdangq cak gen cak ga, doiq bouxbingh fouzfap gag doengh haenx, naenxmo gen ga de, bang de doengh gen doengh ga, coicaenh lwed lae baedauq, fuengzre sailwed deng saek.

Dangq boux dangq roengz yingzyangj, hawj bouxbingh ndaej miz naengzliengh ciengx mingh. Aenndang boux binghnaek siuhauq hung、menjyizliz daemq, yingzyangj cuk- gaeuq, dwg gij giekdaej baujmaenh sengmingh bouxbingh、coicaenh fuk- cangq, hix dwg aen hothoh youq- gaenj daezswng gij caetliengh hohleix ndang bouxbingh. Dou giethab gij binghcingz、ndangnaek、yingzyangj canggvang bouxbingh, lienzhab yingz- yangjswh doiq dangq bouxbingh dangq guh yingzyangj fueng’anq, ceiq youq- gaenj dwg hawj bouxbingh gwn yingzyangj roengz saej, bouxbingh mbouj miz banhfap aeu bak gwn ne, daj conghndaeng cap guenj guenq yingzyangj roengzbae, saedbauj ndangdaej ndaej bingzyaenx supaeu yingzyangj; doiq doengh bouxbingh gij yingzyangj ndaw saej mbouj miz banhfap muenxcuk sihyau haenx, boiqhab bouj yingzyangj wnq, baex- mienx bouxbingh yingzyangj mbouj ndei、menjyizliz doekdaemq daengj vwndiz. Doengzseiz, raeuz maedcaed cazyawj bouxbingh gwn baenzlawz yiengh、siuvaq supsou baenzlawz yiengh, gibseiz diuzcingj yingzyangj fueng’anq, saedbauj yingzyangj boujhawj youh cinj youh mizyauq, vih bouxbingh hoenxhingz binghnanh、 henhoh sengmingh daezhawj naengz- liengh cukgaeuq.

Yawjnaek roidoeng simleix, hawj bouxbingh gag muengh senglix. Boux baenz binghnaek ciengzgeiz youq ndaw ICU aen vanzging fungsaek haenx, dingjsouh ndang in ndang bingh caeuq simleix atlig, gig yungzheih miz youheiq、dwglau、godog、mbouj miz muengh daengj doengh cungj simleix mbouj ndei neix, simcingz mbouj ndei cix rox hawj bouxbingh mbouj boiqhab dingq- coengz canghyw yw bingh caeuq ndangdaej hoizfuk, saekmwh boux- bingh mbouj nyienh lix lo. Ndigah, hohleix ndang bouxbingh roidoeng simleix hix caen noix mbouj ndaej.

（未完待续/caengz sat geizlaeng ciep）

编辑：实习生潘建星复审：黄慧华终审：蒙树起