来源：广西民族报网
发布时间：2026-07-31
doz dwg AI guh
Boux “mehvuengz” viyiemz couhdwg banhcujyin Loz lauxsae.
Loz lauxsae miz sam yiengh ciusoq ak gvaq vunz, ciusoq daih’it dwg “dayiuh cimyawj”. Danghnaeuz youq gwnz dangz mwngz caeuq bouxwnq “gangjsebseb”, Loz lauxsae couh aeu fouq da soemraeh de cigcig yawj mwngz, mwhhaenx mwngz aiq cingq gangj ndaej dawzyinx, hoeng cijaeu caeuq lwgda Loz lauxsae doxbungz, baujcingq mwngz sikhaek haepbak, naengh ndaej daengjdwtdwt bae.
Ciusoq daihngeih dwg “yawj rox sim vunz”. Baezgonq youq gwnz dangz goq gohyoz, ndaw gyausiz sawqmwh saet ok duz nouhau iq ndeu, nyauxluenh vunzlai hwnjdangz, lauxsae gohyoz naeuz gienh saeh neix hawj Loz lauxsae nyi. Loz lauxsae dingq le dandan ngaekgyaeuj segseg, aen banhoih ngoenz haenx, Loz lauxsae doiq gyoengq doengzhag gangj: “Seizneix daihgya cungj yawj gou.” Gyoengq doengzhag doq faenfaen yawj coh Loz lauxsae, yaepyet, boux doengzhag youq gwnz dangz loengh nouhau iq haenx couh deng Loz lauxsae ra okdaeuj lo. Gou roxnyinh Loz lauxsae haengjdingh yungh aen fap yawj rox sim vunz, mboujnex aen “anq” neix mbouj ndaej baenzneix vaiq couh caz okdaeuj.
Ciusoq daihsam dwg “roegenq con ndoeng”. Loz lauxsae dinfwngz mbaeumbet youh riengjret, mbouj sing mbouj yiengj saek di, ndaej guhdaengz “fouz sing byaij gvaq”. Mwh mwngz cingq doq rwz “gangjsebseb”, mwh mwngz cingq doeng siengj sae siengj, Loz lauxsae mbouj rox seizlawz gaenq laeglemx byaij daengz henzndang mwngz, hawj mwngz re cungj re mbouj gib, doeksaet mbouj doeksaet? Geizheih mbouj geizheih?
Loz lauxsae miz ciusoq ak baenzneix lai, dwg mbouj dwg hawj mwngz roxnyinh gig viyiemz. Gizsaed, dou cungj rox Loz lauxsae “caj” ciusoq ak dwg yaek hawj dou bienq ndaej engq ndei.
（Cangh Gyahyi raiz
Lij Siulingz hoiz)
编辑：实习生 王文萍 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com