来源：广西民族报网
发布时间：2026-07-08
Mwh daxmeh gang liengj hawj gou, liengj cungj dwg ngeng gvaq mbiengj gou. Raemxfwn doek roengz mbiengj mbaq de guh dwk mbaeqmbatmbat, de cix gangj:“Daxmeh mbouj lau deng rwed.”
Singgeiz sam gonq, youh doekfwn lo. Daxmeh ciep gou ma ranz. Mwh dou gvaq maxloh, gyaq giceh ndeu hai gvaq henz ndang dou, raemxuq sinz hwnjdaeuj. Daxmeh fwt cienq ndang dangj gou, baihlaeng swhgeij cix mbaeq liux lo. Seizhaenx, gou gietdingh gang liengj hawj daxmeh.
“Daxmeh, ngoenzneix hawj gou gang liengj.”
“Mwngz gingz mbouj sang ha.” De riu lo.
“Gou maj hung lo.” Gou ndiengq giujdinj.
Baez daih’it gang liengj, gou ciuq yiengh daxmeh —— Dawz liengj ngeng coh mbiengj de. Hoeng liengj naek lai, ngauzvetvet. Rumz baez ci, baengzliengj fan doxhwnj lo, song boux dou cungj riu lo.
“Aeu gaem maenh gizneix, fajfwngz yungh rengz.” Daxmeh son gou baenzlawz gaem liengj. Baez daihngeih, liengj onj lo, hoeng gou lumz ngeng aenliengj lo, cigdaengz yawjraen caekfwn byoemgyaeuj daxmeh, cij muengz diuzcingj.
Couh yienghneix laebdaeb lienhguh, gou doeklaeng rox le mimiz gang liengj: Fwngz gvaz gang liengj fwngz swix rex, ngeng coh daxmeh saek 15 doh, yamqdin yaek caeuq daxmeh doxdoengz. Ceiq youqgaenj dwg, daxmeh cam gou “mbiengj mwngz deng mbouj deng rwed”seiz, aeu vaiqvit han“mbouj”, couh lumj de haujlai bi guh nei.
Ngoenzlwenz cuengqhag seiz, youh doekfwn lo. Daxmeh sibgvenq yaek gang liengj, gou gaenq dawz liengj gang sang lo:“Ngoenzneix lij dwg gou gang.”
Byaij youq gwnz loh sug, liengj onjwdwd gang dou. Daxmeh laeglemx lumh mbiengj mbaq hawq swhgeij, aenda miz di hoengz.
Seizneix gou rox lo:Gij daxmeh son gou rox haenx, soqlaiz mbouj dwg baenzlawz gang liengj, cix dwg baenzlawz youq ndaw rumz fwn henhoh bouxvunz swhgeij gyaez haenx.
(Loz Cinsiengz raiz
Lingz Hinghningz hoiz)
编辑：实习生 陆彤 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com