来源：广西民族报网
发布时间：2026-07-07
Ngoenz nditndat rongh ndei ndeu, daxboh daj bouq gai duz cukseng got duz meuz iq ndeu ma ranz. Gou heuh duz meuz neix guh “Naijyouz”. De couh youq ranz gou youq roengzdaeuj lo, caeuq gou baenz baengzyoux lo.
“Naijyouz” dwg duzmeuz aeudaeuj guhcaemz，de daengx ndang bwn hausaksak，song aen rwzsoem cungj dwg daengj hwnj, lumj song aen leizdaz sam gak.“Naijyouz” youq siujgih dou suenq dwg “duj va ndeu”—— Song aen lwgda iq raemxcitcit, lumj song naed nyawh ndongqrikrik, daengx ndang bwn unqnemnem, gyaeundei lai lo. Duz meuz neix moix mbat youq ndaw siujgih byaij bae byaij dauq, haujlai vunz cungj gyaez yawj de.
Hoeng byawz rox, duz meuz youq baihrog dwggyaez lumj lwgsau iq neix，cix cibfaen haengj guh luenh ndaw ranz. De ciengzseiz buet haeuj ndaw rug bae, dawz yiemhcueng vaz vaihvadvad bae. Yiemhcueng caemz mbwq le, de youh buet daengz rogding，yunghrengz saet hwnj gwnz aen daeng venj bae bi bae bi dauq. Caj de youq gwnz daeng saet roengzdaeuj, ndaejnyi yiengj“ba”sing ndeu, aendaeng doek roengz gwnznamh soiq lo. De cungj mbouj guenj, baenq ndang con daengz rogcanz bae caemz diuzcag langhbuh. Guhcaemz yaep he, de deng diuzcag langhbuh geuj lo! De gip lo, cak lumj duz byanouq nei, doeklaeng de yungh haujlai rengz, cij daj gwnz diuzcag langhbuh gejduet okdaeuj.
“Naijyouz” haengj guh luenh ndaw ranz hix miz mwh unqswnh—— Couhdwg mwh de guhcaemz baeg lo. De rox senj youq giz nditndat raeujrubrub haenx ninz, mboujlwnh mwngz baenzlawz heuh de cungj heuh mbouj ndiu, caen dwg hawj vunz mbouj rox baenzlawz gangj a!
Neix couhdwg duzmeuz iq gou, duz meuz haengj guh luenh ndaw ranz ndeu, hoeng hix dwg duz meuz miz mwh rox youqdingh ndeu.
(Vangz Singhgiz raiz
Vangz Cwnggenz hoiz)
编辑：实习生 陆彤 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com