De Gikdoengh Lo - 广西民族报网

De Gikdoengh Lo

来源：广西民族报网

作者：□ Nanzningz Si Singhhuz Siujyoz haj nienzgaep (8) ban Luz Veijdungz

发布时间：2026-07-07

▲Bouxraiz Luz Veijdungz. Vangz Gyanghmyauz ingj

Doengzhag ban dou cungj roxnyinh, Siujfanh dwg dah hagseng sangswt maenghcoek ndeu. De aenndang sangreux, genga baenjbwt, yawj yiengh de rengzrwdrwd. Hoeng gij diensingq de cix caeuq yienghsiengq doxfanj liux——De vunz dingh vah noix, bingzciengz cungj dwg boux dog naengh youq giz diegnaengh de dinghdingh, mbouj haengj caeuq vunz doxyoek doxloengh, hix gig noix hemqhemq riuriu. Hoeng, baez lamzgiuz doxdax haenx, gou caenda yawjraen, de caen gikdoengh lo.

Ngoenzhaenx banringzgvaq, gwnz cauhcangz ndit ciuqmyanmyan, nienz- gaep lwgmbwk lamzgiuz hwnjgaep doxdax hainduj lo. Siujfanh dwg boux cawjlig bet ban dou, aenndang hungsang, hawj de fuengzre ak gvaq vunz. Sing lwgsauq baez yiengj, songmbiengj duiyenz doxbuek haenqrem, mbiengj lawz cungj mbouj fug nyiengh saek di. Siujfanh youq gwnz giuzcangz haenqrengz buet, nyinhcaen fuengzre, ndenq giuz hawj doengzdoih vaiqvit. Raemxhanh lae roengz najbyak daeuj, gij byoem soiq gwnz najbyak de mbaeq liux, hoeng de cungj goq mbouj ndaej uet. Siujfanh bingzciengz simdingh caem’onj, seizneix lwgda ndongqrik, gaenyawj aengiuz, baez gazlaengz baez ndenq giuz cungj dwg youh riengj youh cinj, haenqrengz caeuq doengzdoih boiqhab ndeiraeuh. Gyoengq doengzhag henz giuzcangz simgip dangqmaz, hemq gyayouz hemq dwk seksaksak.

Seizgan yaep bae yaep noix, doxdax daengz seiz ceiq gaenjcieng haenx lo. Cib miux doeklaeng, ban dou youh gveng haeuj aen giuz ndeu. Ciep dwk, aen sauq satciengz yiengj goksat, bouxcaizbuenq hemq naeuz bet ban hingz lo.

Dingq daengz ndaej hingz mwhhaenx, Siujfanh boux bingzciengz cungj caemdingh haenx, caen gikdoengh lo. Fouq lwgda de ndongqrik lumj song aen ndaundeiq, fajnaj de aenvih gikdoengh cix bienq hoengzgywg, bwnda daengjvidvid, gokbak ndiengq hwnj mbe bak riu lo. Song faj fwngz de yunghrengz vad dwk, ndang mbaeumbeng saetsaet diuqdiuq, gig simhai hemq naeuz: “Raeuz hingz lo!” Sing de goksadsad, caeuq bingzciengz gij yienghceij caemdingh de mbouj doxdoengz saekdi. Ndit ciuq youq gwnz naj hanh lae mbaeqmbat de, mwhhaenx, de lwenqda dangqmaz.

Laxlawz, Siujfanh dahsau iq caemdingh haenx, hix rox gikdoengh angqfaengz baenzneix. Ngeix daengz baez doxdax haenx, gou cungj rox: Baezbaez ndaejhingz, cungj dwg baengh bingzciengz mbouj dingz lienhguh caeuq roengzrengz. Cix hawj gou ceiq nanzlumz ne, couh dwg mwh de gikdoengh baenzmaz haenx! (Vangz Gyanghmyauz hoiz)

她激动了

南宁市星湖小学五年级（8）班陆炜彤

在我们班同学的印象里，小帆是个高高壮壮的女生。她个头高挑，身板结实，看着就透出一股力量感。可她的性格却与外表截然相反，平日里文文静静，总是一个人安安静静地坐在座位上，不爱打闹，也很少见到她情绪大起大落。然而，那一次篮球比赛，我亲眼看见，她真的激动了。

那天下午，阳光洒满操场，年级女子篮球晋级赛开始了。小帆是我们八班的主力，高大的身材让她在防守时占尽优势。哨声一响，双方队员立刻奋力角逐，谁也不肯退让半步。小帆在球场上奔跑着，认真防守，果断传球。汗水顺着她的额头滑落，打湿了额前的碎发，她却顾不上擦一下。往日那个安静沉稳的小帆，此刻目光如炬，紧紧盯着篮球，每一个动作都干脆利落，拼尽全力配合队友。场边的同学们满心紧张，高声呐喊助威。

时间一分一秒地流逝，比赛进入了最紧张的时刻。最后十秒，我们班成功投进一球。终场哨声随即响起，裁判高声宣布八班赢了。

听到结果的那一瞬间，一向文静的小帆激动不已。她的眼睛亮得像两颗星星，脸颊因激动而涨得通红，眉毛高高扬起，嘴角忍不住大大地咧开。她双手用力挥舞着，欢快地蹦跳起来，开心地欢呼：“我们赢啦！”那声音格外响亮，全然没有平日里安静的模样。阳光洒在她满是汗水的脸上，那一刻，她耀眼极了。

原来，那个文静的小帆也有如此热血沸腾的一面。每当想起那场比赛，我都会明白：每一份胜利，都来自背后的坚持与努力。而最让我难忘的，便是那一刻无比激动的她！

编辑：实习生陆彤复审：黄慧华终审：蒙树起