来源：广西民族报网
发布时间：2026-07-07
Aen suenbyaek yahdaiq, dwg aen dieg ceiq miz senggei ranz gou. Baenz byoengh baenz byoengh makit gyaemqlulu, baenz aen baenz aen makcaem lumj yawh nei haumyanmyan, baenz naed baenz naed makdumh hoengzswgswg…… Gij mak neix baizlied caezcaez cingjcingj, lumj boux sauqbing nei cungcig, hwnzngoenz henhoh youq ndaw suenbyaek yahdaiq. Yahdaiq cungj naeuz: “Aen suenbyaek raeuz dwg aen bauj laux ne!” Yahdaiq moix ngoenz mbwn caengz rongh couh bae ndaw suenbyaek rwed raemx、dwk bwnh, goengda couh youq baihhenz bangfwngz, ciemz nya、gvak namh, cungj mbouj daengx gvaq.
Hoeng youq bi’gvaq seizcou, goengda sawqmwh deng ci daemj, hawj aen ranz raeujrubrub dou bienq baenz fwzlwklwk. Goengda maezmuenh mbouj singj, yahdaiq baenzngoenz youq ndaw yihyen guenj de, mbouj ndaej leixlangh aen suenbyaek. Mboujmiz song boux geq neix bae liuhleix, ndaw suenbyaek go’nya hoenghsaeng- saeng; go makdumh menhmenh reuq lo, lumjbaenz gijmaz bingh nei; makmaenj cij baenz geij aen…… Daengx aen suenbyaek baenz benq baihsaiq liux.
Mehnax da raen sim couh gaenj, baez ndaej hoengq de couh haeuj ndaw suenbyaek bae, bohnax hix gag ra seizgan bae bangfwngz. Gyoengqde lumj yahdaiq caeuq goengda nei, dawz nya baez di baez di loek bae, raed ngaq gomak, dwk bwnh rwed raemx hawj go- byaek…… Aen suenbyaek yienz- naeuz mbouj ndaej yaep ndeu ndei lumj mwhgonq, hoeng miz mehnax caeuq bohnax bae dajleix, menhmenh ndei hwnjdaeuj, go- byaek gomak lij ndaej sou di he lo.
Bineix, goengda bingh ndei lo, youh ndaej bang yahdaiq bae dajleix aen suenbyaek lo. Yawj- raen aen suenbyaek dauqfuk heu hwnjdaeuj, ndaw sim gou gik- doengh raixcaix.
Ndaw ranz dou mbouj deng mbat saehhux neix hoenx saw, lij hawj dou daengx ranz vunz engq doxgyaez. Ranz gou couh lumj aen suenbyaek neix nei, aeu yungh sim henhoh, nyienh de youq ndei raeujrub daengznauq.
(Lij Haugenh raiz
Veiz Haijgen hoiz)
编辑：实习生 陆彤 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com