Gizgungx Ndoj Rumz Mbwnseng - 广西民族报网

Gizgungx Ndoj Rumz Mbwnseng

来源：广西民族报网

作者：□Gveigangj Si Cinzdangz Gih Mungzgungh Cin Gauhcan Siujyoz Seiq (2) Ban Canh Youjmung / 詹友梦

发布时间：2025-03-05

Youq rog hawsingz cauzyupyup de, miz dieggungx youh bingz youh caemdingh ndeu, haenx couh dwg ndoengfaex iq gyaeuj mbanj gou. De mboujdan dwg aen diendangz saekloeg ndeu, engq dwg benq dieg seuqset ndaw sim gou. Baez daengz rumzcou hwnj, mbaw faex lumj fwn gim nei doek roengzdaeuj, bu baenz diuz baenz diuz roen iq saek gim, haenx couh dwg seiz ceiq gyaeu ndoengfaex iq.

Youq gizde, dou ndaej caenfwngz guh aen ranzfaex iq ndeu, yungh sam cib gyaengh faex daeuj cengj, ra aeu gogaeu caeuq cagdiuz cug de ndaet bae maenh bae. Dou comz gij mbawfaex loenq, bu rim deihmienh ndaw ranz iq, hawj de baenz aen gya laemzseiz dou. Roengzrengz guh diemj cung ndeu, dou dauqdaej ndaej ninz roengzdaeuj, doq yietnaiq, doq cimyawj gij gingjsaek seiqhenz lumj veh haenx. Haenx dwg cungj gyaeundei vah gangj mbouj daeuq ndeu, hawj vunz simsoeng saenzsangj.

Aen ranz iq dou, yienznaeuz genjdan di yaez di, cix ndaej hawj dou roxnyinh laj mbwn gwnz deih baenzneix gyaeundei. Dou caiq ra mbawfaex daeuj youq ndaw ranz bu mbawfaex lai na, de bienq ndaej engqgya unqnem ndeiyouq. Ninz youq ndawde, gou gikdoengh dwk yaek diuq hwnjdaeuj, daengx ndang cungj dwg angqyangz simsoeng.

Seiz aen dungx yiengjgyo’gyo, lwnh dou dungx iek lo, dou couh ma ranz gwn donq haeuxngaiz homfwtfwt ndeu. Haeuxngaiz ndaw ranz cungj dwg baenzneix nyex vunz myaiz rihbyoekbyoek, daegbied dwg gij faenjsae gou ceiq haengj gwn haenx, gij feih daegbied de hawj vunz gwn le lij caiq siengj gwn. Gwn ngaiz gvaq, gou lij bae bouqgaihuq cawx saejdaeuz, daiq dauqma ranzfaex iq, yiengjsouh duenh seizgan caemcingx ndeu. Ndaw ranzfaex iq ndoengfaex iq, gou ndaej vut gij nyapnyuk bae seuq, ninz gyaenfofo, cigdaengz gag ninz ndiu. Ngoenz yienghneix, hawj gou cungj roxnyinh habhoz caeuq angqyangz dangqmaz.

Gou doigawj gizgungx ndoengfaex iq gyaeuj mbanj, aenvih de mboujdan dwg giz diegndei cuengqsoeng sim caeuq ndang, engq dwg gizgungx ndoj rumz ndaej hawj raeuz caeuq swyenz doxrangh doxciep ndeindwt. Youq gizneix, dou ndaej deuzliz singcauz hawsingz, yiengjsouh andingh caeuq cwxcaih. Neix couh dwg gij leixyouz gou doigawj de—gizdieg hawj vunz sim cingx sim seuq ndeu.

自然的避风港

在喧嚣的都市之外，有一处宁静的绿洲，那就是我村头的小树林。它不仅是绿色的天堂，更是我心中的一片净土。每当秋风起，树叶如金色的雨点般洒落，铺就一条条金色的小径，那就是小树林最美的时节。

在这里，我们可以亲手搭建一个小木屋，用三十根树干作为支撑，寻找藤蔓和绳索将它们紧紧绑定。我们收集落叶，将落叶铺满小屋的地面，让它成为我们临时的家。经过一个小时的努力，我们终于可以躺下来，一边休息，一边欣赏着四周如画的风景。那是一种无法用言语形容的美丽，让人心旷神怡。

我们的小屋虽然简陋，却充满了自然的气息。我们在里面铺上了更多的树叶，让它变得更加柔软舒适。躺在里面，我激动得几乎要跳起来，心中充满了难以言表的喜悦。

当肚子开始咕咕叫，提醒我们饥饿时，我们便回家享受一顿香喷喷的饭菜。家里的饭菜总是那么诱人，尤其是我最爱的螺蛳粉，那独特的香味令人回味无穷。饭后，我还会去小卖部买些零食，带回我们的小木屋，享受一段宁静的时光。在小树林的小木屋里，我们可以放下一切烦恼，呼呼大睡，直到自然醒来。这样的一天，总是让我感到无比满足和快乐。

我推荐村头的小树林，因为它不仅是一个放松身心的好地方，更是我们与自然亲密接触的避风港。在这里，我们可以远离城市的喧嚣，享受宁静和自在。这就是我推荐它的理由——一个让人心灵得到净化的地方。

(lauxsae son raiz: Cinz Cozli

指导老师：覃作利)

编辑：黄誉琦复审：复审：黄慧华终审：蒙树起