Gou Caeuq Daxmeh Bau Gyaujswj - 广西民族报网

Gou Caeuq Daxmeh Bau Gyaujswj

来源：广西民族报网

作者：□Gveigangj Si Cinzdangz Gih Mungzgungh Cin Gauhcan Siujyoz Seiq (2) Ban Lij Mungyenz / 李梦妍

发布时间：2025-03-05

Ndaw ranz gou, miz boux ak dajcawj ndeu, de couh dwg daxmeh gou. Cauj nohvaiz、 aeuq dang ndoksej lwgfaeg、 bau gyaujswj homfwtfwt……gijgwn daxmeh gou guh haenx yienghyiengh cungj hawj vunz myaiz rwilili. Ceiq hawj gou nanzlumz dwg de bau gij gyaujswj haenx, haenx mbouj dandan dwg gyaujswj, engq dwg gij feihdauh ndaw ranz, dwg gij doxgyaez doxndiep boux ndaw ranz.

Lij geiqndaej haenx dwg aen couhmoz raeujrub simcingz ndei ndeu, daxmeh cawx naeng gyaujswj ma, yaek loh baez bonjsaeh ndeu. De cam gou: “Lwgbauj, mwngz siengj gwn cungj feihdauh lawz?” “Gyaeqgaeq gyaux haeuxyangz!” Gou angqyangz han naeuz. Daxmeh riunyumnyum hainduj guh hamh, gou hix siengjlili bae sawqsawq, yaek caeuq daxmeh guh gijgwn ndei neix. “Daxmeh, gou bang mwngz bau gyaujswj ba!” Gou gouz naeuz:“Ndaej ha, mwngz rox bau lwi?” Daxmeh yaengyaeng cam. “Gou dangyienz rox!” Gou gagsaenq dwk han naeuz.

Yienghneix, gou caeuq daxmeh hainduj doxgap bau gyaujswj. Dou itmienh bau gyaujswj, itmienh gangjgoj, ndaw ranz cungj rim sing gangj sing riu. Daxmeh bau gyaujswj gig suglienh, bau ndaej gij gyaujswj lumj yisuzbinj nei gyaqciq. Gou yienznaeuz huk di, hoeng ndaej daxmeh son, hix cugciemh bau ndaej baenz lo. Daxmeh doq bau doq lwnh gou nyi:“Bau gyaujswj hix dwg cungj vwnzva gwnndoet conzdungj Cungguek ndeu.” Gou fwt dwk roxndaej:“O, yienzlaiz dwg yienghneix ha!” Gou ciep dwk naeuz:“Gyaujswj ndaej cawj raemx ndaej cien cug, gou engq gyaez gyaujswj cien rangfwt haenx.” Hoeng daxmeh naeuz gwn gyaujswj cien lai yungzheih hozhep. Daxmeh hainduj cawj gyaujswj, gou couh bae ndaw ding yawj densi yaep he. Mbouj geij nanz le, heiqhom gyaujswj roenx seiqhenz liux, gou gip dwk bae cimz aen ndeu, gij feihdauh de caen dwg hawj vunz gwn le lij siengj caiq gwn.

Gou maqmuengh ndaej caiq caeuq daxmeh caez bau gyaujswj, caez yiengjsouh gij raeujrub caeuq angqyangz ndaw ranz. Gou hix saenq daxmeh lij ndaej guh ok engq lai engq feih byaek ndeigwn, aenvih youq ndaw sim gou daxmeh couh lumj boux canghdajcawj haj singgaep ndeu, cungj rox yungh gij gyaez caeuq dinfwngz ndei cawj baenz gij feihdauh vuenyungz.

我与妈妈的饺子时光

在我家，有一位厨艺高手，她就是我的妈妈。红烧牛肉、排骨冬瓜汤、香喷喷的水饺……我妈妈做每一道吃食都让人垂涎三尺。尤其让我难忘的，是她包的饺子，那不仅仅是饺子，更是家的味道，是爱的传递。

记得那是一个温馨的周末，妈妈买回了饺子皮，准备大展身手。她问我：“宝贝，你想吃什么口味的饺子？”“鸡蛋和玉米的！”我兴奋地回答。妈妈微笑着开始准备馅料，我也跃跃欲试，想要参与这场美食的制作。“妈妈，让我帮你包饺子吧！”我请求道。“当然可以，你会吗？”妈妈温柔地问。“我当然会！”我自信地回答。

于是，我和妈妈开始了包饺子的合作。我们一边包饺子，一边聊着天，屋子里充满了欢声笑语。妈妈手法熟练，每一个饺子都像艺术品一样精致。我虽然笨拙，但在妈妈的耐心指导下，渐渐掌握了技巧。妈妈边包边告诉我：“包饺子是中国传统饮食文化的一部分。”我恍然大悟：“哦，原来是这样啊！”接着，我兴奋地说：“饺子可以水煮也可以煎熟，我更偏爱煎饺的香脆。”但妈妈提醒我，吃太多煎饺容易上火。说完，妈妈开始煮饺子，我则到客厅看了一会儿电视。不久后，饺子的香气四溢，我迫不及待地尝了一个，那味道真是让人回味无穷。

我希望能再次和妈妈一起包饺子，享受那份家的温暖和快乐。我相信妈妈还会做出更多的美味佳肴，因为她在我心中就像一位五星级大厨，总能用爱和巧手烹饪出幸福的味道。

(lauxsae son raiz: Cinz Cozli

指导老师：覃作利)

编辑：黄誉琦复审：复审：黄慧华终审：蒙树起