Doxgaiq Simgyaez Gou - 广西民族报网

Doxgaiq Simgyaez Gou

来源：

作者：□Gveigangj Si Cinzdangz Gih Mungzgungh Cin Cunghsinh Siujyoz Liuyui Gyauyozdenj haj (1) ban Veiz Gwzcangh / 韦克章

发布时间：2025-02-20

Geiqndaej gou ngoengzseng caet bi haenx， banhaet ndit ciuq raeujrub. Daxboh daxmeh yungh gij fuengsik daegbied de gyaez gou——soengq gyaq danci moq ndeu hoh gou ngoenzseng vaiqvued，caemhcaiq daxboh lij son gou gwih danci. Seizde gou roxnyinh vuenyungz caeuq maengxangq dangqmaz.

Ngoenzhaenx haetcaeux, daxboh doi aen danci moqyatyat ndeu daeuj daengz laengranz gvangqyub haenx, son gou lienh gwih danci. Caengz gwih ci, daxboh naihsim song gou gwih ci gisuz gonq: Seiz gwih danci da aeu yawj baenaj, aenndang baujciz doengzbingz, fwngz lij aeu gaem gyaeujci maenh. Riengzlaeng gou couh daenj mauhgang ndei siujsim sisi dieb hwnj danci，daxboh fuz rieng ci maenh，seizhaenx gou youh angq youh simgaenj, daxboh youq baihlaeng unqswnh nai gou:“Gaej simgaenj， menhmenh daeuj.” Yienghneix gou caenhliengh cuengqsoeng ndangdaej, yaeng’yaeng caij roengz gaiq diebdin.

Hainduj gou lij gwih ndaej bibi buengqbuengq，lumj seizseiz yaek fadlaemx， hoeng gij sing unqswnh daxboh mbouj duenh yiengj youq henz rwz gou: “Cuengqsoeng di, mwngz itdingh guh ndaej daengz.” Ndaej daxboh gujli, seiz gou yaek hag rox gwih danci, duz ma hau ranz gou sawqmwh buet daengz dangqnaj danci. Baez vueng，gou couh siengj dingz danci roengzdaeuj, gou yied vueng yied roxnyinh dawz aen ci mbouj maenh, hwk ndaej gou ndang ok hanhmwt. Seiz gou laihnaeuz yaek caeuq ma hau doxbungq fadlaemx，danci dingz youq dangqnaj ma hau. Gou nyeux gyaeuj baez yawj, yienzlaiz dwg daxboh youq baihlaeng rag dawz danci mbouj hawj ci laemx.

Gou roengz ci le, ajngaeb gaemz hung diemheiq. Gou deng hwk lau lo, mbouj caiq siengj gwih ci lo. Hoeng daxboh naeuz:“Saw ndaej lai couh rox ndaej lai，caengz raen miz saeh lawz baez guh couh guhbaenz gvaq.” Yienghneix gou youh gwih hwnj danci. Haidaeuz lij bibi buengqbuengq，ndaej lienh gvaq di he gonq le, gou gig vaiq couh gag gwih ndaej duenh loh dinj ndeu. Seizhaenx gou nyeux gyaeuj yawj daxboh， yawjraen daxboh naj riunyumnyum. Gij najriu de lumj nditraeuj ciuq haeuj sim gou.

Seizgan gvaq ndaej vaiq, gij gisuz gwih danci gou yied daeuj yied suglienh lo. Gvaqlaeng, mwh gou gwih danci rumz ci gvaq naj, gou raen simsangj dangqmaz，henz rwz cungj lumj dingqnyi gij sing daxboh son gou hag gwih danci haenx.

Gyaq danci neix mboujdan buenx gou guh’angq dohgvaq seiz lwgnyez, yawj gou majhung, engq yawjraen bohmeh baenzlawz gyaez gou. Gou gyaez gyaq danci gou.

我的心爱之物

记得那是一个阳光明媚的早晨，我迎来了七岁生日。爸爸妈妈用特别的方式表达对我的爱——送一辆自行车给我作生日礼物，并且爸爸还教我骑自行车。那一刻，让我感受到了前所未有的幸福和期待。

那天一大早，爸爸推着崭新的自行车，拉着我来到宽敞的后院，教我练习骑自行车。在开始之前，爸爸耐心地向我传授骑自行车的要领：骑自行车目光要向前看，身体保持平衡，双手还要稳住车把。随后，我便戴好头盔小心翼翼地骑上了车，爸爸扶住车尾座，我既兴奋又紧张，爸爸则在后面温柔鼓励：“不要紧张，慢慢来。”于是我尽量放松身体，轻轻踩下踏板。

起初我骑得摇摇晃晃，仿佛随时都会摔倒。但爸爸温和的声音不断在我耳边响起：“放轻松，你能行的！”在爸爸的鼓励下，我在即将掌握骑自行车的要领时，前面突然窜出我家的小白狗，慌乱之下我便想让自行车停下来，我越着急越发觉控制不了自行车，顿时吓出一身冷汗。就在我以为自己要和小白狗撞到一起摔个狗趴屎时，自行车停在了小白狗前，我扭头一看，原来是爸爸拉住后座把车控制下来了。

我下了车，大口大口地喘着粗气。我吓坏了，不想骑了，可是爸爸说：“失败乃成功之母，没有什么事是一下子就能成功的。”于是，我再次骑上了自行车。刚开始还是摇摇晃晃，不过有了前面的基础，我很快能独自骑一小段路了。这时候，我回头望望爸爸，看到他脸上洋溢着欣慰的笑容，那笑容如同阳光照亮了我的心。

随着时间推移，我骑自行车的技巧越来越熟练了。后来，每当我骑上自行车，感受着风掠过身边的快感时，爸爸教我骑车时的温柔鼓励声总会在耳边回荡。

这辆自行车不仅是我童年的玩伴，是我成长道路上的见证者，更是父母对我爱的证明。我爱我的自行车。

(lauxsae son raiz: Veiz Hungz Cinz Fuzgiz / 指导老师：韦红覃福奇)

编辑：黄誉琦