Daxmeh Hungmbwk - 广西民族报网

Daxmeh Hungmbwk

来源：广西民族报网

作者：□Gveigangj Si Cinzdangz Gih Mungzgungh Cin Gauhcan Siujyoz seiq (2) ban Lij Yungjcin / 李泳骏

发布时间：2025-02-20

Ndaw sim gou miz boux vunz ak mboujmiz bouxlawz lawh ndaej ndeu, de couh dwg daxmeh hungmbwk gou. De mboujdan dwg aen dapdaeng ndaw sengmingh gou, engq dwg boux henhoh gou majhung.

Haemhnaengz, baez gou ninz mbouj ndaek, daxmeh couh bienq baenz bouxcangh gangj gojgaeq, sing unqnemnem gangj aen dem aen gojgaeq mizyinx, hawj gou ninzndaek vanswd loq fangzhwnz. Gou ceiq maij dingq daxmeh gangj gojgaeq, gij gojgaeq lumj ndaundeiq ronghsag gwnz mbwn gyanghaemh, ciuq rongh aen sim gou, hawj gou vuenyungz caeuq simdingh.

Seiz gou dungxiek, daxmeh couh dwg boux canghdajcawj ak ndeu, de cungj ndaej aeu doenghyiengh genjdanh daeuj cawj baenz gij byaek feih ndeigwn. Daegbied dwg gyanghaet, de bang gou cawj mienhdiuz, de cawj vanj mienhdiuz rim he, gwnz mienhdiuz nohgaiq dong lumj goengq bya iq nei, hoeng ndaw vanj de cix cij miz mienhdiuz caeuq di dangsaw mbouj raen miz noh. Gou geizheih cam de gvaq:“Meh ha, vihmaz ndaw vanj mwngz mbouj miz noh?” De cungj riunyumnyum han naeuz:“Daxmeh mbouj maij gwn.” Doeklaeng gou cij mingzbeg, haenx dwg gij gyaez nanwtnwt de, de cungj dawz gij ceiq ndei louz hawj gou.

Seiz gou baenz bingh, daxmeh youh bienqbaenz “canghyw” yiengh- yiengh cungj rox guh, yungh gij simsaeq caeuq hozraez de ciuqgoq gou, gueng gou gwn yw, aeu faj fwngz raeujrub de lumh najbyak gou. De baenzneix gyaezhoh gou, bingh gou cungj ndei ndaej gig vaiq. Gij gyaez de lumj fuk yw ndei saenzgeiz ndeu, bang gou gig vaiq hoizfuk ndangcangq.

Neix couh dwg daxmeh hungmbwk gou, gij gyaez de lumj daihhaij nei laegcaem, lumj nditrongh nei raeujrub. De yungh gij fuengsik swhgeij bae guh dinghcoebcoeb, mbouj gouz hoizbauq. Youq ndaw sim gou, de mboujdan dwg daengx seiq- gyaiq daxmeh ceiq ndei ndeu, engq ciengxlwenx dwg boux daxmeh ak gou.

伟大的妈妈

在我心中，有一个无可替代的超级英雄，她就是我伟大的妈妈。她不仅是我生命中的灯塔，更是我成长路上的守护者。

夜晚，在我翻来覆去无法入睡的时候，妈妈就会化身为故事魔法师，用她那温柔的声音编织一个又一个奇妙的故事，带我进入甜美的梦乡。我最爱听妈妈讲故事，那些故事如同夜空中最亮的星星，照亮我的心灵，让我感到无比的幸福和安心。

在我饿的时候，妈妈就是一位厨艺高超的大厨，总能用简单的食材烹饪出最美味的佳肴。尤其是早上，她为我煮的面条，总是满满一碗，肉片堆得像小山一样，而她自己的碗里却只有清汤寡水的面条。我曾好奇地问她：“妈妈，为什么你的碗里没有肉？”她总是微笑着回答：“妈妈不喜欢吃。”直到后来我才明白，那是她无私的爱，她总是把最好的留给我。

在我生病的时候，妈妈又变成一位无所不能的“医生”，她用细心和耐心照顾我，喂我吃药，用温暖的手抚摸我的额头。在她的呵护下，我的病痛总是能迅速消退。她的爱如同一剂神奇的良药，让我快速恢复健康。

这就是我伟大的妈妈，她的爱如同大海般深沉，如同阳光般温暖。她用自己的方式默默地付出，不求回报。在我心中，她不仅是全世界最好的妈妈，更是我永远的超级英雄。

(lauxsae son raiz: Cinz Cozli / 指导老师：覃作利)

编辑：黄誉琦