Boux Lauxsae Ndawsim Gou - 广西民族报网

Boux Lauxsae Ndawsim Gou

来源：广西民族报

作者：　　Gveigangj Si Cinzdangz Gih Mungzgungh Cin Sinhlingj Siujyoz seiq (1) ban Veiz Dunghyui/韦冬睿

发布时间：2024-09-10

　　Danghnaeuz mwngz cam gou, boux lauxsae ndaw sim gou dwg baenzlawz yiengh? Gou itdingh lwnh mwngz nyi, boux lauxsae ndaw sim gou dwg boux lauxsae youh daegbied youh mizyinx ndeu. De louz miz gij byoem ndaem- ndetndet、raezrangrang, couh lumj raemxdiuqdat nei，raez yaek rag daengz gwnznamh bae lo. De byaij loh le gij byoem raezrangrang de couh lumj geu buhlongz ndeu nei, gyaeundei raixcaix!

　　Gyanghaet, daengngoenz daxgoeng swng hwnjdaeuj le, boux lauxsae neix hwnq le gienh saeh daih’it itdingh dwg gaem roi roi gij byoem raezrangrang de, de ndaw bak ngon fwen, aenroi rub gij byoem de, couh lumj rub yienzgimz nei.

　　Boux lauxsae neix dwg yijvwnz lauxsae. De gyaez gangjgoj hawj dou dingq. Byoem de miz geijlai raez, gojgaeq de gangj haenx couh miz geijlai raez. Caemhcaiq, de itmienh gangj gojgaeq, byoem de couh itmienh rox byaujyenj, mizyinx lai lo!

　　Seiz lauxsae gangj gojgaeq《Manaez Caeuq Roegga》, byoem de couh bienqbaenz duz manaez caeuq duz roegga, youq gwnz gofaex laj gofaex duz gwnz duz laj gangjvah. Seiz de gangj gojgaeq《Vihmaz Doenghduz Aeu Miz Rieng》, byoem de couh bienqbaenz aen vwnhauh hunghung ndeu, miz gak cungj gak yiengh doenghduz youq de yaenglwnh aeu cawx cungj rieng lawz ne! Ceiq mizyinx dwg lauxsae gangj gojgaeq《Saenzbit Majliengz》seiz, byoem de lij bienqbaenz saenzbit、maxhung、gungnaq、ruzhung, caemhcaiq bienqbaenz faex ngauz ndaej ngaenz! Haha! Dou caen siengj cung hwnjbae ngauz geij mbat, yawjyawj dwg mbouj dwg miz ngaenz doek roengzdaeuj dahraix!

　　Dingq boux lauxsae neix gangjgoj couh lumj yawj denyingj ityiengh, dou cungj dingq ndaej gig miz feihdauh!

　　Mwngz gyaez boux lauxsae yienghneix lwi?

　　我心中的老师

　　如果你问我，我心目中的老师是怎么样的？我一定会告诉你，我心目中的老师，是一位特别的、有趣的老师。她留着黑黑的、长长的、像瀑布一样的长发，长度差不多拖到地上去了。她走起路来，长长的头发就像披风一样，美丽极了！

　　清晨，每当太阳公公升起来的时候，这位老师起床的第一件事一定是拿起梳子梳理她的头发，她轻轻地哼着歌，她手上的梳子抚摸着她的头发，就像拂过琴弦一般！

　　这位老师是一位语文老师。她很喜欢给我们讲故事，她的头发有多长，她讲的故事就有多长。而且，她一边讲故事，她的长头发就一边配合着表演，可有意思啦！

　　当老师讲《狐狸和乌鸦》的故事时，她的长头发就变成一只狐狸和一只乌鸦，在树上树下一上一下说着话。当老师讲《为什么动物会有尾巴》的故事时，她的长头发就变成一个大大的问号，有各种各样的小动物在讨论着要买什么样的尾巴呢！最有意思的是，当她讲起《神笔马良》的故事时，长头发还能变成神笔、骏马、弓箭、大船，甚至摇钱树！哈哈！我们好想冲上去摇一摇，看看能不能真的摇下金币！

　　听这位老师讲故事就像看电影一样，我们都听得津津有味！

　　你喜欢这样的老师吗？

　　(lauxsae son raiz Luz Siujmei / 指导老师陆小媚）

编辑：黄誉琦复审：黄慧华终审：蒙树起