来源：广西民族报
发布时间：2020-09-17
Gaxgonq miz benq mok he, de dwg boux lwgnyez cabheiq ndeu, hix dwg boux canghfapswd iq he.
Miz ngoenz ndeu, mok mbin daengz ndaw gunghyenz, “Gou yaek yo gunghyenz bae!” Yienghneix, de aeu gunghyenz yo bae lo. Mboujlwnh dwg vunzlai、vacwx roxnaeuz dwg gwnzmbwn oatat, cungj yawj mbouj raen lo.
“Seizneix gou yaek yo hagdangz bae!” Sawqmwh, cij dingqnyi seiqhenz singriu angqyangz, lumj dwg lauxsae caeuq gyoengq doengzhag youq doxcaez bengcag, baihgvaz hemq gyayouz, baihswix hemq gyayouz, hoeng gijmaz cungj yawj mbouj raen lo.
Mok youh daeujdaengz doenghnaz, de naeuz: “Seizneix gou yaek yo doenghnaz bae.” Mok caen yo doenghnaz bae lo——mboujlwnh dwg haeuxyangz henjrwg, roxnaeuz dwg megmax ndingyan, cungj deng mok suek hwnjdaeuj lo, gijmaz cungj yawj mbouj yienh lo. De daekeiq ndoj youq gwnzmbwn doenghnaz, gag gangj gag naeuz: “Seizneix, gou wnggai yo byawz bae ne? Yawjdaeuj, mbouj miz maz yo lo.”
“Gou yaek yo gou bae ba!” Mok yo swhgeij hwnjdaeuj lo.
Mbouj geijlai nanz, mok sanq bae lo, gunghyenz caeuq vunzlai vacwx. Hagdangz caeuq lauxsae doengzhag, doenghnaz caeuq haeuxyangz megmax, cungj loh okdaeuj lo. Vunz gwnz loh byaij de, duzmeuz caeuq duzma hix okdaeuj lo, duzmeuz bi diuzrieng ndaemndat de, duzma bi diuzrieng henjgeq de, gyoengqde doxcaez cwxcaih byaijyedyed.
Mok ne? Siu bae caez lo, mbouj rox ndoj haeuj gizlawz bae lo.
(ngeih nienzgaep Vangz Lingzsenh)
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com