来源：广西民族报
发布时间：2020-09-17
Miz ngoenz ndeu, mbwn hwngq lai, gou doiq daxmeh daezok bae cawx sietgau daeuj gwn. Daxmeh naeuz swnhbienh cawx bingz ciengqyouz ndeu ma.
Gou ciep gvaq cienz，sikhaek buet bae coh bouqgaihuq genj sietgau gou maij haenx. Genj sat le, gou mbouj lumz cawx bingz ciengqyouz he caiq ma ranz. Cawx sat le, gou riuj doxgaiq riengjrit buet ma ranz. Daengz ranz le, gou caj mbouj gib daw diuz sietgau he daeuj gwn. Yienzhaeuh gou siengj cungj mbouj siengj, couh dawz sietgau lw roengz haenx caeuq bingz ciengqyouz doxcaez cuengq haeuj lwngjdungzsiz ndaw binghsiengh bae.
Ngoenz daihngeih banngaiz, gou cingq haeujmaez yawj densi. Daxmeh itmienh cauj byaek, itmienh cam gou ciengqyouz youq gizlawz. Seizde, gou cij siengj hwnj ciengq- youz lij youq ndaw binghsiengh. Gou hai binghsiengh, guh ndei cunjbei deng ndaq. Hoeng, gou doeksaet dangqmaz, ciengqyouz gingqyienz mbouj deng giet baenz nae! Neix dwg vih gijmaz ne? Gou dawz ciengqyouz ndenq hawj daxmeh, cam daxmeh ciengqyouz vihmaz mbouj deng giet nae. Daxmeh naeuz de hix mbouj rox. Yienghneix, gou ra saw caz swhliu. Gwnz saw naeuz, ciengqyouz diemj gietnae youq -40℃ baedauq. Doh- raeuj lwngjdungsiz binghsiengh ranz gou cij miz -18℃ baedauq. Ndigah, dawz ciengqyouz cuengq youq lwngjdungsiz ndaw bingh- siengh, dangyienz mbouj deng giet baenz nae lo!
Laxlawz dwg yienghneix.
(seiq nienzgaep Ciz Yenzyui)
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com