来源:广西民族报网
发布时间:2026-08-26
Byawz Dawz Aen Singznden Nyumx Baenz Seizcou Hoengz
Daj Bwzswz Si hwnjdin, yiengq baih saenamz hai ci it bak ngeihcib gouj goengleix—— Mbouj suenq gyawj, aenvih Bwzswz dieg gvangq dangqmaz. Hoeng doiq Dwzbauj daeuj gangj, mwngz byaij aen buenq cungdaeuz bae youzlangh couh dij lo.
Dahgenhoz youq dieg Dwzbauj ngeuj aen van ndeu, umj buenq aen singz haeuj ndaw rungj bae. Raemxdah sawdik yawj ndaej raen daej, gij ngaeuz laeuzdiuqdin camjca haenx ingj youq ndaw dah, fuk doz mbanj Lingjnanz ndeu couh mbehai youq najda. Aen singznden Gveisih neix dawz gij seizcou ceiq cingzsug de yo haeuj ndaw deih laegdaeuq bae, hawj gij bya gij gemh baih saebaek nyumx baenz cib fanh moux faexraeu mbawhoengz, gij dat baih doengnamz daep miz gamjyagnywx fanh bi, mienh hoengz mienh heu, couh lumj song naed ngawhsaw nei cap youq gwnz deih.
Bwzswz dwg giz yayezdai gifungh gihou, dingzlai dieg daengx bi cungj mwn heu. Youq Giujcaigouh, yaek siengj baez ndeu aeu gij gingjsaek mbawhoengz rim bya dawz haeuj da bae cix dwg aiq hung gvaq hoz bae lo, hoeng youq Dwzbauj cix ndaej.
Gij mbawhoengz seizcou Dwzbauj yienghlawz baenz cujyau caeuq sam aen yienzaen mizgven. It dwg ceh faex. Gij mbawhoengz Dwzbauj dwg mbaw faexraeu、mbaw faexgi、mbaw faexgouxhoengz gyauca ingj ok. Ngeih dwg namh. Gij namh Dwzbauj cujyau dwg namhnding caeuq namhhenj, soemj ndaengq yaek doxdaengh loq lai miz di ndaengq, gij namh neix doiq faexraeu daengj gij faex mbawhoengz sengmaj miz leih. Aen yienzaen ceiq youqgaenj doeklaeng dwg dienheiq. Dwzbauj dieg youq baih saenamz Gvangjsih, dienheiq gvihaeuj dienheiq cumx yiengh yayezdai gifungh, haijbaz miz bet bak mij hwnjroengz, dienheiq doxca haemq mingzyienj, gyangngoenz caeuq gyanghaemh dienheiq doxca hung, bingzyaenx doxca cib doh hwnjroengz. Cungj dienheiq doxca neix coihaeuj cauxbaenz vahcinghsu, hawj mbaw faexraeu daj saekheu ciemhciemh bienqbaenz saekhoengz.
Moix bi seizcou mwi roengz daengz bimoq seizcin dauq nit, gyoengq megbya Dwzbauj couh lumj diemj feiz nei, go faexraeu daj laj bya remj daengz gyaeuj fwj, daengx bya hoengzyanyan, daengx ndoeng nyumx saek, yawj bae roxnyinh da sangj aek gvangq, ciuyinx gak dieg boux gyaez ingjsiengq haenx daeuj gizneix, hawj gij lijgvanj ndaw yienh ranzranz rim hek.
Aen Gunghyenz Ndoengmbawhoengz youq baih doengbaek aen yienh neix, liz yienhsingz sam diemj haj goengleix, aeu mbawhoengz goraeu guh cawjdaez, aeu aen dieg youzyawj Huzmbawhoengz caeuq aen dieg youzyawj Luegmbawhoengz guh cehsim gingjgih. Seizcou henjrwdrwd, mbawraeu lumj feiz, raemx huz unqswnh, dox ingj dox baengh, haemq miz gij cingzdiuh sei caeuq veh.
Gij saekhoengz seizcou yied hoengz, cix ingj ok raemx yied heu.
Gij binjcungj mbawhoengz cujyau dwg faexraeu. Gij saek mbawfaex de miz hoengzlaeg、hoengzo、hoengzfwj、hoengz henj doxgyaux daengj, menh byaij youq ndawde lumj dwg haeuj ndaw fuk youzva bae nei, swnh fwngz baez ingjsiengq couh dwg gij gingjsaek gyaeundei dozveh bingzmu soujgih. Engq youqgaenj dwg, ndaej ngonz haemq nanz, mwh ceiq ndei ngonz de ciengzseiz dwg moix bi cib nyied daengz bimoq ngeih nyied, ndawde cib- it nyied daengz cibngeih nyied dwg aen seizduenh saek ceiq noengz de. Ndaej baenzneix gangj, youq Dwzbauj, mbawhoengz dwg seizcou angjda seizdoengz hoengzyan.
Sangcangh Suijgu caeuq Bwzbu Suijgu ndaw gingjgih baenz le aen buenz diuzsaek boekfan youq haenx, gij hoengzmaeq faexraeu mbawsamgak、gij henjrongh faexraeu mbawhajgak、gij saekaeuj faexraeu mbawcaetgak, cungj youq ndaw raemx nyumx baenz fuk dozveh hung lai saek ndeu. Ndaw suijgu cinghsaw neix miz bya, miz hoengq ndaej ep bya, mbwq le ndaej yawj funggingj baihgyae, youzcaih de baihrog baenzlawz ndwetnauh, cij gag souj ndei dieg seuqsat neix.
Cawzbae seizcou mbawraeu hoengz le, youq Dwzbauj, laj namh lij miz cungj rongh’angj lingh yiengh ndeu.
Coh baihnamz yienhsingz byaij cibngeih goengleix, daengz Yendung Yangh Nazbu Cunh Mbanjgizyenz, AAAA gaep lijyouz gingjgih Gizsinghnganz cingq lumj lij youq mwh ciuhgeq diemheiq nei. Gij faexsangh geq youq bakgamj duengq nye, ndaej aen mingzdaeuz “faexsanghvuengz Gvangjsih”. Gij mbaw hung godoengz cien bi haenx lumj raeng roengz haujlai gim soiq sanq youq gwnz deih, lumj dwg vih aen gamj haed diuz saihwet gim ndeu.
Baez haeuj ndaw gamj, heiqliengz couh swnh diuzhwet bin hwnjdaeuj, ndaw gamj gij rinyagnywx baenz hoh baenz duenh、gak cungj gak yiengh haenx venj youq gwnz dingjgyaeuj, baenz cien fanh gingjsaek. Caiq byaij haeuj giz laeg bae, couh yawjraen aen daemzgaivaz hunggvangq ndeu, de youz gaivaz doi rom baenz haenz cauxbaenz, baenz gyoengq faenbouh, baenz caengz baenz caengz daeb youq gwnz dieg, lumj nazmbaeklae nei, gvangq roek cien lai bingzfuengmij. Engq miz dahlajnamh youq dieg laeg “gungdienh duzlungz” amq lae, gij raizraemx dawz gij “saek seizcou Mbanjcuengh” nu baenz langh riengz haeuxmeg laedoengh.
Ceiq saenzgeiz dwg “byagim ronghndwen”, gij gezcingh rinfanghgaij youq ndaw laepmommom de fat ok gij ronghnit, lumj dwg diuz dahmbwn loenq roengz ndaw cungqgyang daihdeih nei.
Ndaw gamj raez seiq cien lai mij, aen hongh gamj ceiq hung ndaej cuengq roengz song cien lai vunz, gingjsaek maezmomj, gij yiengh lairaeuh ndei yawj, ndaej conhgyah heuhguh “aen bozvuzgvanj yiengh gamj noixraen ndeu” caeuq “aen maezgung gwnzmbwn”.
Haeujmaez seizde, couh dwg youq ndaw funggingj. Gizneix aeu gij faexraeu hoengz aen Huzmbawhoengz、Luegmbawhoengz guh ingbaengh, caeuq Huzgingq、dieggeq lohgeq caeuq gwnz daizngonzgingj gapbaenz fuk dozveh ceiq ndeiyawj ndeu. (3)
谁染了边城一秋红
从百色市出发,向西南方向驱车一百二十九公里——距离不算太近,毕竟百色这块土地过于辽阔。但德保值得你走这趟一个半小时的旅程。
鉴河在德保地界转了个弯,将半城烟火揽入怀中。河水清可见石,倒映着两岸错落的吊脚楼,一幅岭南村寨的画卷展现眼前。这座桂西边城把最浓烈的秋色藏在最深沉的土地里,让漫过西北边的山山坳坳染上了十万亩红枫,东南壁岩深锁着万年溶洞,一赤一青,恰似翡翠双珏嵌入大地。
亚热带季风气候下的百色,绝大部分地区终年苍翠。想要一览九寨沟式的漫山红叶几乎是奢望,在德保却可以。
德保秋天的红叶形成主要与三个因素相关。一是树种。德保红叶以枫树叶、槭树叶与乌桕树叶交织而成。二是土壤。德保土壤以红壤土和黄壤土为主,酸碱度呈中性至微碱性,这种土壤条件有利于枫香树等红叶树种生长。最后一个关键因素是气候。地处广西西南部的德保属亚热带季风性湿润气候,海拔约八百米,气候垂直差异显著,昼夜温差大,平均温差约十摄氏度。这样的温差促进了花青素的形成,使枫叶从绿色逐渐转变为红色。
每年秋霜至次年春寒,德保山峦便像着了火似的,枫香树从山脚燃向云端,万山红遍,层林尽染,蔚为壮观,吸引了各地摄影爱好者,闹得县城旅馆家家爆满。
距县城三点五公里,位于县东北侧的红叶森林公园,以红枫为主题,核心景区为红枫湖游览区和红叶谷游览区。金秋时节,枫叶似火,湖水轻柔,互衬互耀,颇有诗情画意。
秋冬的红色越红,就衬得水越绿。
这里的红叶品种主要是枫香。其树叶颜色有深红、绛红、霞红、黄红混合等,漫步其中如置身油画,随手一拍便是壁纸级美景。更重要的是,观赏时间较长,最佳观赏期通常为每年十月至次年二月,其中十一月至十二月是色彩最为浓烈的时段。可以说,在德保,红叶是秋也喜人冬也艳。
景区内上章水库和百布水库成了打翻的调色盘,三角枫的胭脂红、五角枫的琥珀黄、七角枫的绛紫色,都在水波里晕成巨幅水彩画。而这清澈的水库有鱼,闲来可钓,闷了可看远处的风景,任凭世外多繁华,只守这一片净地。
除了秋红,在德保,地表之下还有另一种绚烂。
往县城南行十二公里,到了燕峒乡那布村吉岩屯,AAAA级旅游景区吉星岩正亘古地呼吸着。洞口垂须的古桑,被誉为“广西桑树王”。千年桐的阔叶筛下一地碎金,为溶洞系上了金腰带。
甫一入洞,凉气便顺着脊梁攀上来,洞内鳞次栉比、形态各异的钟乳石悬在头顶,气象万千。再往深处走,就能看到壮观的钙华池,由钙华堆积成堤埂而形成,成群分布,依地势层层叠叠,状若梯田,面积六千多平方米。更有暗河在“龙王宫”深处潜流,水纹将石壁上的“壮乡秋色”揉成流动的麦浪。
最奇的是“月亮金山”,方解石结晶在幽暗中泛着冷光,恍若银河碎屑坠入地心。
洞内总长四千余米,最大的洞厅可容两千多人,景色扑朔迷离,造型多姿多彩,被专家称为“一个罕见的岩溶造型博物馆”和“天上迷宫”。
迷失的一刻,尽在风景里。这里以红枫湖、红叶谷一带的红枫林为依托,与镜湖、古道遗址和观景台构成绝美画卷。
编辑:实习生 石喜丹 复审:黄慧华 终审:蒙树起