来源：广西民族报网
发布时间：2026-08-19
Dahlwg ngiengx gyaeuj aj bak, unqnemnem heuh le: “Goeng.”
Roekcib lai bi daeuj, vunzlai cungj heuh boh gou “Cangh roeglaej”, neix lij aeu daj mwh daxboh lij coz de daeuj gangj.
Haetde, daxboh deng senj guh boux duicangj Hungzsingh Swnghcanjdui. Banringz, daxboh ngamq youq sizdangz vunzlai gwn sat cukhaeuxdaeq, boux senhconz gansw gunghse Vangz Yozbingz muengzyaengyaeng ra daengz sizdangz daeuj.
Daxboh cam Vangz Yozbingz: “Vangz gansw, gunghse youh roengz gijmaz yinvu hawj dou?”
Vangz Yozbingz mbouj sikhaek han daxboh, de byaij daengz ndaw daxhongh sizdangz, yawjraen song ndij bwnroeg baij youq ndaw daxhongh de, couh gig mizyinx byaij gvaqbae. De gaeuz ndang aeu song fwngz yaeg aenndij hwnjdaeuj, guj bwnroeg ndaw ndij miz geijlai naek, riengzlaeng yungh song fwngz youq ndaw bwnroeg haeuyak de goet, lumj dwg nyinh ndaw ndij cungj miz roeg gijmaz.
Vangz Yozbingz bongxbongx gij bwnroeg gwnz fwngz, naeuz: “Mbouj loek, mbouj loek ha! Gou couh rox Hungzsingh Swnghcanjdui youq mwh cawz ‘seiq haih’ de aeundaej cingzcik yienhda, ngamq cawz roeglaej hangh neix, gij cingzcik mwngz Cangh Gveiz couh mbouj iq.”
Daxboh naeuz: “Vangz gansw haenh laigvaq lo. Daj guh doengh gij hong cawz nou、 cawz roeglaej、 cawz nengznyaen、 cawz nyungz daeuj, Hungzsingh Swnghcanjdui dou dwg caenhrengz liuxlaw. Mboujgvaq miz aen cingzgvang ndeu mbouj rox wnggai mbouj wnggai naeuz.”
Vangz Yozbingz naeuz: “Mwngz couh mbeilaux lwnh hawj cujciz.”
Daxboh naeuz: “Gangj daengz cawz ‘seiq haih’, dou cij rox cawz roeglaej cix mbouj rox baenzlawz cawz duznou caeuq nengznyaen.”
“Vih gijmaz?” Vangz Yozbingz cam.
Daxboh naeuz: “Aenvih haeuxgwn ndaw naz de vunz doq gwn mbouj imq, gizlawz lij yawjraen duznou? Gou gaenq lienzdaemh geij ngoenz daiqlingx seyenz bae henz naz nden reih gaeb nou gvaq, hoeng bwnnou cungj mbouj raen saenj lawz.”
Vangz Yozbingz naeuz: “Cawz nengznyaen ne?”
Daxboh naeuz: “Cawz nengznyaen caemh doxlumj. Aen duix gyoengq seyenz gwn haeux de riz ndaej lij saw gvaq gingq, nengznyaen caemh mboujmiz banhfap ra ndaej gijgwn, mbanj dou couhdwg mboujmiz duznou caeuq nengznyaen lo.”
Vangz Yozbingz lumjbaenz rox daengz le gijmaz, naeuz: “Baenzneix sou couh cijmiz gaeb roeglaej la?”
Daxboh han naeuz: “Dwg ha. Cijaeu sing gyong laz baez naeng, fan geiznding aendoih hoenxciengq cawz roeglaej de baez mbinmbangq, daengxmbanj vunz couh youq gwnz ndoi、ndoengfaex、bakgemh nda re ndei. Duzroeg dou gaeb ndaej de mboujdan dwg roeglaej, lijmiz roeggae、roegraeu、roeggeuq、roegciu、roeggacak, mbangjseiz lij miz roeggyaeujmeuz caeuq roegbaklinx. Dousingz deng coemh, daemz bya caemh dai. Dou mbouj siengj sienghaih doengh duzroeg wnq, youh caen sienghaih daengz dahraix lo.”
Vangz Yozbingz naeuz: “Gij yinvu baihgwnz dwg gaeb roeglaej, mbouj dwg hawj sou gaeb duzroeg wnq.”
Daxboh naeuz: “Gyoengqvunz ndaw mbanj geij ndwen cungj mbouj ndaej gwn noh lo, gaenq miz haujlai vunz baenz foegfouz, gouq vunz youqgaenj. Baenzneix dou cijndaej daengx re aeu liux.”
Vangz Yozbingz naeuz: “Gij cingzgvang mbanj sou caeuq gij cingzgvang daengx gunghse doxlumj, caeuq gij cingzgvang daengx yienh doxlumj, couhlienz caeuq gij cingzgvang daengx sengj doxlumj. Mboujmiz maz ndei doeksaet yatyat.”
Daxboh naeuz: “Lij miz maz yinvu lwi?”
Vangz Yozbingz naeuz de baezneix daeuj miz song aen saeh. Daih’it dwg heuh daxboh aeu Hungzsingh Swnghcanjdui cawz roeglaej ndaej geijlai baez caeuq gaeb ndaej geijlai duz roeglaej ciengzsaeq dahraix lwnh hawj de. Daihngeih, ngoenzneix dwg singgeiz haj, aen duenzcaijdiu ndaw yienh haemhneix daeuj ndaw mbanj guh biujyienj, youq ndaw mbanj gwn caeuz.
Vangz Yozbingz naeuz: “Gunghse boiq boux ndeu fwx ndeu song cangz haeux hawj boux canghheiq aen duenzcaijdiu, gangj daengz banringzgvaq ngoenzneix yaek gwn byaek gijmaz, couh youz mwngz Cangh Gveiz bae banh lo.”
Daxboh lawq baenz yaepseiz, mbouj rox yaek aeu byaek gijmaz bae dakdaih gyoengq canghheiq daj yienhsingz daeuj haenx.
Vangz Yozbingz naeuz byaek banringzgvaq ngoenzneix de cungj anbaiz ndei lo, daengxcungq gwn noh.
Daxboh gou naeuz: “Mwngz gaej gangjboq, yiengh mbanj dou neix gyawz miz noh gwn?”
Vangz Yozbingz naeuz: “Mwngz sikhaek heuh vunz ndaw mbanj comz daengz ndaw sizdangz daeuj, raeuz hai aen hoih gaenjgip ndeu, sikhaek haeuj ndoeng nda re gaeb roeglaej, gaijgez gij vwndiz gwn noh dangqnaj neix. Danghnaeuz gaeb mboujndaej roeglaej, couh aeu duz ma’henj ranz mwngz daeuj gaj lo. Mwngz dwg duicangj, mwngz wngdang daiqdaeuz!”
Daxboh gou hoznyaek gij anbaiz Vangz Yozbingz dangqmaz, hoeng vanzlij caenhrengz comz vunz ndaw mbanj daengz sizdangz, nyi Vangz Yozbingz hawj gyoengqde anbaiz yinvu.
Ciengz ciengq gaeb roeglaej ngoenzde caeuq doenghbaez mbouj doxlumj. Vunzlai faen baenz sam baih haeuj ndoeng humx gaeb. Ndaek gyong roq laz dawz duzroeg laeh bae ndaw lueg, doq laeh doq coemh bauqrengh, dawz bauqrengh vut bae gyangmbwn, baenzlawz cungj mbouj hawj roeg mbin dauqma.
Daxboh guh boux vad fan geiznding donj roeglaej.
Boengxroeg deng sing gyong laz caeuq singq bauqrengh neb, lailanglang mbin coh baih daxboh neix. Daxboh yienzbonj wnggai vad fan geiznding de, aj mbangh re hung bae gaebdawz boengx roeg haenx, hoeng de cix mbouj vad geiznding donj boengxroeg, cix dwg hawj boengx dem boengx roeg daj gwnz geiznding de mbin bongh deuz bae.
Banringzgvaq sam diemj, sou re gaeb roeg. Aenvih gven daxboh de dawz roeg cuengq mbin le, baenzneix gij cingzcik ngoenzde dab mbouj daengz aen moegbiu boux senhconz gansw Vangz Yozbingz. (2)
女儿大胆地张开口，甜甜地叫了声“爷爷”。
六十多年来，人家都叫我父亲“张麻雀”，这还得从我父亲年轻时说起。
那天上午，父亲被选为红星生产队的队长。中午，父亲刚在集体食堂喝完玉米粥，公社宣传干事王跃平风风火火地找到食堂来。
父亲问王跃平：“王干事，公社又给我们下达什么任务？”
王跃平没有马上回答父亲的问题，他走到食堂的天井里，看见摆在天井里的两箩筐鸟毛，就很感兴趣地走上去。他躬下身用双手抬起箩筐，估摸着筐里鸟毛的斤两，然后用双手在那些发出异味的鸟毛里搅动，好像在分辨筐里都有什么鸟。
王跃平拍了拍手上的鸟毛，说：“不错，不错啊！我就知道红星生产队在灭‘四害’中成绩显著，仅灭雀这一项，你张奎的功绩就不小。”
父亲说：“王干事过奖了。自从开展灭鼠、灭雀、灭蝇、灭蚊运动以来，我们红星生产队是尽了全力的。不过有一个情况不知道该不该说。”
王跃平说：“你就大胆地向组织汇报。”
父亲说：“说到灭‘四害’，我们只懂得消灭麻雀而不知道怎么消灭老鼠和苍蝇。”
“为什么？”王跃平问。
父亲说：“因为地里的粮食人都吃不饱，哪里还看见老鼠？我曾经连续数天带领社员到田头地尾去捕鼠，但鼠毛都不见一根。”
王跃平说：“灭蝇呢？”
父亲说：“灭蝇也是如此。社员们吃饭的碗舔得比镜子还干净，苍蝇也无法找到食物，我们村缺少的就是老鼠和苍蝇了。”
王跃平似乎明白了什么，说：“所以你们就只好捕麻雀了？”
父亲回答说：“是的。只要锣鼓声一响，灭雀战斗队的红旗一摆动，全村人就在山岗、树林、隘口把网布好。我们捕到的不仅仅是麻雀，还有山鸡、斑鸠、八哥、画眉、喜鹊，有时还有猫头鹰和乌鸫。城门失火，殃及池鱼。我们不想伤害其他鸟类，可事实上已经伤害了。”
王跃平说：“上面的任务是捕雀，不是让你们捕别的鸟。”
父亲说：“村民们几个月都没有吃到肉了，已有不少人开始出现浮肿，救人要紧。所以我们只能一网打尽。”
王跃平说：“你们村的情况和全公社的情况一样，和全县的情况一样，甚至和全省的情况一样。没有什么好大惊小怪的。”
父亲说：“还有什么任务吗？”
王跃平说他这次来有两个事，第一是叫父亲将红星生产队灭雀的次数和所捕获麻雀的数量向他翔实汇报。第二，今天是五一节，县彩调团晚上到村里来演出，晚饭在村里吃。
王跃平说：“公社配给彩调团演员每人每餐二两大米，至于今天下午吃的是什么菜，就由你张麻雀去办了。”
父亲有点儿犹豫起来，不知道要用什么菜来慰劳那些县城来的演员。
王跃平说今天下午的菜他都安排好了，全部开荤吃肉。
我父亲说：“你不要吹牛，我们这样的村庄哪有肉吃？”
王跃平说：“你马上叫村民集中到食堂里来，我们开个紧急会议，立刻进山拉网捕雀，解决眼前的吃肉问题。如果捕不到麻雀，就把你家的那条黄狗杀了。你是队长你应该带头！”
我父亲对王跃平的安排十分不满，但还是尽力组织村民来到食堂，听王跃平给他们布置任务。
那天的捕雀战斗和往常不一样。村民分三路进山围捕。敲锣打鼓把飞禽往山壑里面赶，边赶边烧鞭炮，把鞭炮朝天上甩，坚决不让鸟飞回头。
父亲负责舞动红旗拦麻雀的任务。
鸟群被锣鼓声以及鞭炮声追赶，黑压压地朝父亲这边飞了过来。父亲本该舞动那面红旗，张开大网把鸟儿网住，但他并没有舞动红旗拦截鸟群，而是让那一群一群鸟儿从他的红旗上方飞奔而逃。
下午三点，收网抓鸟。由于父亲那关把鸟儿放飞了，所以那天的战果没达到宣传干事王跃平的目标。
编辑：实习生 石喜丹 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com