来源：广西民族报网
发布时间：2026-08-18
Bihaenx, boh gou Cangh Gveiz youq mwh cawz roeglaej haenx, caemh ngeix ndei le yaek cawz gou bae. Hoeng gij yaemmaeuz de mbouj guh ndaej baenz, aenvih mwhde gou lij youq ndaw dungx meh gou.
Doeklaeng, gou cam daxmeh:“Daxboh vihmaz siengj cawz gou bae?”
Daxmeh naeuz:“Mwhde, vunz doq ciengx mbouj lix bonjfaenh, gizlawz miz bonjsaeh bae ciengx lwg?”
Gou rox le bohmeh vihmaz aekin, cam naeuz:“Yienghneix mwngz vihmaz lij youh seng gou?”
Daxmeh naeuz:“Seizde roeglaej deng lied guh yiengh ‘seiq haih’ ndeu, ngaiz vunzlai humx dwk, roeglaej baenz le yiengh byaek ndeu. Mwngz aeu gyo’mbaiq doengh duz roeglaej habdai de, mboujnex boh mwngz caeuxcaeux couh aeu gorodlwg bae rod mwngz doek lo.”
Gou naeuz daxmeh:“Yienghneix gou cix caen ndaej gyo’mbaiq roeglaej lo.”
Daxmeh naeuz: “Dangyienz, mwngz lij aeu gyo’mbaiq boh mwngz.”
Gou cam:“ Vih gijmaz?”
Daxmeh naeuz boh gou bide dwg swnghcanj duicangj, daxboh daiqlingx daengx mbanj vunz haeuj ndoeng bae gaeb roeglaej, gwed fan geiznding mbinfoenfoen, ndaek gyong roq laz boenqrengreng bae gaeb roeglaej, hawj gyoengqde haeuj re. Roeglaej cengdi deng daxboh gou gaeb liux gaj raeg, de hix vihneix youq daengx yienh baenz le boux gaeb roeglaej ceiq ak.
Daxmeh naeuz:“Mboujmiz noh roeglaej, mwngz Cangh Yaujhaij caeuxcaeux couh deng cawz bae lo.”
Daxboh yienznaeuz dwg bouxvunz sienhsoh ndeu, cix vihliux lwgnyez caeuq ndaw ranz, bae gaeb gaj doenghduz, daegbied hawj vunz sim’in de dwg bae gaeb roeg. Geiqndaej mwh gou lij iq, daxmeh couh hawj gou lwnh gij gojgaeq daxboh bae gaeb roeg haenx. Daxmeh lij naeuz, daxboh baezlawz okbae gaeb roeg, cungj yaek dawz duz roeglix ndeu dauqma.
Gou cam:“Vihmaz?”
Daxmeh naeuz:“Mwhde gwndaenj gungzhoj, ndaw ranz mboujmiz maz baenz guhcaemz, duz roeglix gaeb dauqma de couh aeu hawj mwngz guhcaemz.”
Daxmeh baenzneix naeuz, gou dauq ngeix daengz caen miz gienh saeh neix. Gou ndaej ciengx gvaq duzroeg, dwg youq aen roengqndoek ndeu bae ciengx, duzroeg youq ndaw roengq mbouj nyienh gwn haeux. Yawjraen de doekcaw baenzneix, gou daejsebseb.
Ngoenz ndeu, daxmeh dwk dienhvah ma, naeuz daxboh yaek mbouj baenz lo, heuh dou dauqbae mbat ndeu, de miz vah yaek caeuq dou gangj.
Gou caeuq mehyah lij miz dahlwg ngoenz daihngeih banringz dauq daengz le aen mbanj seng gou ciengx gou neix. Mwh dou byaij daengz diuzroen iq ndoengndoek bakmbanj, sawqmwh dingq daengz sing roeg ciuz “cici”. Gou ngiengx gyaeuj yawj bae, cijraen song duz roeg youq ndaw ndoengndoek mbincienh, gyang ndoengndoek venj miz aen rongzroeg lumj faeg iq ndeu, gou lij yawjraen ndaw rongz miz geij aen gyaeuj iq bwnnyumnyum de yienh okdaeuj. Dahlwg gig angqyangz, vix coh rongzroeg hemq:“Daxboh vaiq yawj, duzroeg miz lwgroeg iq lo! Duzroeg hung baenz bohmeh lo!”
Gou naeuz dahlwg:“Dwg ha, duzroeg hung moix ngoenz mbin bae mbin dauq cungj mbouj daengx, gyoengqde yaek bae ra gaiqgwn dauqma ciengx lwg, couh lumj ranz raeuz nei angqyangz.”
Caemh youq seizneix, dou daengx ranz yawjraen le gij yiengh hawj vunz doeksaet ndeu: Duz ngwzgaeu ndeu daj goek ndoek riengjvaiq ruenz daengz le laj rongzroeg, riengjret yat bae, cinjdeng coemj ndaej duz roegmeh cingq gueng lwg de. Cij dingq daengz sing laezheu ndeu, bak ngwz gaenq haeb hoz duz roegmeh ndaej ndaetndet bae. Duz roegboh youq gwnz ndoengndoek heuh ndaej siliengz vetvet, lumj saenj naq liz yienz nei cung roengzdaeuj, cigsoh bae dot gyaeujngwz. Duz ngwz de deng yiengh hujdengdeng neix haep daengz le, vut bae duzroeg daengz bak de, bulu ndonj haeuj ndaw conghndoek. Hoz duz roegmeh de lwedyaengyaeng, de dinghdingh ninz youq gwnz diegrum. Duz roegboh heux henzndang yah de saet baedauq、heuh dwk mbouj dingz, mizseiz mboenmboen, mizseiz daejaa, lumj yaek heuh bouxbuenx doxndiep singj dauqma, hoeng bouxbuenx doenghbaez caemh mbin caemh youq de gaenq dingq mbouj daengz sing de heuh haenx. Sawqmwh, duz roegboh lumj baenzbag nei mbin hwnj gwnzmbwn, buenx dwk sing laezheu yiemzrwd ndeu, daj gyangmbwn fwt bienq cig cung roengzdaeuj, aen gyaeuj daemj youq gwnz rin, fad dai youq henzndang duz roegmeh.
Gij yienghsiengq neix hawj gou daengx ciuh cungj lumz mbouj ndaej.
Dou vueng’vat dauq daengz ranz, daeuj daengz bakcongz daxboh. Mwhde daxboh lij mbouj gatcaw, dingqnaeuz gou dauqma le, de dajsuenq yaengx song fwngz ngawz de, bae naeuz de gig sim’angq. Gou raen gwnz gvihgyaeujmbonq daxboh baij miz sam aen gvaenghgingq, ndaw gvaenghgingq mbouj dwg mbawsiengq cix dwg mbawciengj henj lumj lab nei. Mbouj yungh yawj gouj hix rox, neix dwg mbawciengj riengz daxboh roekcib lai bi haenx, daxboh itcig dawz geij mbaw ciengj de yawj guh gij cingzcik caeuq yungzdaeuz daengx ciuh de.
Yo gij mbawciengj haenx, doiq gou daeuj gangj dwg saetnaj raixcaix. Aenvih sam mbaw ciengj de dwg gij ciengj daxboh youq ciengz ciengq cawz roeglaej de aeu ndaej. De miznaj ndaej heuhguh “boux cawz roeglaej ceiq ak”“boux biubing cawz roeglaej” caeuq “boux yinghyungz cawz roeglaej”. Cixnaeuz yienghneix, gou lij ciuqgaeuq ndiepgyaez caeuq aeueiq daxboh, de dauqdaej dwg boh gou. Gou naengh youq bakcongz daxboh menhmenh bae rumh fwngz de, naeuz:“Daxboh, gou dauqma yawj mwngz lo.” Riengzlaeng cienj ndang naeuz dahlwg:“Vaiq heuh goeng.”
Dahlwg raen daengz naj goeng de, lau dwk ndoj bae baihlaeng meh de. Dahlwg lau fajnaj vauhve yakraen boh gou dangqmaz. Gou veq gyaeuj gvaqbae, umj dahlwg youq ndaw rungj, youq goekrwz swx de:“Nyez gou gvai, mwngz dwg nyez gvailolo ranz raeuz, mbeilaux dwg nyez daj dungx meh daiq daeuj, mwngz mbeilaux gvaq duzyungzmauh.”
(1)
当年，我父亲张奎在消灭麻雀的同时，也做好了消灭我的准备。但他的阴谋未能得逞，因为那时我还躺在母亲的肚子里。
后来，我问母亲：“父亲为什么想灭掉我？”
母亲说：“那时候，人都养不活自己，哪有能力去养孩子？”
我知道了父母亲的苦衷，问道：“那你为什么还要生下我？”
母亲说：“那时麻雀被列为‘四害’之一，被大家围剿，麻雀成了盘中餐。你得感谢那些该死的麻雀，要不你父亲早就用堕胎草把你给堕掉了。”
我对母亲说：“那我还真得感谢麻雀了。”
母亲说：“当然，你还得感谢你父亲。”
我问：“为什么？”
母亲说我父亲当年是生产队长，父亲带领全村人进山捕雀，扛着飞扬的红旗，敲锣打鼓地追赶麻雀，使其入网。麻雀几乎被我父亲赶尽杀绝，他也因此成了全县的捕雀英雄。
母亲说：“没有雀肉，你张晓海早就被消灭了。”
父亲虽是个善良的人，却为了儿女和家庭，开了杀戒，特别让人痛心的是网鸟。记得我还很小的时候，母亲就跟我说起父亲去网鸟的故事。母亲还说，父亲每次出去捕鸟，都要带一只活的回来。
我问：“为什么？”
母亲说：“那时生活困难，家里没有玩具，捉回来的那只活鸟就给你当玩具玩。”
母亲这么一说，我倒想起来是有那么一回事。我曾经养过鸟，是在一个竹篓里养的，小鸟在竹篓里不肯吃食。看着它可怜的样子，我哭了起来。
一天，母亲打来电话，说父亲快不行了，叫我们回去一趟，他有话要跟我们说。
我和妻子还有女儿第二天中午回到了生我养我的村庄。我们走进村口的竹林小路，忽然听到“啾啾”的鸟鸣声。我抬头望去，只见两只鸟儿在竹林间盘旋，竹林中挂着一个小南瓜似的鸟巢，我还看见鸟巢中探出了几个毛茸茸的小脑袋。女儿很高兴，指着鸟巢说道：“爸爸快看，鸟儿有小宝宝了！大鸟做爸爸妈妈了！”
我对女儿说：“是啊，大鸟每天不停地飞来飞去，它们要寻找食物回来喂养孩子，就像我们一家人一样快乐。”
就在这时，我们全家人看到了让人心惊的一幕：一条五花蛇自竹根迅速攀爬到了鸟巢下边，飞快一跃，准确地扑住了那只喂食的鸟妈妈。只听见一声惨叫，蛇口已经死死咬住了鸟妈妈的脖子。鸟爸爸在竹林上方凄厉地叫唤，像离弦的箭一样冲了下来，直向蛇头啄去。那条蛇被这气势吓倒了，扔下了到嘴的食物，一溜烟地窜进竹洞中。鸟妈妈脖子处血迹斑斑，它静静地躺在草地上。鸟爸爸围着伴侣的身体不停地跳着、叫着，时而呢喃，时而哀鸣，仿佛在呼唤爱人醒来，然而昔日双飞双栖的伴侣已经听不到它的呼唤。突然，鸟爸爸像疯了一样朝天空飞去，伴着一阵凛然决绝的尖锐呼号，从空中急转直下，一头撞在石板上，摔死在鸟妈妈的身旁。
这一幕让我永生难忘。
我们匆匆回到家，来到父亲的床前。那时父亲还没有断气，听说我回来了，他试图挥动那双笨拙的手，以示他的喜悦心情。我看见父亲的床头柜上摆放着三个镜框，镜框里放置的不是照片而是蜡黄的奖状。不用看我也知道，那是跟随父亲六十多年的奖状，父亲一直把那些奖状视为他一生的辉煌和荣耀。
保存那样的奖状对我来说是极大的耻辱。因为那三张奖状是父亲在那场消灭麻雀的战争中的战利品。他荣获了“灭雀能手”“灭雀标兵”和“灭雀英雄”的光荣称号。尽管这样，我对父亲依旧爱戴和尊重，他毕竟是我的父亲。我坐在父亲的床前轻轻地抚摸他的手，说：“爸，我回来看你了。”然后转身对女儿说，“快叫爷爷。”
女儿看到爷爷的脸，恐惧让她躲到她妈妈的背后。女儿对我父亲那张卡西莫多般的丑脸非常害怕。我扭过头去，把女儿抱在怀里，在她耳根悄悄地说：“乖女儿，你是我们家的乖宝宝，勇敢是宝宝的天性，你比熊猫更勇敢。”
编辑：实习生 石喜丹 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com