Duz Roeglaej Haemzhoj - 广西民族报网

Duz Roeglaej Haemzhoj

来源：广西民族报网

作者：□ Veiz Cinhaij raiz Vuz Sanglanz hoiz

发布时间：2026-08-18

Daxboh haeuj ndoeng ndaej mbouj geij nanz, mbwn couh sawqmwh bienq ndaej bumzcaemx lo, neix dwg mbwn ndei bouxdwknyaen ceiq maqmuengh raen daengz de. Cungj mbwn neix, gyoengq duzdoq、roeggae daengj cungj okma ragwn lo. Daxboh ngeix, ngoenzneix caijsoq dingh mbouj loek. Gangj dwg dwk roeglaej, gizsaed dwg raen gijmaz couh dwk gijmaz. Daxboh youq gwnz rin laj gofaex hung ndeu naengh roengzdaeuj, yaeg fwngz daj gwnz saivaq yoengq roengz aen doengzndoek raez haj conq ndeu caeuq aen daehnaeng ndeu lumj bopgyaeq vaiz nei. Aen doengz dwg aeu ma cang ywcungq, aen daehnaeng dwg aeu ma cang sadiet.

Daxboh dawz aen mbaet caeuq aen daeh cuengq youq gwnz rin, hwnj dangz cungqgep, ndonj haeuj ndaw ndoeng. Lwgda de lumj duzromh nei bae ra, hoeng gwnznamh mboujmiz maz duzlix. De ngiengx gyaeuj yawj, maqmuengh gwnzmbwn miz saek duz.

Sawqmwh nyoemq ngaeuz ndeu, lumj geij bak duz roeglaej daj ndaw ndoeng mbin okdaeuj, mbawfwed menhmenh baenqbeq, baenqbaenz ngaeuzfwj fuemxfuemx de mbin haeuj ndaw ndoeng. Sawqmwh sing byajdek ndeu, fwnraq lumj buenz raix raemx nei roengzdaeuj, cungqgep、ywcungq cungj deng rwed dumh liux. Daxboh deng fwnraq haep ngawz lo. Cungqgep dumz lo, sayiengj mbaeq lo, ywcungq youq ndaw doengz bienqbaenz le cuklwgraz.

Daxboh ndwn youq gyang fwn ngiengx gyaeuj yawj gwnzmbwn, youzcaih naedfwn roq aen ndang de. Haidaeuz daxboh roxnyinh mwh gij naedfwn dub youq gwnz naj caen miz di in, doeklaeng roxnyinh mbouj daengz lo. Daxboh wngdang ngaiz gyaengj lo.

Couhcinj baenzneix, daxboh cix mbouj doiq ok ndaw ndoeng dauq ranz bae, de duet roengz buhvaq, yungh song fwngz cuengqrengz mbit raemx gwnz buhvaq roengzdaeuj. Couh youq seizneix, daxboh dingqnyi gwnz faexhung miz sing roeg ciuz cici cetcet. Daxboh ngiengx da yawj hwnj gwnz faex, yawjraen gwnz faex miz haujlai aen rongzroeg. Go faex neix miz, go faex de caemh miz, go faex lawz cungj miz caet bet aen rongzroeg.

Duzroeg ndwn rim faexhung, daxboh gig maqmuengh bienqbaenz ndang re ndeu, dawz gyoengqde cungj gaeb liux bae.

Daxboh bax aencaengx youq baihlaeng, lumj duzlingz nei riengjvaiq bin daengz gwnz ngafaex. Mwh de aeu fwngz iet haeuj aen rongzroeg daih’it, daj ndaw rongz sawqmwh bubbub mbin ok song duz roeglaej. Daxboh ndang gag haenq ndaej ndaetfwdfwd, fwngz ndeu ndaetndaet gotmaenh ngafaex, fwngz ndeu bumh haeuj ndaw rongz. Daxboh roxnyinh daengz fwngz de lumh daengz song gaiq unqnemnem, daxboh roxndeq dwg song duz roegnding aj bak caj bwnq……Mwh daxboh aeu fwngz iet haeuj aen rongz daihngeih, song duz roegbaklinx ndaemndutndut de mbin ok bakcongh. Daxboh deng haep daengz doeksaet, ca di doek roengz gofaex. Daxboh simdingh gvaqma, riengjvaiq aeu fwngz iet haeuj ndaw rongz. Seizneix doiq roegbaklinx hozndat de singsoem hemq dwk bongh coh daxboh. Laeng fwngz daxboh deng gyoengqde dot daengz ok lwed, gyaeqroeg ndaw fwngz yaepyet doek daengz lajfaex.

Daxboh naengh youq gwnz ngafaex, ngiengx da bae yawj song duz roegbaklinx byaifaex cingq caengz de haenx. Daxboh mboujcaengz yawjraen gvaq roegbaklinx mbeilaux baenzneix daeuj dot vunz. Seizneix, doengh duz roegbaklinx douh youq gak go faex haenx laebdaeb daj seiqhenz comz youq gwnz gyaeuj daxboh, geij bak aen lwgda ndingswgswg, hozndat lumj feiz nei. Gyoengqde coh daxboh bongh roengzdaeuj.

Seiq genga daxboh gaenq mboujmiz rengz, ndang de lumj mbaw baengzuet dumh lwed ndeu, daj gwnz faex luet daengz goek faex.

Mwh Liuz Ngeih haeuj ndoeng ra raet yawjraen daxboh gou, daxboh daengx ndang lwedyaengyaeng ninz youq laj faexhung gongz dwk.

Liuz Ngeih yongqyaeu roengzdaeuj, daj gyanghwet duet aen bux gyaeng raemx de roengzdaeuj, mwh dawz raemx soengq bae ndaw bak daxboh gou doq gangj: “Go Cangh, mwngz neix dwg baenz maz lwi?”

Daxboh naeuz: “Liuz Ngeih, mwngz vaiq dawz gij lwgroeg caeuq gyaeqroeg ndaw caengx gou cuengq dauqbae.”

Liuz Ngeih cam: “Vih gijmaz?”

Daxboh naeuz: “Bauqwngq, ngaiz bauqwngq lo. Gou dwk roeg lai gvaq, duzroeg boizhaemz lo. Mwngz vaiq bang gou dawz doengh gij roeg ndaw caengx neix cuengq liux bae.”

Liuz Ngeih roxyiuj coenzvah daxboh, sikhaek dawz gyoengq lwgroeg caeuq gyaeqroeg ndaw caengx cuengq daengz laj cazfaex liux.

Daj ngoenzde daengz seizneix, roekcib lai bi lo. Daxboh gou miz le faj naj vauhve yakyawj ndeu. Cawz le miz faj naj dwglau haenx, daxboh byaij roen cungj lumj roeglaej nei ndukndak.

Gou daiq daxboh daengz ndaw singz caz ndangdaej, ra le boux lauxhangz sinzginghgoh genjcaz. Gyoengq lauxhangz yawj le genjcaz gezgoj, nyinhnaeuz daxboh gou banhdawz le cungj binghdoeg noix raen ndeu, seizneix lij mboujmiz banhfap yw ndei.

Daxboh mbouj youq le, daxmeh yienh hawj gou mbaw sa henj lumj lab ndeu.

Daxmeh naeuz: “Yaujhaij, neix dwg daxboh mwngz yaek gvaqseiq de raiz haenx. Mwngz yawj ba, yawj liux le coemh geij mbaw sa neix hawj daxboh mwngz ba.”

Gou deq gvaq mbaw sa yawj hwnjdaeuj, saw mbouj lai, raiz ndaej mbitmbit mbiengmbieng:

Gou najdoiq gvaq geijlai haet duzroeg ciuz lumj fwen haenx, ienqcak ciuhgonq bonjfaenh dwg boux gaemhgaj ndeu. Roeg ha, gou dwg boux vunz deng gyaeng youq ndaw roengqroeg ndeu, cingj mwngz naeuz gou, seizcin yaek daengz, gou wnggai aeu cungj banhfap lawz, hawj mbwnsien duet bae ciuh haemzhoj gou neix. ——Cangh Gveiz

Mbawsaw daxboh fwngz raiz neix, gou sij mbouj ndaej coemh de dahraix, gou yaek aeu de dangguh gij vah cienz son lwglan, bae daezsingj lwglan. (sat)

父亲进山后不久，天气忽然变得阴凉起来，这是猎人最希望见到的好天气。这样的天气，那些野兔、山鸡等都出来觅食了。父亲想，今天的运气肯定不错。说是打麻雀，其实是见什么就打什么。父亲在一棵大树下的石板上坐了下来，抬手从腰带上解下五寸长的竹筒和一个牛卵泡一样的皮袋子。竹筒是装火药用的，牛皮袋子是装铁砂用的。

父亲将竹筒和牛皮袋子放在石板上，给猎枪上膛，潜入林中。他目光如鹰隼般搜寻，但地上毫无生机。他抬起头，将希望寄托于天空。

突然一簇黑影，好像数百羽麻雀从树林里飞出，翅膀慢慢旋转，旋转成淡淡的云影飞进丛林。突然一声惊雷，暴雨倾盆而下，猎枪、火药全被打湿了。父亲被暴雨给吓蒙了。猎枪湿了，响纸湿了，火药在竹筒里成了芝麻糊。

父亲站在雨中仰头看天空，任凭雨点向他砸来。开始父亲觉得那雨点砸在脸上的时候真的有点疼，后来就感觉不出来了。父亲应该被冻坏了。

尽管如此，父亲并没有退出山林打马回朝。他脱下衣裤，用双手使劲地将衣裤多余的水分拧出。就在这时，父亲听到大树上有叽叽喳喳的鸟叫声。父亲抬眼朝树上望去，看见树上有好多个鸟巢。这棵树有，那棵树也有，每棵树上都有七八个鸟巢。

鸟儿站满大树，父亲恨不得立马变成一张网，把它们都网掉。

父亲背起背篓，像只猴子飞快地爬到了树丫上。他把手伸进第一个鸟巢的时候，从巢中忽然噗噗地飞出两只麻雀。父亲本能地绷紧身体，一只手紧紧地抱住树丫，另一只手朝巢中摸下去。父亲感觉到他的手触及两团软乎乎的东西，父亲知道那是两只嗷嗷待哺的雏鸟……父亲将手伸进第二个鸟巢的时候，两只黑油油的乌鸫呼地飞出洞口。父亲被吓了一跳，差点摔下树来。父亲稳定情绪，迅速将手伸进了巢中。此时，那对愤怒的乌鸫狂叫着冲向父亲。父亲的手背被乌鸫叮得出了血，手中的鸟蛋瞬时掉到树下。

父亲坐在树丫上，抬眼望着树干顶端那两只怒视着他的乌鸫。父亲从来没有看见过乌鸫这样大胆地攻击人类。此时，散落在各树之中的乌鸫渐渐地从四面八方汇集在父亲的头顶，数百只红色的眼睛发出火一样的愤怒。它们朝父亲俯冲下来。

父亲四肢已经没有力气，他的身体像一块带血的抹布，从树上滑到了树根。

进山找蘑菇的刘二发现我父亲的时候，父亲全身血淋淋地躺在大树下呻吟。

刘二蹲了下来，从腰间取下装水的葫芦，把水往我父亲的嘴巴里送的时候说：“张哥，你这是怎么了？”

父亲说：“刘二，你赶快把我背篓里的鸟崽和鸟蛋放回去。”

刘二问：“为什么？”

父亲说：“报应，报应了。我打鸟太多，鸟儿复仇了。你赶快帮我把背篓里的生命全放了。”

刘二听懂了父亲的话，立即把背篓里的幼稚鸟儿和鸟蛋都放到树丛下面。

从那天到现在，六十多年了，我父亲有了一张卡西莫多的丑陋的脸。除那张恐怖的脸外，父亲走起路来都像麻雀鸟一样一蹦一跳。

我带父亲到了省城体检，找了神经科的专家检查。专家们看了检查结果，认为我父亲感染了一种罕见的病毒，目前还没有办法治愈。

父亲去世后，母亲递给我一张蜡黄的字条。

母亲说：“晓海，这是你父亲临终前写的。你看吧，看完后跟这些纸一起烧给你父亲吧。”

我接过字条看了起来，字不多，歪歪扭扭地写着：

我曾经面对多少个鸟鸣如曲的清晨，为自己的前生是一个捕杀者而后悔。鸟啊，我是一个被禁锢在鸟笼里的人，请你告诉我，春天将至，我该以怎样的方式，让上帝解脱我痛苦的一生。——张奎

父亲手写的这张字条，我真不舍得烧掉它，我要把它当作传家训，去警示后人。

（完。原标题《伤心的麻雀》，原载《红豆》，汉文作者：韦俊海，壮文翻译：吴尚兰）

编辑：实习生石喜丹复审：黄慧华终审：蒙树起