Bohgeiq - 广西民族报网

Bohgeiq

来源：广西民族报网

作者：□ Lanz Siujgvangh raiz Vangz Gyanghmyauz hoiz

发布时间：2026-07-08

Gou hix bae diegrog doeg dayoz lo, bizyez le, faenboiq daengz aen siujyoz lajmbanj ndeu dang lauxsae. Haenx dwg aen mbanj iq beij aen mbanj dou engq sang、engq gyae ndeu. Gou caeuq Lanz Dung hix gig noix raennaj lo.

Sam

Laeng Lanz Dung hwnq ranz moq seiz, Lanz Dung gaenq ndaej ngeihcib lai bi lo. Cuk namh hwnq ranz youq lajmbanj mboujdan dwg gij saehhung ndaw ranz, hix dwg gij saehhung ndaw mbanj, ranzranz cungj daeuj okrengz bangcoh. Vunz lai、saeh cab、hong saeq, aeu miz boux miz gingniemh、ndaej hawj vunzlai fugcoengz ndeu daeuj guenj saeh. Laeng Lanz Dung hwnq ranz boux guenj saeh dwg bohgeiq Lanz Dung.

Cek bae ranz gaeuq, youq dieg gaeuq hwnq ranz moq, laeng Lanz Dung nauhnauh yiedyied cij caeuq laeng gou gek caz gocuk ndeu. Seizhaenx Lanz Dung gaenq daj Gvangjdungh dauqma, youq ndaw mbanj hai aen bouqlaeuj iq ndeu. Daxmeh de oemq laeuj youq gizgyae henzgyawj soqlaiz mizmingz, Lanz Dung hix hag rox monz dinfwngz neix. De gai laeuj, hix gai ndwqlaeuj, daxmeh gou ciengzseiz bae gaen de cawx ndwqlaeuj. Daxmeh naeuz, duzhanq gwn ndwqlaeuj le, okgyaeq doekbyoeggyoeg. Geij bi gonq, ranz gou loemq ranzvax gaeuq, hwnq doengh laeuz song caengz ndeu, youh youq henz ranz aeu cien humx aen gyanghongh ndeu. Gwnz dieg gyanghongh gumzgumz gamxgamx, bohmeh gou rap di naez ndeu dienz bingz, yawj geiqciet vanq ceh, gyanghongh couh baenz suenbyaek. Gaenlaeng, daxmeh youh youq gyanghongh ciengx geij duz gaeq caeuq geij duz hanq, cawzliux ndaej hawj dou gwn gyaeq gwn noh, lij ndaej gaeq ok gyaeq、gyaeq faeg gaeq, sengsanj mbouj dingz cienzswnj roengzbae, mboujcaengz goenq gvaq.

Cuk namh hwnq ranz hongsaeh fukcab、youh mbwq youh dwgrengz, vunzmbanj doq nyaengq gij hong ndaw fwngz, doq gangjgoj loenghriu, hawj gyoengqvunz riucoco. Doengh gij vahdaez neix cungj liz mbouj ndaej bohgeiq Lanz Dung. De geuh song fwngz dauq laeng、bak gamz ien, vaiqvit byaij daengz henzndang gyoengq mehmbwk cingq gyaux naez haenx, iet hoz raezrangh naeuz: “Laebdaeb gyaux, naed naezgiengh baenzneix hung, sou dwg cauj haeuxcaq ma?” De bonjlaiz couh hwetgungq, youh song fwngz geuh dauqlaeng, yienghceij engq geq youh dwgriu. Gyoengq mehmbwk hix mbouj hozndat, laebdaeb guh gij hong ndaw fwngz. Gyoengq bouxsai cingq cuk namh haenx dingz roengzdaeuj, naengh youq gwnz gyaqfaex, gangjriu naeuz: “Lauxdoengz, mwngz lij yaek aeuyah bw? Baez daengz mbanj dou couh caenx haeuj ndaw gyoengq mehmbwk gizhaenx bae.” Bohgeiq Lanz Dung fan da dauq, daj ndaw conghndaeng byoq song ngeu hoenz hau, mbouj leixlangh gyoengqde, byaij daengz laj gyaq faex, haenqrengz ngauz geij baez, naeuz: “Maenhmwd!” De youq gak giz byaij bae byaij dauq, aeu namh、nyoeg soiq、raenggenj、gya haeuj rin sa, mbouj miz yiengh hong lawz hawj de cuengqsim, gij yienghceij haenx, lumjnaeuz aen ranz cingq hwnq neix dwg aen ranz de.

Bohgeiq Lanz Dung ngah laeuj, hoeng youh gwn mbouj ndaej geijlai laeuj. Guenj saeh hwnq ranz duenh de, de baezbaez roengz bya daeuj, cungj daiq song diuz nohlab, dawz daeuj hawj daxmeh Lanz Dung cauj, gyanghaemh gyoengq vunzsai gwn laeuj haenx couh gvaqdaeuj buenx de gwn laeuj. Gwnz daiz laeuj, de cungj dwg ndaek gaemz ndaek gaemz ndoet, sing sang gangj swhgeij lij oiq seiz gij saeh mizyinx haenx, roxnaeuz gangj gij gojfangz gaeuqgeq Yauzcuz. De gwn mbouj ndaej laeuj, baezbaez gwn cungj fiz. Laeuj fiz le hix mbouj nyex saeh, mizseiz couh youq gwnz sahfaz aending bouqlaeuj Lanz Dung ninz gyaenfofo.

Miz vunzlai caez roengzrengz guh, bohgeiq Lanz Dung damz bae damz dauq, ranzvaxnaez yied ngoenz yied bienq hung、bienq sang, menhmenh miz gij yienghceij ranz moq. Mwh sing bauqrengh daj ndoengcuk baihhaenx yiengjbyanbyan, Lanz Dung caeuq daxmeh de hix cingqsik haeuj ranz moq youq lo. Gvaqlaeng mboengq gig nanz ndeu, mbouj raen bohgeiq Lanz Dung lo, mwh vunzmbanj cungj yaek lumz de, miz ngoenz ndeu, sing bauqrengh youh youq ndaw ndoeng yiengjbyanbyan, haenx dwg dah bawxmoq de daiq daeuj hawj Lanz Dung, miz bawxmoq, ranzvaxnaez bienqbaenz aen ranz raeujrub ndeu, mbouj nanz, ndaw ndoengcuk youh miz sing lwgnding daejnga’nga.

Seizneix, aen ranzvaxnaez laeng Lanz Dung gaenq bienqbaenz doengh laeuz sam caengz gyaeundei deu, diuz roen haeuj bya haenx hix daj diuz roen bya iqet bienqbaenz roensuijniz gvangqlangh, mboujgvaq bohgeiq Lanz Dung gaenq haujlai nanz mbouj daengz ndaw mbanj lo.(sat)

而我也到了外地去读大学，毕业后，分配到一个村小学当教师。那是一个比我们村的山更高、路更远的小村子。我和兰动也就很少能见面了。

三

兰动家建新房时，兰动已经二十来岁了。夯土建房在农村不但是一家人的大事，也是村里的大事，家家户户都要出力帮忙。人多、事杂、工细，需有经验、能服众的人来主事。兰动家的建房主事是兰动的寄父。

拆掉旧房，在原址上建起新房，兰动家的那番热闹只与我家隔着一丛竹子。那时候兰动已从广东回来了，在村里开了一个小酒坊。他母亲的酿酒技术在四乡八邻中向来有名，兰动也学会了这门手艺。他卖酒，也卖酒糟，我母亲常去和他买酒糟。母亲说，吃了酒糟的鹅，能噌噌噌地下好多蛋。前几年，我们家推倒旧瓦房，建起了一栋二层楼房，又在房子边用砖头围了个院子。院子地面坑坑洼洼，我父母挑来一些泥土填平，依着季节撒上种子，院子就成了菜园。随后，母亲又在院子里养了几只鸡和几只鹅，除了供我们吃蛋吃肉，还能鸡生蛋、蛋生鸡，生生不息地延续下来，未曾断过。

夯土建房工序繁杂、枯燥又费力，村里人一边忙着手头的活，一边插科打诨，引来阵阵笑声。这些话题总绕不开兰动寄父。他背着手、叼着烟，快步走到正在搅拌泥浆的妇女身边，伸长脖子说：“继续搅，泥浆颗粒那么大，你们这是要炒爆米花吗？”他本就有些驼背，又反背双手，更显苍老和滑稽。妇人们也不恼，继续忙着手上的活。正在夯土的男人们停了下来，坐到木架子上，打趣道：“老庚（方言，兄弟的意思），你还想娶老婆呀？一到我们村就往女人堆里挤。”兰动寄父翻个白眼，从鼻孔里蹿出两股白烟，不搭理他们，走到木架子下，使劲摇几下，说：“结实！”他在各处游走，取土、破碎、筛选、加入沙石，没有一个工序让他放心的，那模样，仿佛这正在建的房子是他家的房子。

兰动寄父爱喝酒，却又不胜酒力。主事建房的那段时间，他每次下山都带一两挂腊肉，拿给兰动母亲炒，晚上村里会喝酒的男人就过来陪他喝酒。酒桌上，他总是大口喝酒，高声说自己年轻时的趣事，或是讲一些瑶族古老的神话。他酒量差，逢喝必醉。醉酒也不闹事，有时就躺在兰动小酒坊堂屋的沙发上呼呼大睡。

在众人的努力下，在兰动寄父的唠叨声中，泥瓦房一天天变大、变高，慢慢有了新房的模样。当鞭炮声从竹林那边响起时，兰动和他母亲也正式住上了新房子。之后很长一段时间，兰动的寄父都不再出现，当村里人都快要忘记他时，有一天，鞭炮声再次在竹林间响起，他的身影又出现在大家的视野中，身后还跟着一个年轻的瑶族女子，那是他给兰动带来的新娘。有了新娘，泥瓦房变成了一个温馨的家，不久后，竹林里响起了清亮的婴儿啼哭声。

如今，兰动家的泥瓦房已经变成一栋漂亮的三层楼房，进出山间的路也从小山道变成了宽敞的水泥路，只是兰动的寄父已经很久没到村里来了。

（完。原载《广西文学》，原标题《寄父》，作者：兰小框，壮文翻译：王江苗）

编辑：实习生冯慧琴复审：黄慧华终审：蒙树起