Boux Baengh Mingzcoh Gwnhaeux - 广西民族报网

Boux Baengh Mingzcoh Gwnhaeux

来源：广西民族报网

作者：□ Fanz Yizbingz sij Vangz Ciuhnaz hoiz

发布时间：2026-07-08

Lwgnding maj daengz seiq haj ndwen, bouxsai cunghnenz daeuj cungj mbouj daeuj lo, caiq hix mbouj raen mangx ndang bizbod caeuq yamqdin suklau、faj naj dangj ndei de. De mboujcix dwg ok saeh lo, mboujcix dwg mbouj aeu song mehlwg Fan Cuicui, raen Fan Cuicui ngoenznaengz ndatheiq caeuq simnyap couh roxndeq lo. Beizheiq de yied daeuj yied mbouj ndei, doengh mbouj doengh couh hozndat、fad doxgaiq, sien swz le mehnangzndwen, youh vuenh le mehdawzranz. Boux mehdawzranz moq ngamq guh mbouj daengz cib ngoenz, gaenq deng Fan Cuicui ndaq le haj baez, ndaej mbouj ndaej nyaenx dungx guh roengzbae couh mbouj rox lo. De ciengzseiz daejsebseb, mboujcix dwg ninz mbouj ndaek, aenvih ngoenzlawz raen de, lwgda cungj youh nding youh foeg, mboujcix dwg gvaengzda ndaem. Gij saeh hagdangz, de hix mbouj gaenx bae guh lo, miz saeh couh cingj vunz ma ranz, roxnaeuz dwk dienhvah cawqleix.

Hoeng de doiq Bauh Bingzanh lij haemq ndei, siujsim gangjvah caeuq guhsaeh, mbouj ndatheiq. De cingqciengz fat cienzhong hawj Bauh Bingzanh, lij dajciengj hawj di dem, aenvih hongsaeh ndaw ranz, daihdaej cungj dwg Bauh Bingzanh guh liux. De dwg bouxguenjgya dahraix.

Lwgnding ndaej roek ndwen le, miz haemh ndeu, Fan Cuicui aeu daeglwg hawj mehdawzranz louz roengzdaeuj haenx le, heuh Bauh Bingzanh hwnj laeuz bae. Youq ndaw rug haeu cij、haeu raemxyanghsuij、haeu ien caeuq haeu laeuj haenx, de simsoh youh sim’unq, laeng Bauh Bingzanh daez le aen cingjgouz siengj gyae naemj ndei ndeu ——

Cingj Bauh Bingzanh guh daxboh mingzdaeuz lwgnyez.

Gij leixyouz Fan Cuicui dwg: Lwgnyez yaek hwnj hugouj, aen riengh daxboh aeu miz mingzcoh daxboh. Hoeng lwgnyez seizneix mbouj miz daxboh, boux daxboh miz goetyiet de mbouj aeu lwgnyez lo, couh dangq de dai lo. Swnh lwgnyez lij iq mbouj roxsaeh, de siengj vaiqdangq ra daxboh hawj de. Vihmaz Bauh Bingzanh dwg boux habngamj ne? Daih’it dwg mingzcoh de heuhguh Bauh Bingzanh, hamzeiq couh mbouj gangj lo. Daihngeih dwg de lauxsaed simndei, saeqsim gaenxguh, mbouj lau dwgrengz, yawj de bineix guhsaeh couh yawj ndaej ok. Lij miz de Bauh Bingzanh ndangmaengh, najda ndeiswnh, laeng lwgnyez doxlumj, lwgnyez majhung le goj yawj mbouj ok lai. Gyonj daeuj gangj, daxboh lwgnyez itdingh aeu dwg de Bauh Bingzanh dang. Cijaeu de ngaekgyaeuj, mboujlwnh daezok gijmaz diuzgen, de Fan Cuicui cungj dapwngq.

Bauh Bingzanh dingq le, youh doeksaet youh mwnhsaengx, lumj duz vaizdaeg baeznduj youq dangqnaj duz vaizmeh fatmiuz nei simvueng mbouj rox baenzlawz guh. Lwgmbauq caengz ndaej ngeihcib seiq bi daj Mbanjsanglingj daeuj neix, lienz fajbak mehmbwk cungj caengz cup gvaq, cix gig geizheih yaek dang “daxboh”, caiqlij cijaeu de nyienh dang boux “daxboh” neix, de daez maz diuzgen caeuq iugouz cungj ndaej. Neix gig yaeuh vunz dahraix, byawz mbouj miz yienghsaeh caeuq siengjmuengh baenzhwnz cungj siengj aeu cix mbouj miz banhfap guhbaenz ne? De Bauh Bingzanh couh miz haujlai, lumjbaenz de siengj rom bit cienz ndeu, ngeihcib fanh couh daengz lo, dauqbae Mbanjsanglingj, lid aenranz gaeuq le, hwnq aen ranzlaeuz sam caengz ndeu, hawj daxboh bae ndawde youq, daejniemh baez bungzdaengz byajloeg byajraez、rumz boq fwn doek, mbouj yungh souhging souhlau dwg baenzlawz yiengh. Youh lumjbaenz de itcig siengj bungzdaengz boux mehmbwk gig baenzsau ndeu, caez gvaq haemh, hawj de baenz bouxsai dahraix youh roxsaeh roxnaeuz mbouj caiq deng vunz riu ndeu. Cungj mehmbwk neix doenghbaez youq gizgyae, seizneix youq dangqnaj. De seizneix liz de gig gyawj, iet fwngz couh lumh daengz, caiqlij seizbienh aeundaej. De cijaeu aj bak, vanzlij mbouj yungh aj bak, cijaeu de iet fwngz, yaengyaeng got de haeuj ndaw rungj le, gyau swhgeij hawj de, youzcaih de ceibaij caeuq diuzgyauq couh baenz. Danghnaeuz de saedcaih damj iq mbouj gamj iet fwngz, mehmbwk hix gag rox depgyawj.

De caendwg gag nod daeuj henzgyawj Bauh Bingzanh lo, hamj youq gwnz ga de, song fwngz got hoz de, mbwnj bak, boq heiq coh naj de, boq heiq coh conghrwz de, lumj beiz rumz goed feiz nei. De baenzneix yiedcingz caeuq nyexloengh, naeuz Bauh Bingzanh mbouj roxnyinh cwxcaih cix mbouj miz vunz saenq, de dingj ndaej mbouj doengh couh dwg gij saeh noix raen.

Caen ok saeh noix raen dahraix. Youq mwh Fan Cuicui yaek cup daengz conghbak de, de haenqrengz ndeng Fan Cuicui deuz, conghbak caengz deng cup daengz de gangj naeuz: Mboujndaej!

Fan Cuicui deng ndeng deuz, ringx daengz baihhenz, ngawzngwdngwd.

Ngamq raen de yut fag yaekseiz ci gyang hwet okdaeuj, yaengyaeng cuengq youq baihnaj de, mbouj gangj coenz lawz couh deuz lo. Fag yaekseiz mbouj miz vunz yawj de gag baij youq gizhaenx, lumj ndaek gim deng vunz vut nei.

Bauh Bingzanh youh dauq daengz aen bouq coihci doekgonq dajgoeng gvaq haenx dajgoeng lo. Boux lauxbanj youh dang lauxbanj Bauh Bingzanh de, yawj Bauh Bingzanh umj aen loekci miz song bak gaen haenx hwnjhwnj roengzroengz, lumj boux dicuj iq yawj boux guh hongbi dan siengj miz haeux gwn youh gaenx guhhong haenx, gawq habhoz youh hojsik. De yienh bingz raemxmboqgvangq ndeu hawj Bauh Bingzanh, naeuz:

“Mwngz mingzmingz ndaej baengh mingzcoh gwnhaeux.”

Bauh Bingzanh ndoet liux bingz raemx le, naeuz:

“Gou lij ndaej yienghneix guh. Hoeng……Aeu gou nyienh guh cijndaej.”

(6 sat)

孩子长到四五个月，中年男人来都不来了，再也没有见他肥胖的身躯和畏缩的脚步、蒙蔽的脸。他要么是出事了，要么是放弃了范翠翠母子俩，从范翠翠日常的悲愤和焦躁可以看出端倪。她性情越来越不好，动辄发脾气、摔东西，先把月嫂辞了，再把保姆换了。新来的保姆才干不到十天，已被范翠翠训斥了五次，能不能忍得下去是未知数。她时常哭泣，要么是失眠，因为每天见到她，眼睛都是红肿的，要么是黑眼圈。学校那边的事情，她也不积极打理了，有事就请人到家里来，或直接电话处理。

而她对包平安的态度还是好的，谨言慎行，不愠不怒。她正常给包平安发工资，额外还给些奖励，因为家里内务所有的事情，基本上都由包平安来干了。他是名副其实的管家。

孩子六个月后的一天晚上，范翠翠把孩子交给了坚持留下来的保姆，把包平安带上楼。在混杂着乳臭味、香水味、烟味和酒味的房间里，她襟怀坦白、柔肠百转，向包平安提出了一个深思熟虑的请求——

请包平安做孩子名义上的父亲。

范翠翠请求的理由是：孩子要上户口，父亲那一栏需要有父亲的姓名。而孩子现在没有父亲，生理和血缘的父亲把孩子抛弃了，就当他死了。趁着孩子年幼无知，她想及时给他找个父亲。为什么包平安是合适或理想的人选呢？首先因为他的姓名叫包平安，寓意就不说了。其次是他包平安这个人忠厚善良，细心勤勉，任劳任怨，近一年的表现和考察均证明了这一点。还有就是他包平安体格健壮，相貌清奇，跟孩子相似，孩子长大了不至于节外生枝。总之孩子的父亲非他包平安莫属。只要他包平安同意，无论提出什么条件，她范翠翠全部答应。

包平安听后，惊愣和呆傻，像一头初次在发情的母牛面前惊慌失措的小公牛。这个来自上岭村的未满二十四岁的童男子，连女人的嘴都没亲过，却莫名其妙地要当“父亲”，而且只要他愿意当这个“父亲”，他的任何条件和要求都可以满足。这真是太诱人了，谁没有梦寐以求而无法实现的目标和欲望呢？他包平安就有很多，比如他想攒一笔钱，二十万就够了，拿回上岭村，把旧房子拆了，建起一栋三层的楼，让父亲住进去，体验一下每当电闪雷鸣、风雨交加的时候不用担惊受怕是什么感觉。又比如他包平安一直想遇上一个风情万种的漂亮女人，共度良宵，让他成为一个真正的、成熟的或不再被人耻笑的男人。这样的女人过去远在天边，如今近在眼前。她此刻与他靠得特别近，触手可及，甚至唾手可得。他只要张口，甚至不用张口，只要他伸出手去，轻轻地把她揽入怀里，然后把自己交给她，任由她摆布和调教就行。如果他实在胆怯伸不出这个手，她也会主动。

她果然是主动投怀送抱了，把身体挪移过来，骑到了他的腿上，双手搂着他的脖子，嘴唇一嘟，朝他的脸吹气，朝他的耳朵眼吹气，像扇风拱火一样。她如此的热情和撩拨，说他没感觉到舒爽没人相信，他把持得住那就是奇迹。

真的出现了奇迹。就在她把嘴快要亲上他的嘴的刹那，他猛力地推开了她，没被亲上的嘴里吐出一个字：不！

被推开的她滚到一边，彻底地蒙圈了。

只见他把别在腰间的车钥匙拔出来，轻轻地往她前面一放，一声不吭地离开了。那把无人理会的车钥匙静静地摆放在那里，像一坨遗弃的金子。

包平安回到曾经打工的汽车修理店，再度打工。重新当上包平安老板的老板，看着把二百斤的含轮毂的轮胎抱上抱下的包平安，像小地主看着一个只图有饭吃而又卖力干活的长工，既满意又惋惜。他亲手递给包平安一瓶矿泉水，说：

“你明明可以靠名字吃饭的。”

包平安咕嘟咕嘟喝完了一瓶水，说：

“我还会的。只是……我得愿意。”

（完原载《山花》2023年第4期汉文作者：凡一平；壮文翻译：王秋娜）

编辑：实习生冯慧琴复审：黄慧华终审：蒙树起