来源：广西民族报网
发布时间：2026-07-08
Ngoenz daihngeih, Bauh Bingzanh caeuxcaeux couh youq laj laeuz caj, gouj diemj le lij mbouj raen Fan Cuicui roengzdaeuj. De fat dinjsaenq hawj de, hix mbouj raen hoiz, youh dwk dienhvah hawj de, soujgih gven gei lo. De miz di simvueng, cung hwnj laeuz bae. Gwnz laeuz miz song aen rug, aen dou lawz de cungj roq le song mbat. Miz aen rug ndeu lumj miz vunz youq ndawde, de niuj aen gaenzdou haenx, baez nyoengx, couh hai lo.
Fan Cuicui gutgungq youq gwnz mbonq, doq doengh doq gongz, yawj daeuj lumj miz gizlawz in nei. Bauh Bingzanh mbouj gangj coenz lawz yamq hung byaij baenaj, daeuj daengz henz mbonq, fwngz ndeu lumh baihlaeng Fan Cuicui, fwngz ndeu bumh najbyak de. De raen najbyak Fan Cuicui mbouj ndat, dauq ngaih hanh dumz. De siengj aeu sujbaqswiz uet hanh hawj de, youh raen sujbaqswiz goj mbaeq lo. Menhcij de bae ndaw funghdajswiq, aeu gienj sa ndeu daeuj. De doq uet hanh hawj de doq lumh baihlaeng de, unqswnh youh gvansim de. Gvaq le yaep he, de mbouj gongz geijlai lo. Bauh Bingzanh bang de fanndang, hawj de ninz nyeng. De cungjsuenq mbouj gongz lo.
Bauh Bingzanh naeuz: “Ndangdaej mbouj cwxcaih, mwngz dwk dienhvah hawj gou ya.”
De naeuz: “Gou siengj dwk dienhvah hawj mwngz, aeu cenj raemx ndeu gwn, soujgih mbouj miz dienh lo, haemhlwenz lumz cung dienh lo.”
“Yienghneix raeuz seizneix bae yihyen ba.”
“Mbouj yungh.”
“Mwngz in ndaej baenzneix, lij dwg bae yihyen yawjyawj ba.”
“Gou yawj gvaq saw, itbuen mizndang daengz mboengqgyang caeuq mboengqlaeng, couh miz yiengh rongzlwg gyaj suk, rox dungx in、dungx yaek doek daengj, dwg yiengh swnghlij fanjying cingqciengz, mbouj yungh bae yw. Seizneix ndei lo.”
“Gou bae aeu raemx hawj mwngz.”
“Seizneix mbouj hozhawq lo,” de naeuz, daj ndaw mbonq lumh soujgih okdaeuj, yienh hawj Bauh Bingzanh, “dawz bae cung dienh.”
Youq mwh cung dienh hawj soujgih, de dingqnyi Fan Cuicui naeuz: “Mwngz bae laj laeuz caj, gou rieg buh ndei couh roengzbae.”
De doeksaet dwk yawj de, naeuz: “Lij bae haihoih ha? Mbouj bae lo, baenz lwi?”
“Mwngz guenj mbouj daengz.” De saepsangsang naeuz.
Gyaq ci Baujsizcez Balahmeizlah lumj doenghbaez nei, dap Fan Cuicui okdou. De lumjgaeuq naengh youq aennaengh baihlaeng, baeznaengz de mbouj dwg yawj soujgih couh dwg dwk dienhvah, hoeng ngoenzneix gijmaz cungj mbouj guh. De baez hwnj ci couh laepda ninz, hoeng ngamq ndaej yaep ndeu, couh gongz lo. Bauh Bingzanh yawj mbawgingq yawj dauqlaeng, raen naj de bienq yiengh caeuq aen ndang gutgungq. De sikhaek gietdingh, nyeux gyaeuj bienq roen, hai coh aen yihyen ceiq gyawj.
Fan Cuicui deng Bauh Bingzanh aphangz soengq haeuj yihyen, genjcaz gvaq le, duenhdingh dwg rongzlwg suk, dwg aen ciudaeuz sengcaeux, aeu bauj lwgrug bae yw. Canghyw naeuz Fan Cuicui, caiq daeuj nguh ngoenz ndeu, vanzlij buenq ngoenz, couh yaek sengcaeux lo.
Fan Cuicui bonjlaiz lij ndaq Bauh Bingzanh doeng yiep sae lau, dingq canghyw gangj le, couh bienq naj lo. Yw ndei gvaqlaeng, miz ngoenz ndeu, de lumh aen dungx ndei lumj gaeuq, yawj Bauh Bingzanh, boux vunz ngoenzngoenz haeujsim ciuqyawj de neix, naeuz:
“Mwngz daeuj lumhlumh.”
Bauh Bingzanh mwnhsaengx, ngauzngauz gyaeuj.
“Lumh ha.”
“Mbouj lumh.”
“Lumh ma.” De naeuz, miz di cingjgouz de, hix miz di guh’unj.
“Mbouj wnggai dwg gou lumh.” De naeuz, eiqsei couh dwg, de mbouj miz swhgwz caeuq gienzleih lumh aen dungx de, daxboh lwgnyez cij miz.
De mbouj huk, roxyiuj de gangj gijmaz, dauqfanj cang huk naeuz: “Lumh le gou hawj mwngz hoengzbau, lumj daez ci nei.”
Fajnaj Bauh Bingzanh sawqmwh bienq ndaej heumong, lumjnaeuz ngaiz hangz roxnaeuz vut najda, naeuz: “Hawj hoengzbau gou hix mbouj lumh. Mbouj hab lumh de couh mbouj ndaej lumh.”
Fan Cuicui raen de mbouj angq, youh bienq le coenzvah naeuz: “Couh wnggai mwngz lumh, mwngz heuhguh Bauh Bingzanh, mwngz lumh le, lwgnyez couh ndaej bingzbingz an’an seng okdaeuj, daengzcog lij yaek bingzbingz an’an majhung.”
De simdoengh lo, roxnaeuz saenq lo.
De iet fwngz bae lumh aen dungx Fan Cuicui, yaengyaeng youh unqswnh, feuzfed youh miz hamzeiq laeg.
Mizndang ndaej cib ndwen, Fan Cuicui ndaej swnhleih seng lwg, song mehlwg cungj bingzan. Daeglwg ngamq seng de youh biz youh hau, miz bet gaen seiq cangz. Daeglwg lumj duzmui nei, deng insik、cungh’gyaez, deng mehnangzndwen ndaej cienzhong seiq fanh de saeqsim ciuqyawj, gwn ndaej imq raemxcij daxmeh. Ok yihyen gonqlaeng, gij vunz daeuj yawj song mehlwg de boux dem boux, va caeuq mak rimrang, hoengzbau baenz boengj.
Bauh Bingzanh yawjraen, miz daeglwg ndaej sam ndwen lai, miz boux vunzsai cungnienz ndeu laeglemx daeuj yawj gvaq song baez roxnaeuz sam baez. Naeuz de laeglemx, dwg aenvih de cungj dwg ndoj vunzrog roxnaeuz youq mwh bouxwnq baedauq, swnh hoengq haeujdaeuj. Gig mingzyienj, Bauh Bingzanh seizneix gaenq mbouj dwg vunzrog roxnaeuz bouxwnq, hix mbouj miz banhfap dangq de dwg vunzrog, de cij ndaej yawjraen. Bouxsai cungnienz youh sang youh biz, lumj vunz Baihbaek. De dawz gingqndaem caeuq goujcau, ceiqnoix youq mwh haeuj aen laeuzbezsu le caengz hwnj laeuz de lij dawz, mwh roengz laeuz caeuq okbae hix dawz, gig mingzyienj dwg mbouj siengj hawj Bauh Bingzanh caeuq mehnangzndwen、mehdawzranz raen. Yawj mbouj raen naj, hix couh mbouj rox dwg bouxlawz. De hwnj laeuz le, caeuq Fan Cuicui ndij daeglwg caemh youq cungj mbouj nanz, cungj dwg vuengvueng vatvat. Boux vunzsai cungnienz neix wnggai couh dwg bohseng lwgnding, hoeng vihmaz mbouj ndaej simlangh cingqbaiq cix aeu laeglemx guh saeh? Bauh Bingzanh caiq huk、caiq mbouj roxsaeh, hix amq ndaej saekdi.(5)
第二天，包平安早早在楼下等着，九点还不见范翠翠下来。他给她手机发短信，不见回，然后打手机，关机。他感觉到了不妙，冲上楼去。楼上有两间房，他每个门都敲了两下。其中一个门似乎传出动静，他拧动有动静房间的门把，一推，开了。
范翠翠躬身在床上，一边扭动一边呻吟，看上去是疼痛的表现。包平安不由分说箭步上前，来到床边，一手抚摸范翠翠的背，一手探她的额头。他发觉范翠翠的额头没有发烫，却全是汗。他想用枕巾给她擦汗，发现枕巾也是湿的。然后他去了卫生间，拿来了一卷纸。他一边给她擦汗一边摸她的背，温柔而体贴。渐渐地，她的呻吟减弱了。包平安帮助她翻身，斜躺过来。她终于平复、安静下来。
包平安说：“身体不舒服，你给我打电话呀。”
她说：“我想给你打电话的，要杯水喝，手机没电了，昨晚忘了充电。”
“那我们现在去医院吧。”
“不用。”
“你疼得这么厉害，还是去医院看看吧。”
“我看了书，一般怀孕中后期会出现假性宫缩,产生腹部疼痛、腹部下坠感等症状,是正常的生理反应，不必治疗。现在好了。”
“我去给你要水。”
“现在不渴了，”她说，从床上摸过手机，递给他，“拿去充电。”
在给手机充电的时候，他听到她说：“你去楼下等着，我换好衣服就来。”
他惊诧地望着她，说：“还开会呀？不去了好吗？”
“你管不着。”她说，冷冰冰地。
保时捷帕拉梅拉一如既往载着范翠翠出发。她依旧坐在后座，按照往常她应该在看手机或打电话，但今天没有。她一上车就眯眼睡觉，但不一会，就开始呻吟了。包平安通过后视镜看到了她变形的脸和扭曲的身体。他当机立断，将车变向改道，驶往最近的医院。
被包平安强行送入院的范翠翠，经过检查，诊断为宫缩，是先兆早产，需要保胎治疗。医生对范翠翠说，再晚来一天，甚至半天，早产无疑。
本来还责备包平安大惊小怪的范翠翠，听了医生的话后，态度转变了。治愈后的一天，她摸着恢复正常的肚子，看着连日悉心照料她的包平安，说：
“来，摸一摸。”
包平安愣怔，摇摇头。
“摸呀。”
“不摸。”
“摸嘛。”她说，恳求的口吻，也有些发嗲。
“不该我摸。”他说，言外之意，他没摸肚子的资格和权利，孩子的父亲才有。
她不笨，听出了他的言外之意，却装笨说：“摸了我给你红包，像提车一样。”
他脸色突然变得铁青，像是受了羞辱，或伤了自尊，说：“给红包我也不摸。不该摸的不能摸。”
她发觉他不高兴，换了个说法或路数说：“就该你摸，你叫包平安，你摸了，孩子就平平安安地出生，将来还会平平安安地成长。”
他心动了，或者说信了。
他伸手去摸了摸她的肚子，轻轻地，温柔地，肤浅而含有深意。
怀胎十月，范翠翠顺利地生产，母子平安。出生的儿子白白胖胖，净重八斤四两。孩子像熊猫一样备受珍视、宠爱，被四万月薪的月嫂精心照料，吸吮母亲充足的乳汁。出院前后，前来探望母子的人络绎不绝，花果遍地，红包成堆。
包平安发现，孩子出生后，三个多月时，曾经有一个中年男人偷偷来访，两次或三次。说是偷偷，是因为他总是避开外人或别人走动的时间，趁虚而入。显然包平安现今已不是外人或别人，也没法把他当外人，他才得以瞅见。中年男人高大肥胖，像个北方大汉。他戴墨镜和口罩，至少进入别墅后上楼前仍戴着，下楼和离开别墅时也是，显然是防着包平安和月嫂、保姆。看不见脸，也就不知道是谁。他上楼后，与范翠翠和孩子待的时间都不长，总是来去匆匆。这中年男人应该就是孩子的生父，却为什么不能明目张胆而要偷偷摸摸？包平安再笨、涉世再浅，也能猜出一二。
编辑：实习生 冯慧琴 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com