Boux Baengh Mingzcoh Gwnhaeux - 广西民族报网

Boux Baengh Mingzcoh Gwnhaeux

来源：广西民族报网

作者：□ Fanz Yizbingz sij Vangz Ciuhnaz hoiz

发布时间：2026-07-08

De lumj daegdaengq caj saenqsik nei, sikhaek hoiznaeuz: Daeuj ranz gou ba. Funggingjvanh Bezsu cib doengh.

De youh fat le diegyouq gvaqdaeuj.

Bauh Bingzanh gwih dendungceh de daeuj daengz Funggingjvanh Bezsu cib doengh. Ranzbezsu gyaqciq youh ndeiyawj, lumj bya gim bya ngaenz nei. De nyaenj aen lingzdou le, dou couh gag hai. De byaij haeujbae, byaij gvaq suenva, raen douranz hailanglang, de couh cigsoh haeujbae, daeuj daengz gyangdangq. Gyangdangq gvangqlangh youh ronghsag. De gag ndwn youq gyangdangq, dava simluenh, lumj gofaex ndaw bya senj daengz ndaw hawsingz lwenqsepsep ndeu, gig mbouj ndeiyouq. Mwh de myabmyox, boux mbwkoiq daenj buhninz ndeu daj gwnz laeuz roengzdaeuj, enj aen dungx de. Bauh Bingzanh cimyawj de, caenhguenj de dungx hung, de lij yawj ndaej ok de dwg Fan Cuicui, boux mehmbwk cib ndwen mbouj ndaej raen he.

Fan Cuicui doq byaij doq riunyumnyum, daeuj daengz dangqnaj de. De daj gyaeuj cim daengz din, mwh yawj daengz din de, sawqmwh najhawq, mbouj riu lo. Yienzlaiz dwg de mbouj lawh haiz couh haeujdaeuj, gouh haiz de daenj haenx lij hinj dangqmaz, youzyubyub. De raen Fan Cuicui najhawq couh roxndeq bonjfaenh mbouj roxsoq, gipmuengz duet haiz le, riuj gouh haiz, din ding byaij coh bakdou, vut gouh haiz bae rog. Cienqndang dauqma, yawjraen Fan Cuicui youq ndaw gvihhaiz ra haiz. De ra ok gouh haizrebfaiq ndeu, yienh hawj Bauh Bingzanh. Bauh Bingzanh deq haiz gvaqdaeuj, cix mbouj daenj, lumjlawz lau loengh haiz haeu. Fan Cuicui heuh de daenj geij baez le, de cij daenj. De youh daiq de bae hogcaz ndaw gyangdangq, cingj de naengh ndei le, hainduj cawj caz, ndingq caz. Doengh yienghsaeh neix, hawj de roxnyinh sim haemq raeuj.

Gwn cenj caz ndeu le, Fan Cuicui naeuzsoh vihmaz cingj de daeuj. Yienzaen dwg de mizndang 6 ndwen lo, guh maz cungj mbouj fuengbienh, daegbied dwg hai ci. Ndigah, siengj cingj Bauh Bingzanh bang de hai ci. Cienzhong ndwen ndeu fanh ndeu, bau gwn bau ninz.

Ngeix daengz baezgonq de hawj cienz lai, youh yawjraen de seizneix mbouj soengyungz, Bauh Bingzanh mbouj miz leixyouz mbouj ngaekgyaeuj. Gou bae swz faenh hong bouqcoihci gonq, de naeuz.

Swz hong le, de beuj daengz Funggingjvanh Bezsu cib doengh, guh bouxswhgih Fan Cuicui. Gyaq ci Baujsizcez Balahmeizlah youh youz de hai lo. Miz ci ndei sau lengj buenx henzndang, gwn imq daenj raeuj, seizneix, youq ndaw Mbanjsanglingj miz bouxlawz miz fukheiq ndaej gvaq cungj ndwenngoenz neix? De nyinhnaeuz cawz le de, mbouj miz bouxwnq lo.

Fan Cuicui hai le aen hagdangz seilaeb ndeu, dwg boux dungjswcangj aen dungjswvei hagdangz. Faenh hong Bauh Bingzanh couh dwg soengq de deq de, lumj hwnjban、 roengzban、haihoih、canggyaeu caeuq wngqcaeuz. Boux mehmbwk baenzndei youh saulengj neix, cungj dwg mbouj daengz yaep he, itbuen gyanghaet gouj diemj okbae, gyanghaemh gvaq cib diemj le cij dauq daengz aen ranzbezsu. De lij miz seiq ndwen couh yaek guh daxmeh lo, lij guenj neix guenj haenx、guh neix guh haenx. Lauheiq dwg aenvih lij miz seiq ndwen couh guh daxmeh lo, de cij guh mbouj daengx saekdi, lumjnaeuz yaek youq seizneix guh liux gij saeh daengx ndang gvaqlaeng. Bauh Bingzanh nyinhnaeuz, de dwg gaenx guh dahraix.

Bauh Bingzanh lij roxndeq yiengh ndeu, couh dwg Fan Cuicui mbouj miz bouxgvan, roxnaeuz gangj mbouj miz bouxgvan fapdingh. Ndaw ranzbezsu mbouj baij mbaw siengq gezvwnh, goj mbouj miz mbaw siengq daenj vwnhsah, gvaqbae ndwen ndeu le, mbouj suenq bonjfaenh hix mbouj raen bouxsai lawz haeuj ndaw ranzbezsu youq, couh suenq bouxgvan okcai goj daengzseiz dauqma lo. Hoeng de okbae raen vunz, hix mbouj miz bouxlawz lumj bouxgvan de, bouxgvan de baenzlawz sij ndaej hawj mehyah de buet gwnz buet laj、gag dingj saeh ne? Hoeng de haengjdingh miz bouxsai laeng de doxndei, mboujne de baenzlawz mizndang ne? Ndaw ranzbezsu miz saekdi doxgaiq dwg hawj bouxsai yungh, haizreb laux, buenq lai gang laeujyw aeu vizloeg、gaekgez、goujgij daengj doxgyaux bop youq gangbohliz. Doengh gij neix cungj dwg gij baengzgawq ndaej hawj Fan Cuicui mizndang. Neix dwg Bauh Bingzanh gag yawjraen caeuq duenhdingh, Fan Cuicui mbouj gangj, de dangyienz goj mbouj bae cam、mbouj gamj cam. Faenh hong de dwg ancienz hai ci hawj de, hawj gyaq ci seizseiz cungj seuqsat.

Bauh Bingzanh haengj hai ci bae aen bouqcoihci de doekgonq dajgoeng haenx swiq ci, bonjlaiz dwg vihliux hawj aen bouqcoihci canh cienz, siengj gyo’mbaiq bouxcawj doekgonq. Hoeng baema geij baez, bienqbaenz le baijbangh. Gyaq ci de hai haenx bengz lai lo, lij dwg yienzcang cingouj, caiqlix de mbouj hawj bouxwnq swiq ci, de gag swiq, cienz goj hawj, neix couh hawj gyoengq doengzsaeh caeuq boux lauxbanj lingh da doxyawj lo. Lij miz gij daenj de hix caeuq doenghbaez mbouj doxdoengz lo, daenj buhsihcangh boiq haiznaeng, dawz soujbyauj gimmyanmyan (cungj dwg Fan Cuicui cawx hawj caeuq soengq hawj), lumj lwgvunzfouq nei. Mboujlwnh de baenzlawz giemhaw caeuq mbouj baijbangh, gyoengq doengzsaeh caeuq boux lauxbanj doekgonq cungj mbouj caiq dang de dwg vunz swhgeij lo.

De gietdingh cingj gyoengq doengzsaeh caeuq boux lauxbanj doekgonq gwn donq haeux ndeu. Lingx ndaej gij cienzhong ndwen nduj le, miz ngoenz ndeu, Fan Cuicui cungjsuenq yietnaiq lo, de laeng Fan Cuicui naeuz de siengj cingj gyoengq doengzsaeh caeuq boux lauxbanj doekgonq gwnhaeux. Fan Cuicui dingq le ngaekgyaeuj, daengq de bae funghlajnamh riuj gienh laeujmauzdaiz ndeu, hai ci bae, hoeng dauqma itdingh aeu geiq ndaej ra vunz bang hai.

Donq haeux haenx miz roek boux vunz gwn. Gienh laeujmauzdaiz ndeu miz roek bingz, boux ndeu bingz ndeu. Roek boux vunz cungj roxndeq laeujmauzdaiz dwg laeuj ndei, hoeng cijmiz lauxbanj bouqcoihci gwn gvaq baez ndeu. Lauxbanj gwn le gij laeujmauzdaiz Bauh Bingzanh daiq daeuj de, roxnyinh feihdauh gig mbouj doxdoengz, lekhemq naeuz laeujmauzdaiz caen couhdwg laeujmauzdaiz caen. Miz boux vunzhong ndeu couh cam de, eiqsei dwg baezgonq mwngz gwn de dwg laeujmauzdaiz gyaj ha? Lauxbanj riunyumnyum mbouj gangj. Boux vunzhong wnq naeuz, mbangjseiz baezneix gwn de cij dwg laeujgyaj ne?

(3)

她像是在等，秒回：来我这吧。凤景湾墅十栋。

她紧接着把定位发了过来。

他骑着他的电驴，来到凤景湾墅十栋。别墅豪华、精妙，像金山银山。他摁了门铃后，门自动地打开。他走进去，经过花园，房子的门是开的，他直接进去，来到厅堂里。厅堂宽敞，金碧辉煌。他独自站在厅堂里，眼花缭乱，像一棵山里的树木移到了灯红酒绿的城市，很不适应。迷离中，一个少妇穿着睡袍从楼上下来，腆着肚子。他定睛一看，尽管她大肚子，他还是认出她是十个月不见的范翠翠。

范翠翠一边走一边露着笑脸，来到他的跟前。她从上往下看他，看到他脚的时候，脸忽然一紧，笑容没有了。原来他进来的时候没有换鞋，他穿着的鞋还特别脏，满是油渍。他从她的神态发觉自己的冒失，急忙把鞋脱了，然后拎鞋，光脚走动，把鞋扔在了门外边。回身的时候，看见范翠翠在鞋柜里找鞋。她找出一双棉拖鞋，递给他。他接过鞋，却没有穿，像生怕把鞋弄臭了。范翠翠一再要求他穿，他这才把鞋穿上。她接着引领他去往厅堂的茶室，请他坐下，开始煮茶，斟茶。一系列的细节和动作，让他觉得很暖。

喝了一杯茶后，她直截了当说明请他来的用意。意思是她怀孕六个月了，行动已经不便，尤其是开车。因此，想请他做她的司机。工资一个月一万，包吃包住。

想想她之前的馈赠，看看她眼前的窘迫，他没有理由拒绝她的请求。我去把汽修厂的工作辞了，他说。

辞工后，他搬到了凤景湾墅十栋，当了范翠翠的司机。保时捷帕拉梅拉再次掌握在他手中。香车美女不离左右，吃穿不愁，当今上岭村人还有谁能享受这等福运？他认为除了他，没别人了。

范翠翠拥有一所私立学校，是学校董事会的董事长。包平安的任务便是接送她上下班、开会、美容和应酬。这个富贵和美丽的女人，总是马不停蹄，一般上午九点出发，到晚上十点之后才回到别墅。她还有四个月就要做母亲了，还在不停地操心和操劳。或许正因为还有四个月就做母亲了，她才会没完没了地做事情，仿佛要把当母亲后的事情提前做完。包平安发现，她真是够勤奋的。

包平安还有个发现，就是范翠翠没有丈夫，或者说没有法定的丈夫。别墅里没摆挂有结婚照，婚纱照也没有，一个月了也不见有自己以外的男人住进别墅里，就算丈夫出差也该回来了。而她出门会见的人里也没有一个像她丈夫的，做丈夫的人怎么可能让怀孕的妻子东奔西跑、独挡一面？但是她肯定是有关系亲密的男人的，不然她怎么可能怀孕呢？别墅里有零星男人使用的东西，超大的拖鞋，大半玻璃缸鹿鞭、蛤蚧、枸杞等混合泡的药酒。这些都是范翠翠能怀孕的证据。这是包平安个人的发现和判断，范翠翠不说，他当然也不会问、不敢问。他的职责是安全地给她开车，把车保持得干干净净。

包平安喜欢把车开到他原来打工的汽修店去洗，本意是为了给汽修店增加收入，表达对原来雇主的感谢。但一来二去，演化为了炫耀。他开的车太名贵了，还是原装进口，而且洗车的时候不让别人洗，他亲自洗，钱照给，这就让原来的同事和老板另眼相看了。还有他的穿戴也和以前不同了，西装革履，戴金灿灿的手表（都是范翠翠买和送的），看上去像个阔少。无论他怎么谦卑和低调，原来的同事和老板都不再把他当自己人了。

他决定请原来的同事和老板吃一餐饭。领第一个月工资后，范翠翠终于休息的一天，他把请原来同事和老板吃饭的想法跟范翠翠说。范翠翠听了，表示支持，嘱咐他去地下室拎一件茅台，开车去，但回来一定记得找代驾。

那顿饭一共是六个人吃。茅台一件六瓶，人均一瓶。六个人都知道茅台是好酒，但只有汽修店老板喝过一次。老板喝了包平安带来的茅台，感觉味道很不一样，惊呼真茅台就是真茅台。他的一个员工就说意思是你上次喝的是假茅台？老板笑笑不语。另一个员工说也许这次喝的才是假的呢？

编辑：实习生冯慧琴复审：黄慧华终审：蒙树起