Boux Baengh Mingzcoh Gwnhaeux - 广西民族报网

Boux Baengh Mingzcoh Gwnhaeux

来源：广西民族报网

作者：□ Fanz Yizbingz sij Vangz Ciuhnaz hoiz

发布时间：2026-07-08

De roxndeq mingzcoh de canh ndaej cienz hawj de, hoeng siengj mbouj daengz gingqyienz canh ndaej lai baenzneix.

Mbaiq mbwn mbaiq namh. Ndaw funghdajswiq seizneix haeuyak raixcaix, hoeng de cij nyouq daengz heiq cienz. Gij heiq cienz hom gvaq dujva. De nyaenx mbouj ndaej caiq mbaiq mbwn mbaiq namh baez moq, caemhcaiq gyo’mbaiq mingzcoh de hawj de seizheiq ndei.

De heuh Bauh Bingzanh.

Mbanjsanglingj miz it bak caetcib ranz vunz, dingzlai dwg singq Fanz、Banh、Vangz caeuq Veiz, dan miz ranz dog singq Bauh. Ranz singq Bauh neix beuj daengz Sanglingj caengz ndaej caetcib bi, dwg Cungguek moq laebbaenz gvaqlaeng cij beuj daeuj. Vihmaz beuj daeuj mbouj roxndeq. Seizneix, ranz singq Bauh neix, boux lij lix ceiq geq de ndaej hajcib sam bi, heuhguh Bauh Dingzgvei. Bauh Dingzgvei ndaej samcib bi le, cij miz boux lwgsai ndeu. De umj lwgsai iqetet byombyetbyet de, bae ra goengdauh Fanz Gvanghliengz haicoh. Goengdauh Fanz Gvanghliengz cam le sawmingh, cimyawj najda lwgnyez, naemj ndaej yaep ndeu le naeuz, Bingzanh. Bauh Dingzgvei dingq le, haujlai nanz mbouj gangjvah, hix mbouj ngaekgyaeuj, lumjnaeuz mbouj habhoz, roxnaeuz mbouj lijgaij. Goengdauh Fanz Gvanghliengz cam, mwngz dwg mbouj dwg nyinhnaeuz aen mingzcoh neix mbouj gok lai、 mbouj miz baijdaeuz? Dingzgvei, Bauh Dingzgvei, bau mwngz fouqgveiq, hoeng mwngz fouqgveiq la? Dingzgvei, dingz couh dwg daengx, mbouj caiq fouqgveiq, roxndeq lwi? Gyogranz mwngz daengz saemh mwngz couh fouq mbouj ndaej lo. Bauh Dingzgvei dingq le, naemj daengz gyogranz gaeuq doenghbaez caeuq seizneix, ngaekgyaeuj doengzeiq. Youq Cungguek moq laebbaenz gaxgonq, daxgoeng de dwg boux yencangj Gozminzdangj, daxboh daj ndaw Gueklaeb Cunghyangh Dayoz bizyez, yienznaeuz doeklaeng cungj guh mbouj baenz saeh hung, hoeng ndangfaenh dauqdaej hungyienj gvaq. Mbouj lumj de Bauh Dingzgvei, baez seng couh gwn haemz gwn hoj, vanzlij souhnanh. Ndaej goengdauh baez daezsingj, aiq dwg mingzcoh mbouj ndei cix baenz yienghneix. Seizneix lwgsai haicoh heuhguh Bingzanh, Bauh Bingzanh, hix ndei, hix ndaej lo, mbouj gouz fouqgveiq, hoeng gouz bingzan. Baenzneix naemj, Bauh Dingzgvei couh umj lwgsai Bauh Bingzanh ndwn hwnjdaeuj, song bohlwg caemh gvihmbaiq goengdauh haicoh hawj neix.

Bauh Bingzanh daj iq daengz hung, ndaej bingzan gvaq ndwenngoenz dahraix. Caenhguenj de hagsib mbouj ndei, gauhgauj sam baez cungj gauj mbouj ndaej dayoz, hoeng ndang cangq, haicoh gvaqlaeng mbouj baenz bingh gvaq, hauhneix couh majhung lumj duz vaizdaeg akmaengh nei. Bide ndaej ngeihcib it bi haenx daeuj Namzningz dajgoeng, youq ranz coih ci ndeu bau lid loekci an loekci. Mboujlwnh aen loekci naek geijlai, de cungj mbouj dwgrengz geijlai. Gij loekci de an gvaq lid gvaq haenx, daengxhoj naek lumj aen ganglingz boux yindungyenz dijyau yezyiz yaengx gvaq haenx.

De seizhoengq bang vunz daez ci, dangq dwg dingjlingz roxnaeuz liuh mbouj daengz. Dajgoeng ndaej bi ndeu le, de rom ndaej di cienz, couh bae hag hai ci gauj aeu cingqhaici. Youq mwh lohgauj, gyaq ci gaujsi de naengh haenx、 lij miz song gyaq ci, daengxhoj sam gyaq ci dox bungqlaeng, miz song gyaq vunz naengh ndaw ci de cungj ndaej in, dandan gyaq ci de naengh neix mbouj miz bouxlawz ndaej in. Cawqleix ndei saehhux caiqlij gaujsi liux le, yozyenz caeuq gyauqlienh caemh gwnhaeux angqhoh, de bae gingqlaeuj gyauqlienh, gyo- mbaiq de son ndaej ndei. Bouxgyauqlienh gwn laeujgingq le, yawjyawj de, sawqmwh doeksaet, lumj naemj daengz gijmaz nei, fwngz ndeu got mbaq de, laeng gyoengqvunz naeuz: Baezneix ci doxbungq, sou roxndeq vihmaz gyoengqraeuz naengh ndaw ci neix mbouj ndaej in lwi? Aenvih de, Bauh Bingzanh! Miz Bauh Bingzanh youq, bingzbingz an’an! Gyoengqvunz dingq le, cungj roxnyinh miz dauhleix, bouxboux cungj daeuj gingq laeuj de. Bonjlaiz dwg cingj bouxgyauqlienh gwnhaeux gyo’mbaiq de, yaep ndeu couh bienqbaenz gyo’mbaiq Bauh Bingzanh lo. Miz mbangj boux yozyenz gvaqlaeng yaek cawx ci, dangseiz cingj de bae bang daez ci, gouzaeu bingzan, swnhleih. Miz mbangj boux naeuz doeklaeng cawx ci, hix aeu cingj de bae hai gonq, baujdang hai ci bingzan. Ndaw sim de angqbuepbuep, conghbak cix naeuz, yienghneix mbouj ndei ba? Gyoengqvunz cungj gangj naeuz: Dou nyienh baenzneix guh!

Yienghneix, de couh hainduj guh honglingz roxnaeuz guh faenh hong daihngeih, caemhcaiq miz aen cwnghauh ndeu, Godaezci. Hix miz mbangj boux heuh de guh Gobingzanh.

Fan Cuicui couh heuh de guh Gobingzanh. Caenhguenj de laux gvaq de.

Dwg bouxlawz gaisau roxnaeuz doigawj de hawj Fan Cuicui, de mbouj cam, Fan Cuicui goj mbouj naeuz. Gyonj daeuj gangj, dwg ngoenzgonq miz boux ndeu dwk dienhvah hawj de, dwg mehmbwk, naeuz de ngoenzneix yaek cingj de daez ci le. Song boux gya le veizsin. Veizsin de heuhguh Yahnajhenj, haengjdingh dwg cohgyaj, seizneix roxndeq le mingzcoh de heuhguh Fan Cuicui, caemhcaiq lij yawj ndaej saw, de laeng Yahnajhenj henz cungj mbouj nem di, dauqfanj dwg boux mbwkoiq unqswnh gyaeundei. De caeuq gyaq ci it bak roekcib bet fanh neix, gig doxboiq.

De laihnaeuz, de caeuq Fan Cuicui baezneix doxbiek, caiq mbouj ndaej doxraen lo.

Gvaq le cib ndwen lai, youq seizdoeng miz ngoenz ndeu, de daj bouqcoihci roengzban, cazyawj veizsin、dinjsaenq, gawqyienz miz diuz veizsin ndeu dwg Yahnajhenj fat daeuj, de geiq ndaej Yahnajhenj couh dwg Fan Cuicui. Diuz veizsin Fan Cuicui fat daeuj dwg: Gobingzanh, ndaej doxraen lwi? Miz saeh gouz mwngz.

De sikhaek hoiz naeuz: Ndaej ha. Youq gyawz raennaj?

（2）

他知道他的姓名能给他挣钱，没想到他的姓名竟能为他挣这么多。

谢天谢地。卫生间里此刻充满着多种刺激的味道，但扑入鼻子的唯有钞票的味道。那钞票的味道，胜过花香。他不自禁再次谢天谢地，并感念他的名字给他带来的运气。

他叫包平安。

上岭村一百七十户人家，多是姓樊、潘、黄和韦，唯独一户姓包。包姓人家移居上岭不超过七十年，是新中国成立后迁来的。迁来的原因不详。包姓人家现今活着的最年长者五十三岁，叫包庭贵。包庭贵三十岁的时候，才生有一个儿子。他抱着小不拉几面黄肌瘦的儿子，去找道公樊光良起名。道公樊光良问了生辰八字，端详了孩子的样貌，思算了一会，说，平安。包庭贵听了，许久不语，也不见点头，像是不满意，或不理解。道公樊光良说你是不是觉得这名字不够响亮、大气？包庭贵点点头，像说中了他的心思。道公樊光良就说你的名字是够响亮、大气，庭贵，包庭贵，可是你贵了吗？庭贵，庭，停，停止富贵，明白意思吗？你们家族到你这一辈就富贵不了啦。包庭贵听了，联想自己家庭的过去和现状，点头称是。他的爷爷是新中国成立前的国民党县长，父亲是国立中央大学毕业生，虽然后来都不得志，但身份毕竟曾经显赫。不像他包庭贵，从一出生就受苦受穷，甚至受难。经道公一提醒，可能是名字不吉带来和造成的。如今儿子取名平安，包平安，也好，也行吧，不求富贵，但求平安。这么一想，包庭贵抱着儿子包平安起立，双双给起名的道公磕头。

包平安从小到大，的确平平安安。尽管他学业不好，高考三次均不被高校录取，但身体健康，取了名字后没得过病，自然成长得像一头壮硕的公牛。他二十一岁那年来到南宁打工，在一家汽车修理店包卸装轮胎。无论多重的轮胎，在他手上都轻而易举。他装卸过的轮胎，总重量堪比业余体校的举重运动员举过的杠铃。

他兼职为人提车，纯属偶然或意外。打工一年后，他攒了些钱，便去学车考驾照。路考的时候，他乘坐的考试车发生了连环追尾，三部事故车有两部司乘人员全部不同程度受伤，唯独他乘坐的这一部所有人均毫发无损。处理完事故并完成考试之后，学员与教练在一起庆幸和庆祝，他去给教练敬酒，感谢教练的教导有方。教练喝了敬酒，看了看他，忽然一个激灵，像顿悟什么，一手勾过他的肩膀，对大伙说：这起追尾事故，你们知道我们这部车的全部人，为什么都没有受伤吗？因为他，包平安！有包平安在，平平安安！大伙儿听了，都觉得有理，纷纷给他敬酒。本来酒席主角是教练，一下转变成他包平安了。在座的学员有马上要买车的，当场请他去帮提车，图个平安，昭示吉祥。现场的其他学员表示将来买车，也要请他首开，保佑一路平安。他心里甜滋滋的，嘴上却说，这不好吧？大伙儿异口同声：我们愿意！

就这样他开始了他的兼职或第二职业，并有了一个称号，提车哥。也有叫平安哥的。

范翠翠就称他平安哥。尽管她年纪比他大。

他是谁介绍或推荐给范翠翠的，他没有问，范翠翠也没有说。总之前天有个电话打他手机，是个女的，预告他今天请他提车。然后两人加了微信。对方微信名黄脸婆，肯定是化名，现在知道了她真名实姓叫范翠翠，并且还清楚地看到，她跟黄脸婆八竿子也打不着，而是雍容华贵的美少妇。她和一百六十八万的豪车，十分般配。

他以为，他与范翠翠就此一别，再也不会再见了。

过了十个月以上，隆冬的一天，他从汽修店下班，查阅手机微信、短信，居然有一条微信是黄脸婆发来的，他记得黄脸婆就是范翠翠。范翠翠的微信是这样写的：平安哥，可否见个面？有事请求你。

他立即回：好的。在哪见面？

编辑：实习生冯慧琴复审：黄慧华终审：蒙树起