来源：广西民族报网
发布时间：2026-07-08
doz dwg AI guh
De mbouj caengz raen gvaq aen hoengzbau lawz bongzbwdbwd baenzneix, laux lumj aen faengx aeu rongnding cumh nei. De haengjdingh goj naek lumj aen faengx nei, aenvih bouxhaici aeu song fwngz gaem aen hoengzbau, nyinhcaen yienh hawj de. De lumj lau ndat fwngz nei, gingqyienz mbouj deq. Aen hoengzbau lumj aen faengx de, yawj daeuj lumj feiz haenq, hawj de dawzmaez youh dwglau. Gij cienz ndaw daeh, haengjdingh lai gvaq gij de siengj aeu, aenq miz geij cien vanzlij baenz fanh, lai gvaq cienzhong de, dwg gij de mbouj ndaej caeuq mbouj gamj aeu.
Sujci dwg meh mbwkoiq baenzsau ndeu, singq Fan, coh heuh Cuicui. Mbawfei cawx ci doekgonq youz bouq gai ci hai de, baihgwnz raiz bouxcawxci couh dwg Fan Cuicui, de goj nyinhdingh dwg de bonjfaenh. Gij soujsuz cawx ci banh ndei le, Fan Cuicui ndwn youq dangqnaj aen ci ngamq cawx, umj nyup vamoq bouq gai ci soengq hawj haenx, ingjsiengq louzniemh. De yungh soujgih Fan Cuicui bang de ingjsiengq. De youq ndaw soujgih raen meh mbwkoiq neix bizbyau youh baenzsau, aek diuqbubbub, fwngz saenzsedsed. Ingj ndaej haj roek mbaw le, de yienh soujgih hawj de. Meh mbwkoiq yawj le yawj mbawsiengq ndaw soujgih, ngaekngaek gyaeuj, lumj habhoz nei. Youh cienqgyaeuj laeng de naeuz, raeuz goj caemh ingj mbaw ndeu ba. Ndaw gyoengqvunz baiz baenz doih angqsoengq henzgyawj, miz boux ndeu byaij gvaqdaeuj deq soujgih Fan Cuicui. Ndaw soujgih sikhaek yawjraen Fan Cuicui got gen de, gyaeuj nyeng coh de, lumj yawjnaek de nei. De youh angq youh lau、 mbouj rox baenzlawz guh, lumj boux yaek iekdai raen noh nei. Song boux vunz ingjsiengq ndei, Fan Cuicui aeu fagseiz hawj de le. Cienqndang byaij daengz henz ci, haeuj ndaw ci bae, naengh youq gwnz daengq henz bouxhaici. De cix guh bouxhaici.
Aen ci Baujsizcez Balahmeizlah saekhau daj bouqgaici hai okbae, seiz vaiq、seiz numq、youh gyaeundei, lumj aen ruzyouz gyaqciq hai ok sok he. Hai haeuj haw le, miz ci baebae dauqdauq, de couh lumj duz byahaijdunz hau dijbauj gwnz haij nei, noixraen、yienhda caeuq ndaenggon. De guh bouxhaici hix roxnyinh miznaj dangqmaz, lumj swhgeij couh dwg bouxcawjci, hoeng de gig vaiq couh roxnyinh daengz swhgeij mbouj dwg, naemj daengz neix ndaw sim mienx mbouj ndaej miz di vuengluenh, lau neix lau haenx, hai ci ngamq gamj byaij diuz roen dog, gawq mbouj hai vaiq gvaq bouxwnq hix mbouj nyiengh roen, numqnat hai baenaj. Bouxcawjci caencingq Fan Cuicui roxndeq de lau, naeuz hawj de cuengqsim hai, mbouj yungh lau. De vanzlij siujsim naeknaemq hai le roek goengleix hauhneix, hai haeuj aen camhgyayouz ndeu le, daengx ci. Ci yaek gyayouz, de hix aeu gyau ci hawj de. Baeznduj hai aeu hai roek daengz bet goengleix, caiq gyau ci hawj bouxcawjci, neix dwg doekgonq gangj ndei. Gyau ci ndei, hongsaeh de roxnaeuz yiengh fugsaeh de hix couh guhbaenz lo, yienghneix couh yienghyiengh cungj ndeindaengq、dingq mbwn youz mingh lo. Seizneix, song boux vunz cungj roengz ci, byaij daengz caemhgiz, naj doiq naj. Bouxcawjci Fan Cuicui gaem aen hoengzbau gaenq bwh ndei de, baenzneix couh miz gienh saeh baihgonq gangj daengz de.
Fan Cuicui raen de lauyuemyuem mbouj ietfwngz, naeuz: “Deq gvaqbae.”
De ngauzngauz gyaeuj, naeuz: “Deq mbouj ndaej, goj mbouj gamj deq.”
“Vihmaz ne?”
“Lai gvaq lo, lai gvaq lo.”
“Neix dwg gou gagnyienh hawj mwngz.”
“Goj lai gvaq lo.”
De yawj bouxvunz yiemz cienz lai neix, miz di geizheih, cam naeuz: “Baeznaengz mwngz bang vunz daez ci, ndaej geijlai hoengzbau?”
De han naeuz: “Bak roekcib bet, song bak betcib bet, sam bak betcib bet, cungj miz. Baez ndaej ceiq lai dwg roek bak roekcib roek, neix dwg ceiq lai, mbouj ndaej lai gvaq lo.”
De mbouj saenq geijlai, cam naeuz: “Mwngz lij bang vunz daez yiengh ci lawz dem ha?”
De byonj lwgda, doq ngeix doq han: “Gizsui, Baujcin, Bwzgingh Gizbuj, Hanzgoz Yendai, Dwzhi Basazdwz, Bwnhciz E300. Geij cungj neix.”
De mbitmbit cihbak, miz di yawj mbouj hwnj, naeuz: “Yo, aen ci ndeu cib lai fanh ngeihcib lai fanh, aen ceiq bengz bengz mbouj gvaq roekcib fanh, hoengzbau swyenz hawj noix ya, haengjdingh dwg noix baenzneix lo. Mwngz rox gyaq ci gou dwg geijlai cienz lwi? ”
“Mbouj rox geijlai.” De ngauzngauz gyaeuj naeuz. Haxbaenh youq ndaw bouqgaici, de mbouj louzsim ndaw mbawfei cawx ci dwg geijlai cienz.
“Gyaq ci neix it bak roekcib bet fanh, Dwzgoz cauhguh le cingouj ma. Ndigah, hoengzbau hix mbouj doxdoengz.” De naeuz, youh raek aen hoengzbau yienh gvaqbae, “hawj mwngz.”
De miz di yaemhywx, vanzlij mbouj deq.
“Neix dwg gou gagnyienh hawj mwngz.” De youh naeuz dwk.
“Neix......”
“Mwngz yiemz lai, couh gya sieng youz ndeu hawj gou ba.” De naeuz.
De deq hoengzbau gvaqbae.
Balahmeizlah gya rim le sieng youz 98 hauh ndeu. Caengz caj de hai cienz, Fan Cuicui couh vadfwngz yaek deuz. De hix gipmuengz vadfwngz, naeuz: “Menh hai, gwnz roen bingzan!”
Fan Cuicui riunyumnyum han, “haengjdingh!” Menhcij ndonj haeuj ndaw ci bae, hai ci deuz lo.
De cuengq fwngz roengzdaeuj, laeng faj fwngz gaem aen hoengzbau haenx doxvet. De gaem aen hoengzbau bae hai cienz. Daj ndaw daeh yot haj bak maenz okdaeuj hai le, hoengzbau lij nanwdnwd, lumj aen gang cang raemx rim ndeu. De nyaenx mbouj ndaej bae ndaw funghdajswiq, youq ndaw geklanz geq cienz. Ndaw hoengzbau lij lw bet cien sam bak maenz, gya haj bak maenz cienzyouz dem, neix couh dangqnaeuz de baezneix bang vunz daez ci, ndaej leih bet cien bet bak maenz. Daj de guh honglingz bang vunz daez ci doxdaeuj, baezneix dwg baez ndaej cienzhong ceiq lai ndeu.
（1）
他从来没有见过这么大个的红包，鼓囊囊的，像一个红叶包的粽子。它一定也像粽子一样沉，因为红包被车主双手捧着，郑重地递给他。他竟然没有接，像是怕烫。粽子一样的红包仿佛又如烈火金刚，让他着迷而畏惧。红包里的钱，一定超过了他的期待，数千甚至上万，大于劳动的报酬，是他不可和不敢接受的。
车主是位美丽的少妇，姓范，名翠翠。先前车行出具的购车发票，购车人写的就是范翠翠，她也确认是她本人。购车手续办清楚后，她在自己购置的车子前，捧着车行赠送的鲜花，照相留念。用的是她的手机，帮拍照的人是他。丰腴、妩媚的她显现在手机屏上，让他心砰砰跳，手打颤。接连拍了五六张后，他把手机交还给她。她看了看手机的照片，点点头，像是满意。她对就在她身边的他说，我们也来一张吧。附近排列欢送的车行人员里的其中一人， 上来接过了她伸手递出的手机。手机里很快显现她挽着他的手臂，脸倾向他，一副倚重他的样子。他受宠若惊、手足无措，像一个饿昏时遇见大鱼大肉的人。两个人合完影，她把车钥匙给他。然后，她转身去到车的另一边，坐到副驾驶座位上。而他，坐在驾驶座上。
白色保时捷帕拉梅拉开出车行，热络、缓慢、优雅，像一艘驶出海港的豪华游轮。进入街道后，在车水马龙中，它则像海上一头珍稀的白海豚，鲜少、醒目和傲娇。驾驶的他顿时也自觉高贵起来，仿佛自己就是车的主人，但他很快意识到自己不是，于是心里不免有些慌乱，前怕狼后怕虎，具体反映在驾驶上就是只走一条道，既不超车也不让道，缓速前进。真正的车主范翠翠看出了他的紧张，鼓励他放心开，大胆开。他依然小心谨慎地开了约六公里，进入一个加油站，停下。车子要加油，他也要把车交给她。首开六到八公里，再把车交给车主，这是事先约定好的。完成交接，他的使命或效力也就完成了，一切就万事大吉、听天由命了。此刻，两个人都下了车，走到了一起，面对面。车主范翠翠捧着已经准备好的红包，有了开头的一幕。
范翠翠见他诚惶诚恐不伸手，说：“接呀。”
他微微地摇摇头，说：“不可以，不敢。”
“为什么？”
“太大了，太多了。”
“这是我自愿给的，情愿给的。”
“还是太多了。”
她看着嫌钱多的他，生出了一些好奇，说：“平时你帮人提车，拿多少红包？”
他说：“一百六十八，二百八十八，三百八十八，都有。最高一次是六百六十六，极限，不能再超过了。”
她将信将疑，说：“那你都提的是什么车呀？”
他翻着眼睛，边想边说：“吉瑞，宝骏，北京吉普，韩国现代，德系帕萨特,奔驰E300。就这些。”
她嘴角掠过一丢睥睨或鄙夷，说：“切，十来万二十几万的车，最高不超过六十万的车，红包自然是少呀，肯定是这么多啦。你知道我这辆车是多少钱吗？”
“不太清楚。”他摇摇头说。刚才在车行他没有注意发票上的购车金额。
“总价一百六十八万，德国原装进口。所以，红包也不一样。”她说，把下垂的红包抬上，重新递去，“给。”
他犹豫，仍然没有伸手。
“这是我自愿给的，情愿给的。”她重复说道。
“这……”
“你嫌多，那给我加箱油吧。”她说。
他伸手接了红包。
帕拉梅拉加满了一箱98号油。未等他付钱，范翠翠便挥手跟他说再见。他也急忙挥手，说：“再见，一路平安！”
范翠翠嫣然一笑，“必须的！”然后钻进车里，将车开走。
他将挥举的手放下，跟另一只拿着红包的手交合在了一起。他拿捏着红包去付钱。五百元从红包里抽出来付掉，红包还是十分的厚重，像一口盛满水的缸。他禁不住去了卫生间，在隔栏里数钱。红包里还有八千三百元，加上五百元的油钱，这意味着他这次为人提车，获得的利是八千八百元。这是他兼职为人提车以来所得酬劳的最高纪录。
编辑：实习生 冯慧琴 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com