Youq Henz Hawsingz - 广西民族报网

Youq Henz Hawsingz

来源：广西民族报网

作者：□ Hoz Hwngzcingh raiz Cau Dwzfeih hoiz

发布时间：2026-07-08

Mwngz mbouj rox, mwh gou ngamq daeuj daengz aen cin iq neix, mbouj sug saek loh, gyahwnj mbouj rox doxgangj, caen dwg godog mbouj miz vunz bang. Cibhaj bi gaxgonq, gou mbouj liz mbanj raeuz gvaq. Youq mbanj raeuz, sojmiz vunz gou cungj rox. Ok mbanj raeuz le, gou byawz cungj mbouj rox. Gou dwg caeuq ndaw mbanj boux caencik gyae ndeu daengz cin iq ragwn. Couhdwg ragwn. Mwngz mbouj dingq loek. Youq ranzlaux seizhaenx gwn mbouj imq, ngoenz sam donq gwn aemj, saw dwk yawjraen ngaeuz vunz. Couhdwg gij aemj baenzneix, lij gya buenq lai aen maenz dem, naedhaeux yawjraen cingcing cujcuj. Couhdwg gij aemj baenzneix hix mbouj rox lij ndaej laeddaeb gwn geijlai nanz dem. Ganghaeux ndaw ranz yaek raen daej lo. Seizhaenx cingq dwg mwh maj ndang, dungx gou ngoenz daengz haemh iek heuhgugu. Dingqnaeuz vunz gizneix ngoenz sam donq cungj gwn haeuxamq, couh daeuj lo. Naemj mbouj daengz daeuj gizneix mbouj geij nanz, boux caencik gyae daiq gou daeuj haenx aenvih miz saeh lizbae, dan louz gou boux dog youq neix gonq.

Mwngz rox, bohcaen gou gvaqseiq caeux, hoeng ranzlaux mehcaen lij youq, aen cingzgvang neix bouxsimndei rox, doiq gvanbaz souciengx gou hix rox. Youq seizhaenx, cijaeu ndaej gwn imq, gou cungj ei. Gou ndawsim naemj mehcaen gou hix baenzneix naemj. Daj de hawj gou gag gaen bouxwnq okdaeuj ragwn, de gaenq mbouj miz banhfap lo, ndaw ranz lijmiz daegnuengx dahnuengx engq iq aeu gwn haeux, de ciengx mbouj ndaej baenzlai lwgnyez. Gienh saeh neix seizneix yawj hwnjdaeuj mbouj yungzheih roxyiuj, hoeng lajmbanj gij saeh mbouj roxyiuj lailai lo. Mizmbangj saeh ngoenzlwenz mbouj roxyiuj, ngoenzneix couh roxyiuj lo. Mizmbangj saeh ngoenzneix mbouj roxyiuj, ngoenzcog couh roxyiuj lo. Fanj gvaqdaeuj hix doxdoengz. Gou caeuq doiq gvanbaz haenx banhaet lijdwg najseng, banhaemh couh caez aen gu ndeu gwn haeux, baenz ranz vunz ndeu. Gou daj ranz bonjfaenh okdaeuj ragwn, liuh mbouj daengz ra dwk ra dwk gingqyienz baenz lwgciengx ranz bouxwnq.

Haeuj dou ranz bohciengx mehciengx le, ngamq hainduj gou couh naemj guh ndeindumq bae. Gyoengqde youq mwh gou gunnanz soulouz gou, hawj gou miz haeux gwn, miz dieg youq, gij aencingz neix hung gvaq mbwn bae. Gou roengzrengz guh hong, miz geijlai rengz ok geijlai rengz, gou mbouj ndaej hawj vunz lwnh gou dwg gwn ndwi. Gou roengzrengz daih bohciengx mehciengx dangq bohcaen mehcaen gou. Bohciengx mehciengx ngamq hainduj doiq gou hix ndei raixcaix, gyoengqde cawx buhvaq moq hawj gou, miz gijgwn ndei hix louz hawj gou faenh ndeu. Gou ndaej rox, gyoengqde dangq gou dwg boux vunz aen ranz neix, gyoengqde roengzrengz ciengx gou guh lwgcaen, hoeng mbouj rox vihmaz, dou cungj ndiep mbouj hwnjdaeuj. Seizgan gvaqbae sam ndwen、haj ndwen, lijdwg yienghneix. Mbouj rox dwg aenvih gou nienzgeij hung lo lijdwg gij yienzaen wnq. Roxnaeuz, dou cungj caengz guh ndei baenzlawz bae caezyouq, song mbiengj cungj dawz mbouj cinj baenzlawz bae caezyouq. Guh hek lai couh yienh ndaej moq lai, simhoengz lai song mbiengj youh lij caengz miz cingzngeih geijlai. Mboengq raezrangh ndeu, gij heiq ndaw ranz cungj raen geizgvaiq raixcaix. Dou cungj naemj lai gangjgoj, hoeng doeklaeng hix gangj mbouj ndaej geij coenz couh daengx youq gizhaenx, mbouj rox guhlawz ciep roengzbae. Gangj caen, youq ranz bohciengx mehciengx gou cungj roxnyinh mbouj dwg ranz. Youq ranz wnggai dwg soengsetset dwg mbouj dwg? Hoeng gou guh gijmaz cungj siujsim riri, lau gizlawz guh mbouj ndei, guh mbouj deng, hawj bohciengx mehciengx hozhwnj.

Gou dauqdaej lijdwg liz aen ranz souciengx gou haenx bae, mwh haeuj ranz caengz ndaej song bi, mwh gou sim yaek dangq de guh ranz bonjfaenh.

Gou itcig naemj cam, hoeng youh mbouj gamj cigsoh cam lungzngeih, bihaenx dwg de gag lizbae, lijdwg vunz hawj de lizbae.

Lungzngeih gvaqseiq geij bi le, dingjlingz bungz boux roxnaj ndeu, de lwnh gou gij saeh de rox. Gou naemj gvaq sojmiz dapanq, hoeng naemj mbouj daengz dwg aen dapanq baenzneix ndeu： Daengz doeklaeng, dwg bohciengx mehciengx yiemz lungzngeih gwn ndaej lailai. Lungzngeih seizhaenx cingq dwg seiz maj ndang, haeux gwn ndaej lai raixcaix, donq gwn ndaej geij duix hung. Gwn ngoenz ndeu mbouj miz maz, gwn ndwen ndeu hix mbouj miz maz, bohciengx mehciengx de lau baenzneix itcig gwn roengzbae hix dingj mbouj ndaej. Boux lwgciengx neix coglaeng ndaej mbouj ndaej ciengxlaux soengqdai lijdwg vwndiz, hoeng yawj seizneix baenzneix gwn roengzbae aiq gvaq mbouj ndaej geijlai nanz couh gwn gij gyadaej gyoengqde bae seuqsat lo. （7）

你不知道，我刚来到这个小镇时，人生地不熟，加上语言不通，是怎样的孤立无援。十五岁之前，我没有离开过我们村。在我们村，所有的人我都认识。出了我们村，我谁都不认识。我是跟村里一个远房亲戚到小镇找口吃的。就是找口吃的。你没听错。在老家那时吃不饱，一日三餐喝稀饭，稀得能看见人的影子。就是这样的稀饭，还掺了一大半红薯，米粒肉眼可数。就是这样的稀饭也不知道还能继续吃多久。家里的米缸已经要见底了。那时正是长身体的时候，我的肚子一天到晚饿得咕咕叫。听说这里的人一日三餐都能吃干饭，就来了。没想到来这没多久，领我来的远房亲戚因故离去，只留我一个人先待在这。

你是知道的，我亲爸走得早，但老家亲妈还在，这个情况热心人是知道的，收养我的那对老夫妇也是知道的。在当时，只要能吃饱，我都能接受。我心里揣摩着我亲妈也是这样想的。打她让我独自跟着别人出来找吃的，她已经没辙了，家里还有更小的弟弟妹妹要吃饭，她养活不了那么多孩子。这事现在看起来不太好理解，但天下不好理解的事多了去了。有些事昨天不好理解，今天就好理解了。有些事今天不能理解，明天就能理解了。反过来也一样。我跟那一对老夫妇早上还是陌生的，晚上就在一个锅里吃饭，成为一家人。我从自己家里出来谋条生路找碗饭吃，没想到找着找着竟然成了别人家的养子。

进了养父母家的门，一开始我就想着好好表现。他们在我困难的时候收留了我，让我有饭吃，有地方住，这是天大的恩情啊。我努力地干活，有多少力气就使多少力气，我不能让人说闲话说我是白吃饭的。我努力把养父养母当作我的亲爹亲妈来对待。养父母一开始对我也是客客气气嘘寒问暖的，他们帮我添置了全新的衣物，有好吃的也留给我一份。我能感受得到，他们把我当作了这个家的一分子，他们在努力把我当亲儿子来养。可不知道为什么，我们之间总是亲不起来。时间过去三个月、五个月，还是这样。不知道是因为我年龄大了还是其他的什么原因。或许，我们都还没做好如何相处的心理准备，彼此都拿不准以怎样的方式相处。太客气了就显得生疏，太热情了双方又还没有一定的感情基础。很长一段时间，家里的氛围总感觉很怪异。我们都想多说说话，但是最后也说不了几句就停在那，不知道怎么接下去。说实话，在养父母家里我总是找不到家的感觉。在家应该是轻松随意的是不是？可是我做什么都小心翼翼的，生怕什么地方做得不好，做得不对，惹养父母生气。

我最终还是离开了那个收养我的家，在进家不到两年之后，在我心里要把那当作真正的家的时候。

我一直想问，但是又不敢直接问二伯，当年是他自己要离开的，还是人家让他离开的。

在二伯去世一些年后，偶遇一位知情者，他告诉了我他所知道的真相。我猜想过所有的答案，但没想到是这样一个答案：到最后，是养父母嫌二伯吃得太多了。二伯当时正是长身体的时候，饭量惊人，一餐能吃好几大碗饭。吃一天没问题，吃一个月也没问题，他的养父母担心这样一直吃下去也不是办法。这个养子未来能不能为自己养老送终还是个问题，但是按眼下这样吃下去可能过不了多久就会把他们的家底给吃空了。

编辑：实习生冯慧琴复审：黄慧华终审：蒙树起