Youq Henz Hawsingz - 广西民族报网

Youq Henz Hawsingz

来源：广西民族报网

作者：□ Hoz Hwngzcingh raiz Cau Dwzfeih hoiz

发布时间：2026-07-08

Auciengj bang vunz yawj daemzbya, aen daemzbya haenx ngamj youq aen ranzco gou mbouj gyae.

Aen ranzco gou caeuq aen daemzbya Auciengj yawj haenx, cungj youq henz mbanj, liz ranz vunzmbanj comzyouq haenx gyae. Dou song boux cungj dwg vunz henz mbanj. Auciengj daeuj bakdou ranz gou gaxgonq, gou caeuq Auciengj mbouj baedauq gvaq. Youq duenh mbouj gyae mbouj gyawj neix, youq henz mbanj danmiz dou song boux neix, dou cungj rox miz vunz youq, hoeng hix dan rox ndwi. Auciengj youq aen daemzbya de gizhaenx guh hong de, gou youq ranzsaw gou roxnaeuz suenbyaek najranz guh hong gou. Dou cungj mbouj seizbienh bae cauz bouxwnq. Dou cungj baujlouz duenh habdangq boux caeuq boux.

Auciengj dwg vunz aen mbanj iq baihbaek Gvangjsih ndeu, mwh coz youq dieghong henzsingz guh hongrengz, doeklaeng nienzgeij geq lo, youq gunghcangj dieg haifat ginghci henzsingz dawz dou, youq dieg vuzliuz henzsingz dawz cang. Mbouj rox dwg habngamj lijdwg mingh dingh, de cungj dwg youq rogsingz baenqlulu, couhdwg haeuj singz mbouj ndaej. Baezneix bang vunz yawj daemzbya, hix dwg youq henzsingz. Lauxbanj aen daemzbya mbouj dwg boux lauxbanj iq cienmonz bau daemzbya guhgwn, gizsaed dwg boux lauxbanj hung aen gunghswh aen singz neix, de bau aen daemzbya neix caeuq mbangj nazbyaek henzgyawj, dang de dwg aen dieg gaiqgwn saekheu gunghswh ndeu, goq Auciengj youq gizneix ciengx bya ciengx gaeq ciengx bit ciengx hanq, ndaem gva ndaem duh ndaem byaek, moix aen singhgiz baij vunz dawzci daeuj rag gij doxgaiq Auciengj ndaem ciengx okdaeuj haenx baez ndeu. Baezneix yawj daemzbya, dwg baez Auciengj liz hawsingz ceiq gyawj. Aen daemzbya depgyawj diuzloh mbiengj ndeu, diuzloh lingh mbiengj couhdwg aen gunghyenz gizgyae hawsingz. Yienznaeuz dan gek diuz loh ndeu, hoeng lijdwg rox cingcuj hawsingz caeuq lajmbanj miz maz mbouj doengz. Mwh mbwn laep, mbiengj hawsingz haenx, dwg aen gvaengx miz daeng rongh, daeng aen dem aen rongh hwnjdaeuj, hoeng mbiengj lajmbanj neix, cix dwg laepngaungau. Hawsingz dwg hawsingz, lajmbanj dwg lajmbanj, song mbiengj cingcuj raixcaix. Diuz loh ndeu, song aen seiqgyaiq. Loh mbiengj ndeu dwg aen seiqgyaiq ndeu, loh lingh mbiengj dwg lingh aen seiqgyaiq. Auciengj lau daengx ciuh cungj mbouj caengz haeuj aen seiqgyaiq doiqnaj gek diuz loh ndeu haenx gvaq.

Daemzbya deng dumh, ranz deng dumh, Auciengj gizsaed ndaej caiq bae ra diegyouq. Mboujgvaq lauxbanj daemzbya lau doengh gij gaeq bit bya hanq mbouj miz vunz yawj deng vunz swnh fwngz aeu bae lo, couh mbouj ngaek gyaeuj hawj Auciengj lizbae. Youq ndawsim boux lauxbanj haenx, gaeq bit bya hanq de lij youqgaenj gvaq bouxdenggoq de lailai. Auciengj aeu ngaenz vunz, cijndaej dingq vunz gangj.

Lajroq ranz gou gizsaed dwg aen bungz dangj fwn gya guh okbae, iet okbae daihgaiq song mij gvangq. Auciengj youq baihlaj aeu faj benj ndeu caeuq geij gaiq cien guh baenz aen mbonq genjdanh ndeu. Mwh caj raemx roengz song ngoenz haenx, Auciengj naj coh daemzbya, lijdwg dingj guh faenh hong boux yawj daemzbya ndeu. Gou hix heuh de haeuj ranz gvaq, hoeng de naeuz miz diegyouq ndoj rumz dangj fwn couh ndei lai lo, mbouj ndaej caiq mazfanz gou dem lo. Vunznajseng, gangj liuxbae lijdwg mbouj sug, mbouj dwg vunzranz, youq ndaw aen ranz gven dou hwnjdaeuj ndeu, caen hix miz haujlai mbouj fuengbienh, gou hix couh mbouj caiq gangj gijmaz lo.

Lajroq, dwg aen dieg gvaqdoh. Fwnhung youq baihrog, yaepseiz haeujdaeuj mbouj ndaej, hoeng lijdwg seiz mbouj seiz miz fwn biu haeujdaeuj, doek daengz gyaeujmbonq, doek daengz ndang vunz, hoeng youq ndaw ranz, faj ciengz ndeu aen dou ndeu, dangj sojmiz fwnrumz youq baihrog liux. Youq ndaw ranz, dwg gij singyaem dingding dungdung gu vanj beuz bat. Youq lajroq rog ranz, dwg gij singyaem fwn rumz doxcab youq caez.

Rumz baenz raq baenz raq, fwn hix dwg baenz raq baenz raq, baihlaj rumz fwn vunz naemj, gou ngeix wnggai hix dwg baenz raq baenz raq. Fwn miz haenq miz iq, miz deih miz cax, gou ngeix gij uknaemj bouxvunz wnggai hix gaen de hwnjroengz ha. Youq lajroq youq song ngoenz song hwnz haenx, gou yawjraen Auciengj dingzlai cungj muengh daemzbya ngaez, gou mbouj rox de cingq naemj gijmaz. De dwg mbouj dwg naemj daengz youzlangh buenq lai ciuh vunz neix, gij ndwenngoenz ciq youq lajroq haenx？ Roxnaeuz de gijmaz cungj mbouj naemj. De baenzgvenq lo, de gaenq nyinh mingh lo. Gij fwn rumz buenq lai ciuh vunz neix bungz gvaq haenx hawj de ndawsim caeux couh miz aendaw nanwdnwd lo. De mbouj lumj dou doengh boux daengx bi youq ndaw funghbanhgoeng laeuzsang, lumj dujva ndaw rugraeuj baenzneix unqet youh you lai naemj lai.

（5）

蒋叔帮人看鱼塘，那鱼塘恰好就在我租住的小屋不远处。

我租住的小屋和蒋叔所看的鱼塘，都在村子的边上，远离其他村民聚居的房子。我们两个都是村子的边缘人。在蒋叔出现在我的门口之前，我和蒋叔没有任何交集。在这不远不近的距离里，在这只有我们俩的村子边上，我们都知道彼此的存在，但也仅限于知道。蒋叔在他的鱼塘那边干他的活，我在我的书房或屋前菜地干我的活。我们都不是那种随意踏入别人生活的人。我们都保持着人和人之间适当的距离。

蒋叔来自桂北的一个小村子，年轻时在城郊的工地干苦力，后来年纪大了，在城郊经济开发区的工厂看过大门，在城郊的物流基地守过仓库。不知是巧合还是命里注定，他总是在城外转圈圈，就是进不了城。这一次帮人看鱼塘，也是在城郊。鱼塘老板不是专门承包鱼塘为生的小老板，其实是这座城里一家公司的大老板，他承包了这个鱼塘以及周边的一些菜地，把它当作公司的一个绿色食材基地，雇蒋叔在这里养鱼养鸡养鸭养鹅，种瓜种豆种青菜，每周派人开车来拉一次蒋叔的劳动成果。这一次看鱼塘，是蒋叔距离城市最近的。鱼塘紧挨着马路的一侧，马路的另一侧就是城市的远郊公园。虽然只有一路之隔，但还是能明显感觉到城市和乡村的区别。当夜晚降临，属于城市市区的那一边，划入城市亮化的范围，灯盏一一亮起，而属于村子的这一边，却是黑漆漆的。城市是城市，乡村还是乡村，两者之间泾渭分明。一条路，两个世界。路的一边是一个世界，路的另一边是另一个世界。蒋叔或许终其一生都未能进入对面那个一路之隔的世界。

鱼塘被淹，房子被淹，蒋叔其实完全可以另寻住处。只不过鱼塘老板担心鱼塘那些鸡鸭鱼鹅没人看管让人顺手牵羊顺走了，就没点头让蒋叔离开。在那个老板的眼里，他的鸡鸭鱼鹅显然要比他的雇工更为重要。蒋叔拿人工钱，只能听命于人。

我房子的屋檐其实是个加盖出去的雨棚，伸出去大约有两米宽。蒋叔在下面用一块木板和几块砖头搭了张简易的床。在等水退去的那两天，蒋叔面朝鱼塘，仍然坚守着一个看鱼塘人的职责。我也曾叫过他进屋，但他说有个地方落脚避风挡雨已经很好了，不能再给我添麻烦了。陌生人之间，说到底还是疏离的，不是一家人，住在一个关起门的屋子里，确实也有诸多不便，我也就不再说什么了。

屋檐下，是个过渡地带。大雨在外边，一时进不来，但雨丝会时不时随着风一阵阵飘散进来，落在木板床的床头，落在人的身上，而在屋内，一堵墙一扇门，能把所有的风雨都挡在外面。在屋内，是锅碗瓢盆叮叮咚咚的声音。在屋外的屋檐下，是风雨交织在一起的声音。

风是一阵一阵的，雨也是一阵一阵的，风雨之下人的思绪我想应该也是一阵一阵的。雨有急有缓，有密有疏，我想人的思绪应该也会随之起伏吧。住在屋檐下的那两天两夜，我看到蒋叔大多时候都在望着鱼塘发呆，我不知道他在想些什么。他会不会想起这大半辈子的漂泊，在屋檐下寄住过的日子？或许他什么都不会想。他已经习惯了，他已认了命。这大半辈子所经历的风雨让他的内心早已长出了厚厚的茧。他不像我们这些常年待在高楼办公室里的人，如同温室里的花朵那么脆弱而又多愁善感。

编辑：实习生冯慧琴复审：黄慧华终审：蒙树起